ਅਮਰੀਕਾ ’ਚ ‘ਥਰਡ ਵਰਲਡ’ ਦੇਸ਼ਾਂ ਤੋਂ ਮਾਈਗ੍ਰੇਸ਼ਨ ਹੋਵੇਗੀ ਬੰਦ! ਜਾਣੋ ਡੋਨਾਲਡ ਟਰੰਪ ਨੇ ਕਿਉਂ ਕੀਤਾ ਐਲਾਨ

ਮੈਲਬਰਨ : ਅਮਰੀਕਾ ਦੇ ਰਾਸ਼ਟਰਪਤੀ ਡੋਨਾਲਡ ਟਰੰਪ ਨੇ ਆਪਣੇ ਟਰੂਥ ਸੋਸ਼ਲ ‘ਤੇ ਨਵਾਂ ਐਲਾਨ ਕੀਤਾ ਹੈ ਕਿ ਉਨ੍ਹਾਂ ਦਾ ਪ੍ਰਸ਼ਾਸਨ ‘ਥਰਡ ਵਰਲਡ’ ਦੇ ਦੇਸ਼ਾਂ ਤੋਂ ਮਾਈਗਰੇਸ਼ਨ ਨੂੰ ਪੱਕੇ ਤੌਰ ‘ਤੇ ਰੋਕਣ ਦੀ ਕੋਸ਼ਿਸ਼ ਕਰੇਗਾ। ਉਨ੍ਹਾਂ ਨੇ ਅਮਰੀਕਾ ’ਚ ਗੈਰ-ਨਾਗਰਿਕਾਂ ਲਈ ਸਰਕਾਰੀ ਲਾਭਾਂ ਨੂੰ ਖਤਮ ਕਰਨ, ਖਤਰਾ ਸਮਝੇ ਜਾਣ ਅਤੇ ‘ਪੱਛਮੀ ਸਭਿਅਤਾ ਦੇ ਅਨੁਕੂਲ ਨਾ ਹੋਣ ਵਾਲੇ’ ਮਾਈਗਰੈਂਟਸ ਨੂੰ ਦੇਸ਼ ਨਿਕਾਲਾ ਦੇਣ ਦਾ ਅਹਿਦ ਵੀ ਕੀਤਾ।

ਉਨ੍ਹਾਂ ਦੀਆਂ ਟਿੱਪਣੀਆਂ ਵਾਇਟ ਹਾਊਸ ਨੇੜੇ ਇੱਕ ਅਫਗਾਨ ਨਾਗਰਿਕ Rahmanullah Lakanwal ਵੱਲੋਂ ਕਥਿਤ ਤੌਰ ’ਤੇ ਨੈਸ਼ਨਲ ਗਾਰਡ ਦੀ ਇੱਕ ਮੈਂਬਰ Sarah Beckstrom (20) ਦੀ ਗੋਲੀ ਮਾਰ ਕੇ ਜਾਨ ਲੈਣ ਤੋਂ ਇੱਕ ਦਿਨ ਬਾਅਦ ਆਈਆਂ ਹਨ। ਹਮਲੇ ’ਚ Andrew Wolfe (24) ਵੀ ਜ਼ਖਮੀ ਹੋ ਗਿਆ ਸੀ। ਇਹ ਅਫਗਾਨ ਨਾਗਰਿਕ ਕਥਿਤ ਤੌਰ ’ਤੇ ਅਫ਼ਗਾਨਿਸਤਾਨ ਜੰ ਦੌਰਾਨ ਅਮਰੀਕੀ ਖੁਫ਼ੀਆ ਏਜੰਸੀ CIA ਲਈ ਕੰਮ ਕਰਦਾ ਹੁੰਦਾ ਸੀ। ਹਮਲੇ ਦੀਆਂ ਖ਼ਬਰਾਂ ਤੋਂ ਤੁਰੰਤ ਬਾਅਦ ਅਮਰੀਕਾ ਨੇ ਅਫ਼ਗਾਨ ਨਾਗਰਿਕਾਂ ਲਈ ਇਮੀਗੇਸ਼ਨ ਅਪੀਲਾਂ ਤੁਰੰਤ ਬੰਦ ਕਰ ਦਿੱਤੀਆਂ ਸਨ। ਇਹੀ ਨਹੀਂ ਟਰੰਪ ਨੇ ਜੋਅ ਬਾਈਡੇਨ ਅਧੀਨ ਮਨਜ਼ੂਰ ਪਨਾਹ ਦੇ ਮਾਮਲਿਆਂ ਅਤੇ 19 ਦੇਸ਼ਾਂ ਦੇ ਗ੍ਰੀਨ ਕਾਰਡਾਂ ਦੀ ਸਮੀਖਿਆ ਕਰਨ ਦੇ ਵੀ ਹੁਕਮ ਦਿੱਤੇ ਹਨ।