ਆਸਟ੍ਰੇਲੀਆ ’ਚ ਔਰਤਾਂ ਅਤੇ ਮਰਦਾਂ ਦੀ ਔਸਤ ਕਮਾਈ ਵਿਚਲਾ ਫਰਕ ਘਟਣ ਦਾ ਸੰਕੇਤ, gender pay gap ਆਇਆ 20% ਤੋਂ ਹੇਠਾਂ

Sea7 Australia Team
2 Min Read

ਮੈੱਲਬਰਨ : ਆਸਟ੍ਰੇਲੀਅਨ ਵਰਕਫੋਰਸ ਲਈ ਇੱਕ ਇਤਿਹਾਸਕ ਅਤੇ ਸਕਾਰਾਤਮਕ ਖ਼ਬਰ ਹੈ। ਦੇਸ਼ ’ਚ ਪਹਿਲੀ ਵਾਰ ਲਿੰਗਕ ਤਨਖਾਹ ਪਾੜਾ (gender pay gap) ਘਟ ਕੇ 20 ਫੀਸਦੀ ਤੋਂ ਹੇਠਾਂ ਆ ਗਿਆ ਹੈ। WGEA ਦੇ ਨਵੇਂ ਅੰਕੜਿਆਂ ਅਨੁਸਾਰ, 2025-26 ’ਚ ਇਹ ਪਾੜਾ 19.7% ਰਹਿ ਗਿਆ ਹੈ, ਜੋ ਕਿ ਪਿਛਲੇ ਸਾਲ 22.5% ਸੀ। ਇਸ ਦਾ ਸਿੱਧਾ ਮਤਲਬ ਹੈ ਕਿ ਮਰਦਾਂ ਦੇ ਹਰ ਇੱਕ ਡਾਲਰ ਦੇ ਮੁਕਾਬਲੇ ਔਰਤਾਂ ਔਸਤਨ 80 ਸੈਂਟ ਕਮਾਉਂਦੀਆਂ ਹਨ।

ਭਾਵੇਂ ਇਹ ਇੱਕ ਵੱਡੀ ਪ੍ਰਾਪਤੀ ਹੈ, ਪਰ WGEA ਦੀ ਚੀਫ ਐਗਜ਼ੀਕਿਊਟਿਵ Christine Castley ਨੇ ਚੇਤਾਵਨੀ ਦਿੱਤੀ ਹੈ ਕਿ ਔਰਤਾਂ ਅਜੇ ਵੀ ਮਰਦਾਂ ਦੇ ਮੁਕਾਬਲੇ ਸਾਲਾਨਾ ਔਸਤਨ 27,000 ਡਾਲਰ ਘੱਟ ਕਮਾਉਂਦੀਆਂ ਹਨ। ਜਿੱਥੇ ਪਬਲਿਕ ਸੈਕਟਰ ’ਚ ਇਹ ਪਾੜਾ ਮਹਿਜ਼ 7.8% ਹੈ, ਉੱਥੇ ਹੀ ਪ੍ਰਾਈਵੇਟ ਸੈਕਟਰ ’ਚ ਇਹ ਅਜੇ ਵੀ 20.3% ਬਣਿਆ ਹੋਇਆ ਹੈ।

ਕੁਝ ਕੰਪਨੀਆਂ ਨੇ ਸ਼ਾਨਦਾਰ ਮਿਸਾਲ ਕਾਇਮ ਕੀਤੀ ਹੈ। ਉਦਾਹਰਣ ਵਜੋਂ, ਬਰੂਇੰਗ ਕੰਪਨੀ Lion ਨੇ ਆਪਣਾ ਤਨਖਾਹ ਪਾੜਾ 0.9% ਤੱਕ ਲਿਆ ਕੇ ਔਰਤਾਂ ਦੇ ਹੱਕ ’ਚ ਕਰ ਲਿਆ ਹੈ। Lion ਦੀ Sarah Abbott ਨੇ ਦੱਸਿਆ ਕਿ ਉਨ੍ਹਾਂ ਨੇ ਔਰਤਾਂ ਲਈ ਮੀਨੋਪੌਜ਼ ਅਤੇ ਐਂਡੋਮੈਟਰੀਓਸਿਸ ਵਰਗੀਆਂ ਵਿਲੱਖਣ ਸਿਹਤ ਸਮੱਸਿਆਵਾਂ ਲਈ ਵਿਸ਼ੇਸ਼ ਛੁੱਟੀਆਂ ਅਤੇ ਘਰੇਲੂ ਹਿੰਸਾ ਪੀੜਤਾਂ ਲਈ ਫੋਨ ਅਤੇ ਰਿਹਾਇਸ਼ ਵਰਗੀਆਂ ਸਹਾਇਤਾ ਨੀਤੀਆਂ ਲਾਗੂ ਕੀਤੀਆਂ ਹਨ।

ਦੂਜੇ ਪਾਸੇ, ਚਿੰਤਾ ਦਾ ਵਿਸ਼ਾ ਇਹ ਹੈ ਕਿ ਔਰਤਾਂ ਦੇਸ਼ ਦੀ ਕੁੱਲ ਵਰਕਫੋਰਸ ਦਾ ਅੱਧਾ ਹਿੱਸਾ ਹੋਣ ਦੇ ਬਾਵਜੂਦ ਸਿਰਫ਼ 25% CEO ਅਤੇ 33% ਬੋਰਡ ਅਹੁਦਿਆਂ ‘ਤੇ ਕਾਬਜ਼ ਹਨ। Healthcare ਵਰਗੇ ਖੇਤਰਾਂ (ਜਿੱਥੇ 78% ਔਰਤਾਂ ਹਨ) ’ਚ ਘੱਟ ਤਨਖਾਹਾਂ ਇਸ ਰਾਸ਼ਟਰੀ ਪਾੜੇ ਦਾ ਮੁੱਖ ਕਾਰਨ ਹਨ।

ਇਸ ਅਸਮਾਨਤਾ ਨੂੰ ਖਤਮ ਕਰਨ ਦੀ ਦਿਸ਼ਾ ’ਚ ਕਦਮ ਚੁੱਕਦਿਆਂ, ਹੁਣ ਆਸਟ੍ਰੇਲੀਆ ਦੇ ਲਗਭਗ 2,000 ਵੱਡੇ ਰੁਜ਼ਗਾਰਦਾਤਾਵਾਂ ਨੇ ਲਿੰਗਕ ਸਮਾਨਤਾ ਨੂੰ ਸੁਧਾਰਨ ਲਈ ਠੋਸ ਟੀਚੇ ਤੈਅ ਕੀਤੇ ਹਨ।

Share This Article
Leave a Comment

Leave a Reply

Your email address will not be published. Required fields are marked *