ਮੈਲਬਰਨ: ਸਾਲ ਲਈ ਕਮਾਈ ਵਿੱਚ ਗਿਰਾਵਟ ਦੇ ਸੰਕੇਤ ਦਰਮਿਆਨ ਏਅਰ ਨਿਊਜ਼ੀਲੈਂਡ ਨੇ ਆਪਣੀਆਂ ਛੋਟੀ ਦੂਰੀ ਦੀਆਂ ਇੰਟਰਨੈਸ਼ਨਲ ਉਡਾਣਾਂ ਵਿੱਚ ਵੱਡੀਆਂ ਤਬਦੀਲੀਆਂ ਦਾ ਐਲਾਨ ਕੀਤਾ ਹੈ। ਏਅਰਲਾਈਨ ਇਕ ਨਵੀਂ ‘ਸੀਟਸ ਟੂ ਸੂਟ’ ਪੇਸ਼ਕਸ਼ ਪੇਸ਼ ਕਰ ਰਹੀ ਹੈ, ਜੋ ਨਿਊਜ਼ੀਲੈਂਡ ਅਤੇ ਆਸਟ੍ਰੇਲੀਆ ਜਾਂ ਪੈਸੇਫ਼ਿਕ ਟਾਪੂਆਂ ਵਿਚਕਾਰ ਉਡਾਣਾਂ ਲਈ 11 ਜੂਨ ਤੋਂ ਉਪਲਬਧ ਹੋਵੇਗੀ। ਸਾਰੇ ਕਸਟਮਰਜ਼ ਨੂੰ ਹੁਣ ਉਡਾਣ ਦੌਰਾਨ ਮਨੋਰੰਜਨ ਅਤੇ ਸਨੈਕਸ ਜਾਂ ਖਾਣੇ ਤਕ ਪਹੁੰਚ ਹੋਵੇਗੀ। ਟਿਕਟ ਕੀਮਤ ਦੀਆਂ ਕਿਸਮਾਂ ਬਦਲ ਰਹੀਆਂ ਹਨ। ‘ਸੀਟ+ਬੈਗ’ ਬਦਲ ਨੂੰ ਬੰਦ ਕੀਤਾ ਜਾ ਰਿਹਾ ਹੈ ਅਤੇ ‘seat’, ‘theworks’, ‘worksflexi’, ‘premiumeconomy’, ‘premiumflexi’, ‘businesspremier’ ਅਤੇ ‘businessflexi’ ਸਮੇਤ ਨਵੇਂ ਕਿਰਾਏ ਦੀਆਂ ਕਿਸਮਾਂ ਪੇਸ਼ ਕੀਤੀਆਂ ਜਾ ਰਹੀਆਂ ਹਨ।
ਜੇ ਕਸਟਮਰ ਸਭ ਤੋਂ ਬੇਸਿਕ “ਸੀਟ” ਕਿਰਾਏ ਦੀ ਚੋਣ ਕਰਦੇ ਹਨ, ਤਾਂ ਉਹ 30 ਡਾਲਰ ਹੋਰ ਦੇ ਕੇ ਲਈ ਇੱਕ ਬੈਗ ਜੋੜ ਸਕਦੇ ਹਨ। “ਵਰਕਸ” ਕਸਟਮਰ ਪਹਿਲਾਂ ਵਾਂਗ ਹੀ ਇੱਕ ਚੈੱਕ ਕੀਤਾ ਬੈਗ, ਇੱਕ ਪੂਰਾ ਖਾਣਾ ਅਤੇ ਪੀਣ ਵਾਲੇ ਪਦਾਰਥ, ਮਨੋਰੰਜਨ ਅਤੇ ਮੁਫਤ ਸਟੈਂਡਰਡ ਸੀਟ ਸਿਲੈਕਸ਼ਨ ਪ੍ਰਾਪਤ ਕਰ ਸਕਣਗੇ। ਹਰ ਕੈਬਿਨ ਵਿੱਚ ਇੱਕ ਨਵਾਂ ਪੂਰੀ ਤਰ੍ਹਾਂ ਲਚਕਦਾਰ ਅਤੇ ਰੀਫ਼ੰਡਏਬਲ ਫ਼ੇਅਰ ਬਦਲ ਪੇਸ਼ ਕੀਤਾ ਜਾ ਰਿਹਾ ਹੈ। ਸਾਰੇ ਛੋਟੀ ਦੂਰੀ ਦੇ ਗਾਹਕਾਂ ਨੂੰ ਚਾਹ, ਕੌਫੀ, ਪਾਣੀ ਅਤੇ ਜੂਸ ਦੀ ਪੇਸ਼ਕਸ਼ ਕੀਤੀ ਜਾਵੇਗੀ। ਜਹਾਜ਼ ‘ਤੇ ਇਨਫਲਾਈਟ ਬਾਈਟਸ ਦੀ ਖਰੀਦ ਬੰਦ ਕਰ ਦਿੱਤੀ ਜਾਵੇਗੀ, ਪਰ ਕਸਟਮਰ ਅਜੇ ਵੀ ਕਈ ਤਰ੍ਹਾਂ ਦੇ ਪੀਣ ਵਾਲੇ ਪਦਾਰਥ ਖਰੀਦ ਸਕਣਗੇ।