ਮੈਲਬਰਨ : ਗੰਭੀਰ ਅਤੇ ਅਸਥਿਰ ਮੌਸਮ ਨੇ ਪੂਰਬੀ ਆਸਟ੍ਰੇਲੀਆ ਨੂੰ ਘੇਰ ਲਿਆ ਹੈ। ਇਸ ਇਲਾਕੇ ਨੂੰ ਹਨੇਰੀਆਂ, ਬਹੁਤ ਜ਼ਿਆਦਾ ਗਰਮੀ, ਨੁਕਸਾਨਦੇਹ ਹਵਾਵਾਂ ਅਤੇ ਵਿਨਾਸ਼ਕਾਰੀ ਅੱਗ ਦੇ ਖ਼ਤਰੇ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ। ਪਿਛਲੇ ਹਫਤੇ ਦੇ ਅਖੀਰ ਤੋਂ, ਗਰਮ, ਨਮੀ ਵਾਲੀ ਹਵਾ ਨੇ ਕੁਈਨਜ਼ਲੈਂਡ ਅਤੇ ਨਿਉ ਸਾਊਥ ਵੇਲਜ਼ ਵਿੱਚ ਰੋਜ਼ਾਨਾ ਗੰਭੀਰ ਹਨੇਰੀਆਂ ਨੂੰ ਭੜਕਾਇਆ ਹੈ। ਕਈ ਸੁਪਰਸੈੱਲ ਸਾਊਥ-ਈਸਟ ਕੁਈਨਜ਼ਲੈਂਡ ਵਿੱਚ ਵਿਸ਼ਾਲ ਗੜੇਮਾਰੀ ਦਾ ਕਾਰਨ ਬਣੇ ਹਨ, ਜਦੋਂ ਕਿ ਲੱਖਾਂ ਬਿਜਲੀ ਲਸ਼ਕਣ ਦੀਆਂ ਘਟਨਾਵਾਂ ਵੇਖੀਆਂ ਗਈਆਂ। ਸਿਰਫ ਤਿੰਨ ਦਿਨਾਂ ਵਿੱਚ ਬ੍ਰਿਸਬੇਨ ਦੇ ਆਲੇ-ਦੁਆਲੇ ਲਗਭਗ ਇੱਕ ਮਿਲੀਅਨ ਵਾਰੀ ਬਿਜਲੀ ਡਿੱਗੀ। ਮੰਗਲਵਾਰ ਨੂੰ, ਹਨੇਰੀਆਂ ਨੌਰਥ ਕੁਈਨਜ਼ਲੈਂਡ ਤੋਂ NSW ਦੇ ਹੰਟਰ ਖੇਤਰ ਤੱਕ 2,000 ਕਿਲੋਮੀਟਰ ਤੋਂ ਵੱਧ ਫੈਲੀਆਂ, ਜਿਸ ਨਾਲ ਲੱਖਾਂ ਲੋਕ ਪ੍ਰਭਾਵਤ ਹੋਏ।
ਤਿੱਖੀ ਗਰਮੀ ਖ਼ਰਾਬ ਮੌਸਮ ਦਾ ਇਕ ਹੋਰ ਕਾਰਨ ਰਹੀ ਹੈ, ਜਿਸ ਵਿਚ ਦੋਵਾਂ ਸਟੇਟਾਂ ਵਿਚ ਤਾਪਮਾਨ ਘੱਟ ਤੋਂ ਅੱਧ ਚਾਲੀ ਦੇ ਦਹਾਕੇ ਤੱਕ ਪਹੁੰਚ ਗਿਆ ਹੈ। ਸਿਡਨੀ ਵਿੱਚ ਬੁੱਧਵਾਰ ਦੁਪਹਿਰ ਤੱਕ ਤਾਪਮਾਨ ਵਿੱਚ 34 ਡਿਗਰੀ ਸੈਲਸੀਅਸ ਨੂੰ ਪਾਰ ਕਰ ਗਿਆ ਸੀ। ਪਰ ਮੀਂਹ-ਹਨੇਰੀ ਕਾਰਨ ਇਹ 10 ਡਿਗਰੀ ਹੇਠਾਂ ਆ ਗਿਆ। ਹਵਾਵਾਂ ਵੀ ਓਨੀ ਹੀ ਵਿਨਾਸ਼ਕਾਰੀ ਰਹੀਆਂ ਹਨ, NSW ਦੇ ਕੁਝ ਹਿੱਸਿਆਂ ਵਿੱਚ ਹਵਾਵਾਂ 110 ਕਿਲੋਮੀਟਰ ਪ੍ਰਤੀ ਘੰਟਾ ਤੋਂ ਵੱਧ ਹਨ। ਤੇਜ਼ ਹਵਾਵਾਂ ਕਾਰਨ ਇੱਕ ਡਿੱਗਦੇ ਦਰੱਖਤ ਹੇਠਾਂ ਆਉਣ ਨਾਲ ਇੱਕ ਬਜ਼ੁਰਗ ਵਿਅਕਤੀ ਦੀ ਮੌਤ ਹੋ ਗਈ। ਕਈ ਥਾਵਾਂ ’ਤੇ ਬਿਜਲੀ ਬੰਦ ਹੋ ਗਈ ਅਤੇ ਆਵਾਜਾਈ ਵੀ ਰੇਲ ਆਵਾਜਾਈ ਵੀ ਪ੍ਰਭਾਵਤ ਹੋਈ। ਇਨ੍ਹਾਂ ਹਵਾਵਾਂ ਅਤੇ ਬਹੁਤ ਜ਼ਿਆਦਾ ਗਰਮੀ ਕਾਰਨ ਦੋ ਸਾਲਾਂ ਅੰਦਰ ਸਟੇਟ ਵਿੱਚ ਪਹਿਲੀ ਵਾਰੀ ਵਿਨਾਸ਼ਕਾਰੀ ਅੱਗ ਦੇ ਖ਼ਤਰੇ ਦਾ ਐਲਾਨ ਕੀਤਾ ਗਿਆ।
ਹਾਲਾਂਕਿ ਵੀਰਵਾਰ ਨੂੰ ਰਾਹਤ ਮਿਲਣ ਦੀ ਉਮੀਦ ਹੈ ਜਦੋਂ ਤੂਫਾਨ ਕੁਈਨਜ਼ਲੈਂਡ ਅਤੇ ਮੱਧ ਆਸਟ੍ਰੇਲੀਆ ਵਿੱਚ ਉੱਤਰ ਵੱਲ ਪਿੱਛੇ ਹਟ ਜਾਣਗੇ। ਹਾਲਾਂਕਿ, ਹਫ਼ਤੇ ਦੇ ਅਖੀਰ ਵਿੱਚ ਇੱਕ ਕੋਲਡ ਫ਼ਰੰਟ ਦੇਸ਼ ਭਰ ਵਿੱਚ ਨਵੇਂ ਮੀਂਹ ਅਤੇ ਤੂਫਾਨ ਲਿਆਏਗਾ। ਇਸ ਕਾਰਨ ਅਗਲੇ ਹਫਤੇ ਦੇ ਸ਼ੁਰੂ ਵਿੱਚ, ਸਾਊਥ-ਈਸਟ ਆਸਟ੍ਰੇਲੀਆ ਵਿੱਚ ਗਰਮੀਆਂ ਦੀ ਸ਼ੁਰੂਆਤ ਹੋਣ ਦੇ ਨਾਲ ਹੀ ਬਰਫ ਵੀ ਵੇਖਣ ਨੂੰ ਮਿਲ ਸਕਦੀ ਹੈ।
