ਮੈਲਬਰਨ : ਆਸਟ੍ਰੇਲੀਆ ਦੀ ਸੁਪਰ-ਮਾਰਕੀਟ ਇੰਡਸਟਰੀ ਵਿੱਚ ਵੱਡੀਆਂ ਤਬਦੀਲੀਆਂ ਆਉਣ ਜਾ ਰਹੀਆਂ ਹਨ। ਇਕ ਨਵਾਂ ਲਾਜ਼ਮੀ code of conduct ਲਾਗੂ ਕੀਤਾ ਜਾਵੇਗਾ, ਜਿਸ ਦੀ ਪਾਲਣਾ ਨਾ ਕਰਨ ’ਤੇ ਭਾਰੀ ਜੁਰਮਾਨਾ ਲਗਾਇਆ ਜਾਵੇਗਾ। ਜੁਰਮਾਨੇ ਛੋਟਾ-ਮੋਟਾ ਨਹੀਂ ਬਲਕਿ 10 ਮਿਲੀਅਨ ਡਾਲਰ ਤੱਕ ਦਾ ਹੋ ਸਕੇਗਾ, ਜਾਂ ਉਲੰਘਣਾ ਤੋਂ ਪ੍ਰਾਪਤ ਲਾਭ ਦਾ ਤਿੰਨ ਗੁਣਾ, ਜਾਂ ਪਿਛਲੇ 12 ਮਹੀਨਿਆਂ ਤੋਂ ਉਨ੍ਹਾਂ ਦੇ ਕਾਰੋਬਾਰ ਦਾ 10٪ ਹਿੱਸਾ। ਇਹ ਜੁਰਮਾਨੇ ਕਿਸੇ ਵੀ ਉਦਯੋਗ ਕੋਡ ਦੇ ਤਹਿਤ ਸਭ ਤੋਂ ਵੱਧ ਕਾਰਪੋਰੇਟ ਜੁਰਮਾਨੇ ਹੋਣਗੇ।
ਕੋਡ, ਜੋ ਪਹਿਲੀ ਵਾਰ 2015 ਵਿੱਚ ਪੇਸ਼ ਕੀਤਾ ਗਿਆ ਸੀ, ਦਾ ਉਦੇਸ਼ ਸੁਪਰ-ਮਾਰਕੀਟ ਸੈਕਟਰ ਵਿੱਚ ਕਾਰੋਬਾਰੀ ਵਿਵਹਾਰ ਵਿੱਚ ਸੁਧਾਰ ਕਰਨਾ ਹੈ, ਖ਼ਾਸਕਰ ਰਿਟੇਲਰਾਂ, ਹੋਲਸੇਲਰਾਂ ਅਤੇ ਸਪਲਾਇਰਾਂ ਵਿਚਕਾਰ ਸਬੰਧਾਂ ਦੇ ਸੰਬੰਧ ਵਿੱਚ।
ਸਪਲਾਇਅਰ ਖ਼ੁਦ ਹੀ ਕੋਡ ਹੇਠ ਆਉਂਦੇ ਹਨ, ਪਰ ਇਸ ਸਮੇਂ ਇਹ ਸੁਪਰ-ਮਾਰਕੀਟਾਂ ਦੀ ਮਰਜ਼ੀ ਹੈ ਕਿ ਉਹ ਕੋਡ ਦੀ ਪਾਲਣਾ ਕਰਨ ਜਾਂ ਨਾ ਕਰਨ। ਹਾਲਾਂਕਿ, ਅਗਲੇ ਅਪ੍ਰੈਲ ਤੋਂ, ਇਹ Woolworths, Coles, Aldi, ਅਤੇ Metcash ਵਰਗੇ ਪ੍ਰਮੁੱਖ ਸੁਪਰ-ਮਾਰਕੀਟਾਂ ਲਈ ਲਾਜ਼ਮੀ ਹੋ ਜਾਵੇਗਾ। ਆਸਟ੍ਰੇਲੀਆਈ ਕੰਪੀਟੀਸ਼ਨ ਐਂਡ ਕੰਜ਼ਿਊਮਰ ਕਮਿਸ਼ਨ (ACCC) ਕੋਲ ਕੋਡ ਦੀ ਉਲੰਘਣਾ ਕਰਨ ਵਾਲੇ ਸੁਪਰ-ਮਾਰਕੀਟਾਂ ਨੂੰ ਉਲੰਘਣਾ ਨੋਟਿਸ ਜਾਰੀ ਕਰਨ ਦੀ ਸ਼ਕਤੀ ਵੀ ਹੋਵੇਗੀ।
