ਮੈਲਬਰਨ: Vodafone ਹਵਾਈ ਜਹਾਜ਼ ਦੀ ਯਾਤਰਾ ਦੌਰਾਨ ਵੀ ਇੰਟਰਨੈੱਟ ਨਾਲ ਜੁੜੇ ਰਹਿਣ ਦੇ ਤਰੀਕੇ ਨੂੰ ਮੁੜ ਪਰਿਭਾਸ਼ਿਤ ਕਰਨ ਲਈ ਤਿਆਰ ਹੈ। ਟੈਲੀਕਾਮ ਕੰਪਨੀ ਹੁਣ ਆਪਣੀ ਨਵੀਂ ਇਨ-ਫਲਾਈਟ roaming service ਦੇ ਨਾਲ ਅਸਮਾਨ ਤੱਕ ਆਪਣੀਆਂ ਕੁਨੈਕਟੀਵਿਟੀ ਸੇਵਾਵਾਂ ਦਾ ਵਿਸਤਾਰ ਕਰ ਰਹੀ ਹੈ, ਜੋ ਗਾਹਕਾਂ ਨੂੰ 5 ਡਾਲਰ ਪ੍ਰਤੀ ਦਿਨ ਦੇ ਖ਼ਰਚ ’ਤੇ ਜ਼ਮੀਨ ਤੋਂ 20,000 ਫੁੱਟ ਉੱਪਰ ਵੀ ਕੁਨੈਕਟਡ ਰਹਿਣ ਦੀ ਇਜਾਜ਼ਤ ਦਿੰਦੀ ਹੈ।
ਇਸ ਦਿਲਚਸਪ ਸੇਵਾ ਦਾ ਮਤਲਬ ਹੈ ਕਿ Vodafone ਦੇ ਪੋਸਟਪੇਡ ਗਾਹਕ ਚੋਣਵੀਆਂ ਏਅਰਲਾਈਨਾਂ ’ਤੇ ਵਿਦੇਸ਼ ਯਾਤਰਾ ਕਰਦੇ ਹੋਏ ਨਿਰਵਿਘਨ ਸੰਚਾਰ, ਇੰਟਰਨੈੱਟ ਬ੍ਰਾਊਜ਼ਿੰਗ ਅਤੇ ਸਟ੍ਰੀਮਿੰਗ ਦਾ ਆਨੰਦ ਲੈ ਸਕਦੇ ਹਨ। Vodafone ਗਰੁੱਪ ਦੀ ਐਗਜ਼ੀਕਿਊਟਿਵ, ਕੰਜ਼ਿਊਮਰ ਕੀਰੇਨ ਕੂਨੀ ਨੇ ਵੋਡਾਫੋਨ ਦੀ ਵਚਨਬੱਧਤਾ ਜ਼ਾਹਰ ਕੀਤੀ ਕਿ ਉਹ ਗਾਹਕਾਂ ਨੂੰ ਸਫ਼ਰ ਕਰਨ ਵੇਲੇ ਸਸਤੇ ਢੰਗ ਨਾਲ ਜੁੜੇ ਰਹਿਣ ਵਿੱਚ ਮਦਦ ਕਰਨ।
ਇਨ-ਫਲਾਈਟ roaming service ਫ਼ੋਨ, ਟੈਬਲੇਟ ਜਾਂ ਮੋਬਾਈਲ ਬਰਾਡਬੈਂਡ ਪਲਾਨ ਵਾਲੇ ਗਾਹਕਾਂ ਲਈ ਮੌਜੂਦ ਹੈ। ਉਹ ਐਮੀਰੇਟਸ, ਕੈਥੇ ਪੈਸੀਫਿਕ, ਇਤਿਹਾਦ ਏਅਰਵੇਜ਼, ਲੁਫਥਾਂਸਾ, ਮਲੇਸ਼ੀਆ ਏਅਰਲਾਈਨਜ਼ ਅਤੇ ਸਿੰਗਾਪੁਰ ਏਅਰਲਾਈਨਜ਼ ਵਰਗੀਆਂ ਅੰਤਰਰਾਸ਼ਟਰੀ ਏਅਰਲਾਈਨਾਂ ਵਲੋਂ ਪ੍ਰਦਾਨ ਕੀਤੀਆਂ ਗਈਆਂ ਚੋਣਵੀਆਂ ਉਡਾਣਾਂ ਅਤੇ ਜਹਾਜ਼ਾਂ ’ਤੇ ਆਪਣੇ ਡੇਟਾ, ਕਾਲਾਂ ਅਤੇ ਟੈਕਸਟ ਦੀ ਵਰਤੋਂ ਕਰ ਸਕਦੇ ਹਨ। ਸੈਟੇਲਾਈਟ ਟੈਕਨਾਲੋਜੀ ਦੀ ਬਦੌਲਤ ਇਹ ਸੇਵਾ 3G ਦੇ ਸਮਾਨ ਡਾਊਨਲੋਡ ਅਤੇ ਅਪਲੋਡ ਸਪੀਡ ਪ੍ਰਦਾਨ ਕਰਦੀ ਹੈ।
