ਮੈਲਬਰਨ : ਆਸਟ੍ਰੇਲੀਆਈ ਰਾਜਨੀਤੀ ਵਿੱਚ 24 ਨਵੰਬਰ ਨੂੰ ਵੱਡਾ ਵਿਵਾਦ ਖੜ੍ਹਾ ਹੋਇਆ, ਜਦੋਂ One Nation ਦੀ ਧੁਰ ਸੱਜੇ ਪੱਖੀ ਲੀਡਰ Pauline Hanson ਨੇ ਸੈਨੇਟ ਦੇ ਅੰਦਰ ਬੁਰਕਾ ਪਾ ਕੇ ਦਾਖਲ ਹੋ ਕੇ 2017 ਵਾਲਾ ਪੁਰਾਣਾ ਸਟੰਟ ਦੁਹਰਾਇਆ। Hanson ਨੇ ਇਸ ਕਦਮ ਨੂੰ “national security” ਅਤੇ “women’s rights” ਨਾਲ ਜੋੜ ਕੇ ਜਾਇਜ਼ ਠਹਿਰਾਉਣ ਦੀ ਕੋਸ਼ਿਸ਼ ਕੀਤੀ, ਪਰ ਇਸ ਨਾਲ ਸੈਨੇਟ ਵਿੱਚ ਤੁਰੰਤ ਤਣਾਅ ਬਣ ਗਿਆ। Pauline ਦੇ ਸੈਨੇਟ ਅੰਦਰ ਆਉਣ ਉਤੇ ਸੱਤ ਦਿਨਾਂ ਲਈ ਪਾਬੰਦੀ ਵੀ ਲਗਾ ਦਿੱਤੀ ਗਈ ਹੈ।
ਕੀ ਵਾਪਰਿਆ?
- Hanson ਨੂੰ ਸੈਨੇਟ ਤੋਂ ਬਾਹਰ ਜਾਣ ਲਈ ਕਿਹਾ ਗਿਆ, ਪਰ ਉਹ ਇਨਕਾਰ ਕਰਦੀ ਰਹੀ।
- ਇਸ ਕਾਰਨ ਪੂਰਾ ਸੈਨੇਟ ਸੈਸ਼ਨ ਮੁਅੱਤਲ ਹੋ ਗਿਆ।
- ਉਸ ਨੂੰ ਸੈਨੇਟ ਨਿਯਮ ਤੋੜਣ ਲਈ ਸਜ਼ਾ ਵੀ ਦਿੱਤੀ ਗਈ।
ਰਾਜਨੀਤਿਕ ਪ੍ਰਤੀਕਿਰਿਆ : ਇਸ ਸਟੰਟ ਦੀ ਚਾਰੋਂ ਪਾਸੇ ਤੋਂ ਨਿੰਦਾ ਹੋਈ—ਸਰਕਾਰ, ਵਿਰੋਧੀ ਧਿਰ ਅਤੇ ਕਈ ਸੈਨੇਟਰਾਂ ਨੇ ਇਸ ਨੂੰ Islamophobia ਫੈਲਾਉਣ ਵਾਲਾ, ਬੇਅਦਬੀ ਭਰਿਆ ਅਤੇ ਸੰਸਦੀ ਪਰੰਪਰਾਵਾਂ ਦੇ ਖ਼ਿਲਾਫ਼ ਕਦਮ ਕਰਾਰ ਦਿੱਤਾ। ਗ੍ਰੀਨਜ਼ ਪਾਰਟੀ ਦੀ ਮੁਸਲਿਮ ਸੈਨੇਟਰ ਮਹਿਰੀਨ ਫ਼ਾਰੂਕੀ ਨੇ ਇਸ ਨੂੰ ‘ਨਸਲਵਾਦੀ’ ਅਤੇ ਆਜ਼ਾਦ ਸੈਨੇਟਰ ਫ਼ਤਿਮਾ ਪੇਮੈਨ ਨੇ ਇਸ ਨੂੰ ‘ਅਪਮਾਨਜਨਕ’ ਕਰਾਰ ਦਿੱਤਾ। ਹਾਲਾਂਕਿ Pauline ਨੈਸ਼ਨਲਜ਼ ਪਾਰਟੀ ਮੈਂਬਰ Barnaby Joyce ਦਾ ਸਾਥ ਮਿਲਿਆ ਜਿਨ੍ਹਾਂ ਨੇ ਬਾਅਦ ’ਚ Pauline ਨਾਲ ਉਨ੍ਹਾਂ ਦੇ ਦਫ਼ਤਰ ’ਚ ਮੁਲਾਕਾਤ ਕੀਤੀ। Pauline ਨੇ ਆਪਣੇ ਦਫ਼ਤਰ ’ਚ ਸਟੀਕ ਡਿਨਰ ਬਣਾ ਕੇ Barnaby Joyce ਦਾ ਸਵਾਗਤ ਕੀਤਾ।
Related Posts:
