ਮੈੱਲਬਰਨ : ਜੇਕਰ ਤੁਸੀਂ 2027 ’ਚ ਛੁੱਟੀਆਂ ਬਿਤਾਉਣ ਦੀ ਯੋਜਨਾ ਬਣਾ ਰਹੇ ਹੋ, ਤਾਂ ਆਸਟ੍ਰੇਲੀਆ ਦੇ Byron Bay ਜਾਂ Gold Coast ਨੂੰ ਭੁੱਲ ਜਾਓ। Queensland ਦਾ ਮਸ਼ਹੂਰ Sunshine Coast ਹੁਣ ਦੁਨੀਆ ਭਰ ਦੇ ਸੈਲਾਨੀਆਂ ਦਾ ਧਿਆਨ ਆਪਣੇ ਵੱਲ ਖਿੱਚ ਰਿਹਾ ਹੈ। ਪ੍ਰਮੁੱਖ ਟ੍ਰੈਵਲ ਪਬਲੀਕੇਸ਼ਨ Condé Nast Traveler ਨੇ Sunshine Coast ਨੂੰ ਆਪਣੀ ਸਾਲਾਨਾ “27 Best Places to Go in 2027” ਦੀ ਸੂਚੀ ’ਚ ਸ਼ਾਮਲ ਕੀਤਾ ਹੈ।
ਟ੍ਰੈਵਲ ਮਾਹਰਾਂ ਅਨੁਸਾਰ, Sunshine Coast ਆਪਣੇ ਸ਼ਾਂਤ ਬੀਚ ਟਾਊਨ (beach towns) ਅਤੇ ਤੇਜ਼ੀ ਨਾਲ ਉੱਭਰ ਰਹੇ food scene ਕਾਰਨ ਇਸ ਸੂਚੀ ’ਚ ਜਗ੍ਹਾ ਬਣਾਉਣ ’ਚ ਕਾਮਯਾਬ ਰਿਹਾ ਹੈ। ਇਹ ਇਲਾਕਾ Brisbane ਦੀ ਭੀੜ-ਭੜੱਕੇ ਵਾਲੀ ਜ਼ਿੰਦਗੀ ਅਤੇ Gold Coast ਦੇ ਮਹਿੰਗੇ ਲਾਈਫਸਟਾਈਲ ਦਾ ਇੱਕ ਬਿਹਤਰੀਨ ਬਦਲ ਹੈ।
ਇੱਥੇ ਲਗਾਤਾਰ ਨਵੇਂ ਅਤੇ ਸ਼ਾਨਦਾਰ ਰਿਜ਼ੋਰਟ ਖੁੱਲ੍ਹ ਰਹੇ ਹਨ। Avani Mooloolaba Beach Hotel ਆਪਣੇ ਸ਼ਾਨਦਾਰ ਰੂਫਟਾਪ ਅਤੇ ਇਨਫਿਨਿਟੀ ਪੂਲ ਨਾਲ ਸੈਲਾਨੀਆਂ ਨੂੰ ਆਕਰਸ਼ਿਤ ਕਰ ਰਿਹਾ ਹੈ। ਇਸ ਤੋਂ ਇਲਾਵਾ ਨਵਾਂ Elysium Noosa Resort ਅਤੇ $20 million ਦੀ ਲਾਗਤ ਨਾਲ ਰੈਨੋਵੇਟ ਹੋ ਰਿਹਾ Novotel Sunshine Coast Resort ਵੀ ਇੱਥੋਂ ਦੇ ਮੁੱਖ ਆਕਰਸ਼ਣ ਹਨ।
ਖਾਣ-ਪੀਣ ਦੇ ਸ਼ੌਕੀਨਾਂ ਲਈ ਇੱਥੇ ਬਹੁਤ ਕੁਝ ਹੈ। Peregian Beach ਵਿਖੇ ਮੌਜੂਦ ਰੈਸਟੋਰੈਂਟ Bask, ਅਤੇ 20 ਤੋਂ ਵੱਧ ਕ੍ਰਾਫਟ-ਬੀਅਰ ਬਰੂਅਰੀਜ਼ (breweries) ਇਸਨੂੰ ਖਾਸ ਬਣਾਉਂਦੇ ਹਨ। Ēthos at Alsahwa Estate ਵਿਖੇ ਫਾਰਮ-ਟੂ-ਟੇਬਲ ਖਾਣੇ ਦਾ ਬਿਹਤਰੀਨ ਤਜਰਬਾ ਲਿਆ ਜਾ ਸਕਦਾ ਹੈ। ਵੈਲਨੈੱਸ (wellness) ਲਈ Mooloolaba ’ਚ Sauna + Ice ਵਰਗੀਆਂ ਨਵੀਆਂ ਸਹੂਲਤਾਂ ਵੀ ਖੁੱਲ੍ਹੀਆਂ ਹਨ।
$170 million ਦੀ ਲਾਗਤ ਨਾਲ Sunshine Coast Airport ਦਾ ਵਿਸਥਾਰ ਵੀ ਚੱਲ ਰਿਹਾ ਹੈ, ਜੋ 2027 ਤੱਕ ਪੂਰਾ ਹੋ ਜਾਵੇਗਾ।
ਜ਼ਿਕਰਯੋਗ ਹੈ ਕਿ Condé Nast Traveler ਦੀ ਇਸ ਸੂਚੀ ’ਚ ਦੁਨੀਆ ਦੀਆਂ ਹੋਰ ਥਾਵਾਂ ਜਿਵੇਂ ਕਿ slow travel ਲਈ Cook Islands ਅਤੇ ਕੁਦਰਤੀ ਨਜ਼ਾਰਿਆਂ ਲਈ New Zealand ਦੇ Southland ਨੂੰ ਵੀ ਸ਼ਾਮਲ ਕੀਤਾ ਗਿਆ ਹੈ।
