ਮੈਲਬਰਨ : ਆਸਟ੍ਰੇਲੀਆ ਦੇ ਰੀਅਲ ਅਸਟੇਟ ਅਤੇ ਪ੍ਰਾਪਰਟੀ ਸੈਕਟਰ ਵਿੱਚ ਨਵੇਂ Anti-Money Laundering and Counter-Terrorism Financing (AML/CTF) ਨਿਯਮ ਲਾਗੂ ਹੋ ਗਏ ਹਨ। AUSTRAC ਵੱਲੋਂ ਨਿਯਮਿਤ ਕੀਤੀਆਂ ਗਈਆਂ ਨਵੀਂਆਂ ਸੰਸਥਾਵਾਂ ਅਤੇ ਵਪਾਰਾਂ ਲਈ ਐਨਰੋਲਮੈਂਟ (ਨਾਮਾਂਕਣ) ਕਰਨ ਦੀ ਆਖਰੀ ਤਰੀਕ 29 ਜੁਲਾਈ ਹੈ।
ਇਹ ਨਵੇਂ ਨਿਯਮ Real Estate Agencies, Developers ਅਤੇ Retirement Living Operators ਵਰਗੇ ਖੇਤਰਾਂ ’ਤੇ ਮੁੱਖ ਤੌਰ ’ਤੇ ਲਾਗੂ ਹੁੰਦੇ ਹਨ। ਜਿਹੜੇ ਕਾਰੋਬਾਰ Designated Services ਪ੍ਰਦਾਨ ਕਰ ਰਹੇ ਹਨ, ਉਨ੍ਹਾਂ ਲਈ AUSTRAC ਨਾਲ ਤੁਰੰਤ ਰਜਿਸਟ੍ਰੇਸ਼ਨ ਕਰਵਾਉਣਾ ਬੇਹੱਦ ਜ਼ਰੂਰੀ ਹੈ। ਨਿਯਮਾਂ ਦੀ ਪਾਲਣਾ ਨਾ ਕਰਨ ਜਾਂ ਐਨਰੋਲ ਨਾ ਕਰਨ ਦੀ ਸੂਰਤ ਵਿੱਚ ਕਾਨੂੰਨੀ ਕਾਰਵਾਈ ਕੀਤੀ ਜਾ ਸਕਦੀ ਹੈ।
Property Council ਦੇ ਇੱਕ ਵਿਸ਼ੇਸ਼ ਬ੍ਰੀਫਿੰਗ ਸੈਸ਼ਨ ਦੌਰਾਨ Grant Thornton ਦੇ ਮਾਹਰਾਂ Neil Jeans ਅਤੇ Katherine Shamai ਨੇ ਦੱਸਿਆ ਕਿ ਕੰਪਨੀਆਂ ਨੂੰ ਜਲਦ ਤੋਂ ਜਲਦ ਆਪਣੇ Risk Assessments, AML/CTF Programs ਅਤੇ Customer Due Diligence ਪ੍ਰਕਿਰਿਆਵਾਂ ਨੂੰ ਤਿਆਰ ਕਰਨਾ ਚਾਹੀਦਾ ਹੈ।
AUSTRAC ਨੇ ਸਪੱਸ਼ਟ ਕੀਤਾ ਹੈ ਕਿ ਉਹ ਕਾਰੋਬਾਰਾਂ ਤੋਂ ਤੁਰੰਤ ਮੁਕੰਮਲ ਨਤੀਜਿਆਂ ਦੀ ਬਜਾਏ ਸੁਚੱਜੀ ਤਰੱਕੀ ਅਤੇ ਨਿਯਮਾਂ ਨੂੰ ਅਪਣਾਉਣ ਦੇ ਯਤਨਾਂ ਦੀ ਉਮੀਦ ਕਰ ਰਹੇ ਹਨ। Property Council Australia ਨੇ ਆਪਣੇ ਮੈਂਬਰਾਂ ਦੀ ਮਦਦ ਲਈ ਵਿਸ਼ੇਸ਼ ਸਰੋਤ ਵੀ ਜਾਰੀ ਕੀਤੇ ਹਨ।
