ਮੈਲਬਰਨ : ਪੰਜਾਬੀ ਕਲਾਊਡ ਟੀਮ
-ਰਿਜਨਲ ਸਿਟੀ ਬਾਲਾਰਟ ਵਿੱਚ ਕੁੱਤੇ ਨੇ ਛੋਟੇ ਜਿਹੇ ਬੱਚੇ (ਟੌਡਲਰ) ਨੂੰ ਗੰਭੀਰ ਰੂਪ `ਚ ਜ਼ਖਮੀ ਕਰ ਦਿੱਤਾ। ਜਿਸ ਨੂੰ ਬਾਅਦ `ਚ ਹੈਲੀਕਾਪਟਰ ਰਾਹੀਂ ਮੈਲਬਰਨ ਦੇ ‘ਰਾਇਲ ਚਿਲਡਰਨਜ ਹੌਸਪੀਟਲ’ (Royal Children Hospital) ਵਿੱਚ ਲਿਆਂਦਾ ਗਿਆ। ਜਿੱਥੇ ਉਸਦੀ ਹਾਲਤ ਸਥਿਰ ਦੱਸੀ ਜਾ ਰਹੀ ਹੈ।
ਪ੍ਰਾਪਤ ਜਾਣਕਾਰੀ ਅਨੁਸਾਰ ਇਹ ਘਟਨਾ ਵਿੰਟਰ ਵੈਲੀ `ਚ ਸੋਮਵਾਰ ਨੂੰ ਸ਼ਾਮ ਚਾਰ ਕੁ ਵਜੇ ਵਾਪਰੀ। ਮੌਕੇ `ਤੇ ਪੁਲੀਸ ਅਤੇ ਕੌਂਸਲ ਅਧਿਕਾਰੀਆਂ ਨੂੰ ਬੁਲਾਇਆ ਗਿਆ ਸੀ। ਦੱਸਿਆ ਜਾ ਰਿਹਾ ਹੈ ਕਿ ਕੁੱਤਾ ਕਿਸੇ ਗੁਆਂਢੀ ਦੇ ਘਰੋਂ ਆਇਆ ਸੀ। ਲੋਕਲ ਕੌਂਸਲ ਨੇ ਘਟਨਾ ਦੀ ਪੜਤਾਲ ਸ਼ੁਰੂ ਕਰ ਦਿੱਤੀ ਹੈ।