ਮੈਲਬਰਨ : ਪੰਜਾਬੀ ਕਲਾਊਡ ਟੀਮ
-ਆਸਟਰੇਲੀਆ ਦੀ ਆਬਾਦੀ ਦੇ ਵਾਧੇ ਦੀ ਦਰ 15 ਸਾਲਾਂ ਦੇ ਸਭ ਤੋਂ ਉੱਚੇ ਪੱਧਰ ਤੱਕ ਪਹੁੰਚ ਗਈ ਹੈ।ਮਾਰਚ 2023 ਤੱਕ ਇੱਕ ਸਾਲ ਦੌਰਾਨ 6 ਲੱਖ 81 ਹਜਾਰ ਪਰਵਾਸੀ (Migrants) ਆਸਟਰੇਲੀਆ ਪਹੁੰਚੇ, ਜੋ ਕਿ ਪਿਛਲੇ ਸਾਲ ਨਾਲੋਂ 103 ਫੀਸਦੀ ਵੱਧ ਹੈ।
ਸਟੇਟਾਂ ਦੇ ਹਿਸਾਬ ਨਾਲ 12 ਮਹੀਨਿਆਂ ਵਿੱਚ ਵੈਸਟਰਨ ਆਸਟਰੇਲੀਆ ਸਟੇਟ ਦੀ ਅਬਾਦੀ ‘ਚ ਸਭ ਤੋਂ ਵੱਧ 2.8 ਪ੍ਰਤੀਸ਼ਤ ਵਾਧਾ ਅਤੇ ਟਾਪੂ ਸਟੇਟ ਤਸਮਾਨੀਆ ਦੀ ਅਬਾਦੀ ਵਿੱਚ ਸਭ ਤੋਂ ਘੱਟ 0.4 ਪ੍ਰਤੀਸ਼ਤ ਵਾਧਾ ਹੋਇਆ ਸੀ।
ਆਸਟਰੇਲੀਅਨ ਬਿਊਰੋ ਆਫ ਸਟੈਟਿਸਟਿਕਸ (ਏ.ਬੀ.ਐੱਸ.) ਵੱਲੋਂ ਪ੍ਰਕਾਸ਼ਿਤ ਅੰਕੜਿਆਂ ਤੋਂ ਪਤਾ ਲੱਗਾ ਹੈ ਕਿ ਦੇਸ਼ ਦੀ ਆਬਾਦੀ ਮਾਰਚ ਦੇ ਅੰਤ ਤੱਕ 12 ਮਹੀਨਿਆਂ ਵਿੱਚ 2.17 ਫੀਸਦੀ ਵਧ ਸੀ ਅਤੇ ਕੁੱਲ ਅਬਾਦੀ 2 ਕਰੋੜ 64 ਲੱਖ 70 ਹਜਾਰ ਹੋ ਗਈ।
ਦਸੰਬਰ 2008 ਦੇ ਅੰਤ ਤੱਕ 12 ਮਹੀਨਿਆਂ ਵਿੱਚ ਆਬਾਦੀ ਵਿੱਚ 2.19 ਪ੍ਰਤੀਸ਼ਤ ਵਾਧਾ ਹੋਣ ਤੋਂ ਬਾਅਦ ਇਹ ਸਭ ਤੋਂ ਉੱਚੀ ਸਾਲਾਨਾ ਵਿਕਾਸ ਦਰ ਹੈ।
Australian Bureau of Statistics ਦੇ ਸੈਕਸ਼ਨ ਅਬਾਦੀ ਦੇ ਮੁਖੀ, ਬੇਡਰ ਚੋ ਨੇ ਵੀਰਵਾਰ ਨੂੰ ਇੱਕ ਮੀਡੀਆ ਰੀਲੀਜ਼ ਵਿੱਚ ਦੱਸਿਆ ਕਿ ਕੋਵਿਡ -19 ਮਹਾਂਮਾਰੀ ਦੇ ਮੱਦੇਨਜ਼ਰ ਪ੍ਰਵਾਸੀਆਂ ਦੀ ਆਮਦ ਆਬਾਦੀ ਵਿੱਚ ਵਾਧੇ ਦਾ ਸਭ ਤੋਂ ਵੱਡਾ ਫੈਕਟਰ ਸੀ।
ਉਸਨੇ ਕਿਹਾ, “ਅੰਤਰਰਾਸ਼ਟਰੀ ਸਰਹੱਦਾਂ ਦੇ ਮੁੜ ਖੁੱਲ੍ਹਣ ਤੋਂ 13 ਮਹੀਨਿਆਂ ਬਾਅਦ, ਕੁੱਲ ਵਿਦੇਸ਼ੀ ਪ੍ਰਵਾਸ ਵਿੱਚ 81 ਪ੍ਰਤੀਸ਼ਤ ਵਾਧਾ ਹੋਇਆ ਅਤੇ ਮਾਰਚ 2023 ਤੱਕ ਸਾਲ ਵਿੱਚ ਆਬਾਦੀ ਵਿੱਚ 4 ਲੱਖ 54 ਹਜਾਰ 400 ਲੋਕ ਸ਼ਾਮਲ ਹੋਏ।
ਇਸਦੇ ਮੁਕਾਬਲੇ ਮਾਰਚ 2022 ਦੇ ਅੰਤ ਤੱਕ 12 ਮਹੀਨਿਆਂ ਵਿੱਚ ਆਬਾਦੀ ਵਿੱਚ 1.0 ਪ੍ਰਤੀਸ਼ਤ ਦਾ ਵਾਧਾ ਹੋਇਆ। ਉਸ ਸਮੇਂ ਆਸਟ੍ਰੇਲੀਆ ਦੀਆਂ ਅੰਤਰਰਾਸ਼ਟਰੀ ਸਰਹੱਦਾਂ ਜਿਆਦਾਤਰ ਸਮੇਂ ਲਈ ਬੰਦ ਸਨ।
Australian Bureau of Statistics ਦੇ ਅੰਕੜਿਆਂ ਤੋਂ ਪਤਾ ਚੱਲਦਾ ਹੈ ਕਿ ਮਾਰਚ 2023 ਤੱਕ 6 ਲੱਖ 81 ਹਜਾਰ ਪ੍ਰਵਾਸੀ ਆਸਟ੍ਰੇਲੀਆ ਪਹੁੰਚੇ, ਜੋ ਕਿ ਪਿਛਲੇ ਸਾਲ ਨਾਲੋਂ 103 ਫੀਸਦੀ ਵੱਧ ਹੈ, ਅਤੇ 226,600 ਲੋਕ ਵਿਦੇਸ਼ਾਂ ਵਿੱਚ ਰਹਿਣ ਲਈ ਦੇਸ਼ ਛੱਡ ਕੇ ਚਲੇ ਗਏ ਹਨ।
More Read
ਆਬਾਦੀ ਵਿੱਚ ਕੁਦਰਤੀ ਵਾਧਾ 108,800 ਲੋਕ ਸੀ, ਜਿਸ ਵਿੱਚ 301,200 ਜਨਮ ਅਤੇ 192,300 ਮੌਤਾਂ ਮਾਰਚ ਤੋਂ ਸਾਲ ਵਿੱਚ ਦਰਜ ਕੀਤੀਆਂ ਗਈਆਂ ਸਨ।
