ਮੈਲਬਰਨ : ਆਸਟ੍ਰੇਲੀਅਨ ਪੁਲਿਸ ਅਧਿਕਾਰੀਆਂ ਦੀ ਸੁਰੱਖਿਆ ’ਤੇ ਵੱਡਾ ਸਵਾਲ ਖੜ੍ਹਾ ਹੋਇਆ ਹੈ ਜਦੋਂ ਇਹ ਸਾਹਮਣੇ ਆਇਆ ਕਿ Axon ਕੰਪਨੀ ਵੱਲੋਂ ਬਣੇ tasers ਅਤੇ body-worn cameras ਵਿੱਚ ਗੰਭੀਰ bluetooth ਨੁਕਸ ਹੈ। ਇਸ ਖਾਮੀ ਕਾਰਨ ਅਧਿਕਾਰੀਆਂ ਦੀ ਅਸਲੀ-ਵਕਤ ਸਥਿਤੀ ਕਿਸੇ ਵੀ ਹੈਕਰ ਜਾਂ ਅਪਰਾਧੀ ਵੱਲੋਂ ਆਸਾਨੀ ਨਾਲ ਟਰੈਕ ਕੀਤੀ ਜਾ ਸਕਦੀ ਹੈ। ਇਹ ਖੁਲਾਸਾ ਆਸਟ੍ਰੇਲੀਆਈ ਪੁਲਿਸ ਲਈ ਵੱਡੀ ਚੁਣੌਤੀ ਬਣ ਗਿਆ ਹੈ, ਕਿਉਂਕਿ ਸੁਰੱਖਿਆ ਦੀਆਂ ਖਾਮੀਆਂ ਅਪਰਾਧੀਆਂ ਦੇ ਹੱਥਾਂ ਵਿੱਚ ਖਤਰਨਾਕ ਹਥਿਆਰ ਬਣ ਸਕਦੀਆਂ ਹਨ।
ਇੱਕ ਹੈਕਰ ਨੇ ABC ਦੇ Four Corners ਪ੍ਰੋਗਰਾਮ ਵਿੱਚ ਦੱਸਿਆ ਕਿ ਉਸ ਨੇ ਸਧਾਰਣ ਐਪ ਦੀ ਵਰਤੋਂ ਕਰ ਕੇ ਪੁਲਿਸ ਅਧਿਕਾਰੀਆਂ ਦੇ MAC address ਰਾਹੀਂ ਉਨ੍ਹਾਂ ਦੀ ਸਥਿਤੀ 400 ਮੀਟਰ ਤੱਕ ਟਰੈਕ ਕਰ ਲਈ। ਉਸ ਨੇ ਚੇਤਾਵਨੀ ਦਿੱਤੀ ਕਿ ਇਸ ਤਕਨੀਕ ਦਾ ਗੈਂਗਸਟਰਾਂ ਜਾਂ ਅਪਰਾਧੀ ਗਰੁੱਪਾਂ ਵੱਲੋਂ ਫਾਇਦਾ ਚੁਕਿਆ ਜਾ ਸਕਦਾ ਹੈ, ਜਿਸ ਨਾਲ ਪੁਲਿਸ ’ਤੇ ਹਮਲੇ ਜਾਂ ਛਾਪਿਆਂ ਤੋਂ ਬਚਣ ਦੇ ਯਤਨ ਹੋ ਸਕਦੇ ਹਨ।
ਹੈਕਰ ਨੇ 2024 ਵਿੱਚ ਹੀ Victoria Police ਅਤੇ ਹੋਰ ਏਜੰਸੀਆਂ ਨੂੰ ਚੇਤਾਵਨੀ ਦਿੱਤੀ ਸੀ ਕਿ ਇਹ ਸੁਰੱਖਿਆ ’ਚ ਗੰਭੀਰ ਖ਼ਾਮੀ ਹੈ। ਪਰ ਉਸ ਅਨੁਸਾਰ, ਪੁਲਿਸ ਨੇ ਕੋਈ ਕਾਰਵਾਈ ਨਹੀਂ ਕੀਤੀ। Victoria Police ਨੇ ਕਿਹਾ ਕਿ ਉਨ੍ਹਾਂ ਦੇ ਟੈਸਟਾਂ ਵਿੱਚ ਕੋਈ ਸਮੱਸਿਆ ਨਹੀਂ ਮਿਲੀ ਅਤੇ Axon ਵੱਲੋਂ ਦਿੱਤੀ ਸੁਰੱਖਿਆ ਸਲਾਹ ’ਤੇ ਉਹ ਭਰੋਸਾ ਕਰਦੇ ਹਨ।
ਇਹ ਖਾਮੀ ਸਿਰਫ਼ ਵਿਕਟੋਰੀਆ ਹੀ ਨਹੀਂ, ਸਗੋਂ NSW, Queensland, WA, Tasmania, NT, SA ਅਤੇ Australian Federal Police ਵਿੱਚ ਵਰਤੇ ਜਾ ਰਹੇ T7 ਅਤੇ T10 tasers ਅਤੇ ਕੈਮਰਿਆਂ ਵਿੱਚ ਵੀ ਪਾਈ ਗਈ ਹੈ। Axon, ਜੋ 32 billion ਡਾਲਰ ਦੀ ਟੈਕ ਕੰਪਨੀ ਹੈ, ਦੁਨੀਆ ਭਰ ਵਿੱਚ 18,000 ਤੋਂ ਵੱਧ ਪੁਲਿਸ ਏਜੰਸੀਆਂ ਨੂੰ ਇਹ ਉਪਕਰਣ ਵੇਚਦੀ ਹੈ।
ਕ੍ਰਿਮਿਨੋਲੋਜਿਸਟ Emma Ryan ਨੇ ਵੀ ਚਿੰਤਾ ਪ੍ਰਗਟਾਈ ਹੈ ਕਿ ਪੁਲਿਸ ਦੀ ਸੁਰੱਖਿਆ ਲਈ ਬਣੇ ਇਹ ਉਪਕਰਣ ਹੀ ਅਧਿਕਾਰੀਆਂ ਨੂੰ ਖਤਰੇ ਵਿੱਚ ਪਾ ਰਹੇ ਹਨ। ਉਨ੍ਹਾਂ ਨੇ ਕਿਹਾ, “ਮੈਨੂੰ ਹੈਰਾਨੀ ਹੈ ਕਿ ਕਿੰਨੇ ਅਧਿਕਾਰੀ ਇਸ ਖਤਰੇ ਤੋਂ ਜਾਣੂ ਹਨ।”
