ਮੈੱਲਬਰਨ : ਆਸਟ੍ਰੇਲੀਆ ਦੇ High Court ਨੇ ਇੱਕ ਇਤਿਹਾਸਕ ਫੈਸਲੇ ’ਚ NSW ਦੇ Hunter region ’ਚ MACH Energy ਦੇ Mount Pleasant ਓਪਨ-ਕੱਟ ਕੋਲਾ ਖਾਨ ਦੇ ਵਿਸਥਾਰ ਪ੍ਰੋਜੈਕਟ ’ਤੇ ਰੋਕ ਲਗਾ ਦਿੱਤੀ ਹੈ। 3-2 ਦੇ ਬਹੁਮਤ ਵਾਲੇ ਇਸ ਫੈਸਲੇ ਦਾ ਵਾਤਾਵਰਣ ਪ੍ਰੇਮੀਆਂ ਵੱਲੋਂ ਸਵਾਗਤ ਕੀਤਾ ਜਾ ਰਿਹਾ ਹੈ, ਜਦਕਿ ਮਾਈਨਿੰਗ ਕੰਪਨੀਆਂ ਅਤੇ ਨਿਵੇਸ਼ਕਾਂ ’ਚ ਭਾਰੀ ਚਿੰਤਾ ਦਾ ਮਾਹੌਲ ਹੈ।
ਅਦਾਲਤ ਨੇ ਆਪਣੇ ਫੈਸਲੇ ’ਚ ਸਪੱਸ਼ਟ ਕੀਤਾ ਹੈ ਕਿ ਯੋਜਨਾਬੰਦੀ ਅਧਿਕਾਰੀਆਂ ਨੂੰ ਅਜਿਹੇ ਪ੍ਰੋਜੈਕਟਾਂ ਨੂੰ ਮਨਜ਼ੂਰੀ ਦੇਣ ਤੋਂ ਪਹਿਲਾਂ climate impacts, ਖਾਸ ਕਰਕੇ ‘scope 3 emissions’ (ਬਰਾਮਦ ਕੀਤੇ ਕੋਲੇ ਨੂੰ ਸਾੜਨ ਨਾਲ ਹੋਣ ਵਾਲੇ ਨਿਕਾਸ) ਨੂੰ ਧਿਆਨ ’ਚ ਰੱਖਣਾ ਚਾਹੀਦਾ ਹੈ। Justice James Edelman ਨੇ Professor Penny Sackett ਦੇ ਹਵਾਲੇ ਨਾਲ ਕਿਹਾ ਕਿ ਜੇਕਰ ਇਹ ਪ੍ਰੋਜੈਕਟ ਅੱਗੇ ਵਧਦਾ ਹੈ, ਤਾਂ ਇਹ ਦੁਨੀਆ ਦੇ ਸਭ ਤੋਂ ਵੱਧ ਗ੍ਰੀਨਹਾਉਸ ਗੈਸ ਛੱਡਣ ਵਾਲੇ ਚੋਟੀ ਦੇ ਪ੍ਰੋਜੈਕਟਾਂ ’ਚੋਂ ਇੱਕ ਹੋਵੇਗਾ।
ਇਸ ਫੈਸਲੇ ਤੋਂ ਬਾਅਦ, Minerals Council ਦੀ chief executive Tania Constable ਨੇ ਨਿਵੇਸ਼ਕਾਂ ਅਤੇ ਮਾਈਨਿੰਗ ਖੇਤਰ ’ਤੇ ਪੈਣ ਵਾਲੇ ਵਿਆਪਕ ਪ੍ਰਭਾਵਾਂ ਬਾਰੇ ਚਿੰਤਾ ਜ਼ਾਹਰ ਕੀਤੀ ਹੈ। ਦੂਜੇ ਪਾਸੇ, Environment Minister Murray Watt ਅਤੇ NSW Natural Resources Minister Courtney Houssos ਨੇ ਕੋਲਾ ਉਦਯੋਗ ਦੀਆਂ ਚਿੰਤਾਵਾਂ ਨੂੰ ਸ਼ਾਂਤ ਕਰਨ ਦੀ ਕੋਸ਼ਿਸ਼ ਕਰਦਿਆਂ ਕਿਹਾ ਕਿ ਇਸ ਦਾ ਮਤਲਬ ਇਹ ਨਹੀਂ ਹੈ ਕਿ ਭਵਿੱਖ ’ਚ ਕੋਲਾ ਖਾਨਾਂ ਦੇ ਵਿਸਥਾਰ ਨੂੰ ਮਨਜ਼ੂਰੀ ਨਹੀਂ ਮਿਲੇਗੀ।
ਇਹ ਅਹਿਮ ਕਾਨੂੰਨੀ ਲੜਾਈ Muswellbrook ਦੀ ਵਸਨੀਕ Wendy Wales ਅਤੇ Tony Lonergan ਵੱਲੋਂ ਲੜੀ ਗਈ ਸੀ। Greens ਆਗੂ Steph Hodgins-May ਅਤੇ Greenpeace Australia Pacific ਦੇ Joe Rafalowicz ਨੇ ਇਸ ਨੂੰ ਵਿਗਿਆਨ ਅਤੇ ਆਮ ਸਮਝ ਦੀ ਇੱਕ ਵੱਡੀ ਜਿੱਤ ਕਰਾਰ ਦਿੱਤਾ ਹੈ। ਉੱਥੇ ਹੀ MACH Energy ਦੇ ਬੁਲਾਰੇ ਨੇ ਫੈਸਲੇ ’ਤੇ ਨਿਰਾਸ਼ਾ ਜ਼ਾਹਰ ਕਰਦਿਆਂ ਕਿਹਾ ਕਿ ਉਹ ਭਵਿੱਖ ਦੇ ਪ੍ਰੋਜੈਕਟਾਂ ‘ਤੇ ਇਸਦੇ ਪ੍ਰਭਾਵਾਂ ਦਾ ਬਾਰੀਕੀ ਨਾਲ ਅਧਿਐਨ ਕਰਨਗੇ।
