ਮੈਲਬਰਨ : ਆਸਟ੍ਰੇਲੀਆ ਦੇ ਸਭ ਤੋਂ ਵੱਡੇ ਹੋਮ ਲੈਂਡਰ, Commonwealth Bank (CBA) ਨੇ ਪਿਛਲੇ ਵਿੱਤੀ ਸਾਲ ਲਈ 10.9 ਬਿਲੀਅਨ ਡਾਲਰ ਦਾ ਸ਼ੁੱਧ ਲਾਭ ਦਰਜ ਕੀਤਾ ਹੈ, ਜੋ ਕਿ 7 ਫੀਸਦੀ ਦਾ ਵਾਧਾ ਦਰਸਾਉਂਦਾ ਹੈ। ਹਾਲਾਂਕਿ, ਬੈਂਕ ਨੇ ਚੇਤਾਵਨੀ ਦਿੱਤੀ ਹੈ ਕਿ ਮਈ ਮਹੀਨੇ ਤੋਂ ਬਾਅਦ ਹੋਮ ਲੋਨ ਦੀਆਂ ਅਰਜ਼ੀਆਂ ਵਿੱਚ 15 ਫੀਸਦੀ ਦੀ ਵੱਡੀ ਗਿਰਾਵਟ ਆਈ ਹੈ।
ਇਸ ਗਿਰਾਵਟ ਦਾ ਮੁੱਖ ਕਾਰਨ ਰਿਜ਼ਰਵ ਬੈਂਕ ਵੱਲੋਂ ਵਧਾਏ ਵਿਆਜ ਰੇਟ ਅਤੇ ਫ਼ੈਡਰਲ ਬਜਟ ’ਚ ਬਣਾਏ ਗਏ ਨਵੇਂ ਟੈਕਸ ਨਿਯਮ ਹਨ। ਬਜਟ ਦੇ ਬਦਲਾਅ ਤੋਂ ਬਾਅਦ property investor applications ’ਚ 28 ਫੀਸਦੀ ਦੀ ਭਾਰੀ ਗਿਰਾਵਟ ਦੇਖੀ ਗਈ ਹੈ, ਜਦੋਂ ਕਿ owner-occupiers ਦੀਆਂ ਅਰਜ਼ੀਆਂ ਵਿੱਚ ਸਿਰਫ਼ 9 ਫੀਸਦੀ ਦੀ ਕਮੀ ਆਈ ਹੈ।
CBA ਦੇ ਚੀਫ਼ ਐਗਜ਼ੀਕਿਊਟਿਵ Matt Comyn ਨੇ ਦੱਸਿਆ ਕਿ ਹਾਊਸਿੰਗ ਮਾਰਕੀਟ ਦੀ ਗਤੀਵਿਧੀ ਹੁਣ ਸਥਿਰ ਹੁੰਦੀ ਜਾਪਦੀ ਹੈ। ਬੈਂਕ ਨੇ shareholders ਲਈ 2.70 ਡਾਲਰ ਪ੍ਰਤੀ ਸ਼ੇਅਰ ਦੇ ਅੰਤਿਮ dividend ਦਾ ਐਲਾਨ ਕੀਤਾ ਹੈ, ਜਿਸ ਨਾਲ ਪੂਰੇ ਸਾਲ ਦਾ ਕੁੱਲ ਪੇਅ-ਆਊਟ 5.05 ਡਾਲਰ ਹੋ ਗਿਆ ਹੈ।
CBA ਤੋਂ ਇਲਾਵਾ ਹੋਰ ਪ੍ਰਮੁੱਖ ਬੈਂਕਾਂ, ਜਿਵੇਂ ਕਿ Westpac ’ਚ 20 ਫੀਸਦੀ ਅਤੇ NAB ਵਿੱਚ 15 ਫੀਸਦੀ ਦੀ ਹੋਮ ਲੋਨ ਅਰਜ਼ੀਆਂ ਦੀ ਗਿਰਾਵਟ ਦਰਜ ਕੀਤੀ ਗਈ ਹੈ।
