ਮੈਲਬਰਨ : ਆਸਟ੍ਰੇਲੀਆ ਦੇ ਪ੍ਰਮੁੱਖ ਚਾਰ ਬੈਂਕ, Westpac, ANZ, CBA, ਅਤੇ NAB, ਇਸ ਹਫ਼ਤੇ ਹੋਣ ਵਾਲੇ national interest rate ਦੇ ਫੈਸਲੇ ’ਤੇ ਇੱਕਮਤ ਨਜ਼ਰ ਆ ਰਹੇ ਹਨ। ਰਿਜ਼ਰਵ ਬੈਂਕ ਆਫ਼ ਆਸਟ੍ਰੇਲੀਆ (RBA) ਦੀ ਸੋਮਵਾਰ ਅਤੇ ਮੰਗਲਵਾਰ ਹੋਣ ਵਾਲੀ ਅਹਿਮ ਮੀਟਿੰਗ ਵਿੱਚ, ਸਾਰੇ ਚਾਰੇ ਵੱਡੇ ਬੈਂਕਾਂ ਨੇ ਭਵਿੱਖਬਾਣੀ ਕੀਤੀ ਹੈ ਕਿ RBA ਵਿਆਜ ਰੇਟ ਨੂੰ 4.35 ਫ਼ੀ ਸਦੀ ਦੇ ਉੱਚ ਪੱਧਰ ’ਤੇ ਹੀ ਸਥਿਰ (unchanged) ਰੱਖੇਗਾ। 2026 ਵਿੱਚ ਇਹ ਪਹਿਲੀ ਵਾਰ ਹੋ ਸਕਦਾ ਹੈ ਜਦੋਂ RBA ਲਗਾਤਾਰ ਤਿੰਨ ਵਾਰ ਦਰਾਂ ਵਧਾਉਣ ਤੋਂ ਬਾਅਦ ਵਿਆਜ ਦਰਾਂ ਨੂੰ ਰੋਕ ਕੇ ਰੱਖੇਗਾ। RBA ਆਪਣਾ ਫ਼ੈਸਲਾ 16 ਜੂਨ ਨੂੰ ਦੁਪਹਿਰ 2:30 ਵਜੇ ਐਲਾਨ ਕਰੇਗਾ।
ਹਾਲਾਂਕਿ, ਆਉਣ ਵਾਲੇ ਸਮੇਂ ਵਿੱਚ ਵਿਆਜ ਰੇਟ ਕਦੋਂ ਘਟਣਗੇ, ਇਸ ਨੂੰ ਲੈ ਕੇ ਬੈਂਕਾਂ ਵਿੱਚ ਮਤਭੇਦ ਹਨ। Canstar ਦੀ Sally Tindall ਅਨੁਸਾਰ, ਆਰਥਿਕ ਸਥਿਤੀ ਅਜੇ ਵੀ ਅਨਿਸ਼ਚਿਤ ਹੈ। ANZ ਨੇ ਆਪਣਾ ਰੁਖ਼ ਬਦਲਦਿਆਂ ਭਵਿੱਖਬਾਣੀ ਕੀਤੀ ਹੈ ਕਿ 2027 ਵਿੱਚ ਵਿਆਜ ਰੇਟ ਵਿੱਚ 0.25 ਫ਼ੀ ਸਦੀ ਦੀਆਂ ਦੋ ਕਟੌਤੀਆਂ ਦੇਖਣ ਨੂੰ ਮਿਲ ਸਕਦੀਆਂ ਹਨ, ਜਿਸ ਨਾਲ ਇਹ 3.85 ਫ਼ੀ ਸਦੀ ’ਤੇ ਆ ਜਾਵੇਗਾ।
ਦੂਜੇ ਪਾਸੇ, Westpac ਦਾ ਮੰਨਣਾ ਹੈ ਕਿ ਮਹਿੰਗਾਈ (inflation) ਨੂੰ ਕਾਬੂ ਕਰਨ ਲਈ RBA ਇਸੇ ਸਾਲ August ਅਤੇ September ਵਿੱਚ ਵਿਆਜ ਦਰਾਂ ਨੂੰ ਹੋਰ ਵਧਾ ਸਕਦਾ ਹੈ, ਅਤੇ ਕਟੌਤੀਆਂ ਸਿੱਧੀਆਂ 2028 ਵਿੱਚ ਹੀ ਸੰਭਵ ਹੋਣਗੀਆਂ। ਜੇਕਰ August ਵਿੱਚ 0.25 ਫ਼ੀ ਸਦੀ ਦਾ ਵਾਧਾ ਹੁੰਦਾ ਹੈ, ਤਾਂ 600,000 ਡਾਲਰ ਦੇ ਮੋਰਗੇਜ ਵਾਲੇ ਲੋਕਾਂ ਦੀ ਮਹੀਨਾਵਾਰ ਕਿਸ਼ਤ 92 ਡਾਲਰ ਤੱਕ ਵਧ ਜਾਵੇਗੀ। ਇਸ ਲਈ ਮਾਹਰਾਂ ਨੇ ਹੋਮ ਲੋਨ ਗਾਹਕਾਂ ਨੂੰ ਹੋਰ ਵਾਧੇ ਲਈ ਤਿਆਰ ਰਹਿਣ ਦੀ ਸਲਾਹ ਦਿੱਤੀ ਹੈ।
