ਮੈਲਬਰਨ: ਬੱਚਿਆਂ ਦੇ ਭੋਜਨ ਬਣਾਉਣ ਵਾਲੀ ਕੰਪਨੀ ਬੇਲਾਮੀਜ਼ ਆਸਟ੍ਰੇਲੀਆ ‘ਚ 1.4 ਕਰੋੜ ਡਾਲਰ ਦੀ ਹਿੱਸੇਦਾਰੀ ਲੁਕਾਉਣ ਦੇ ਦੋਸ਼ ‘ਚ ਕੱਪੜਿਆਂ ਦੀ ਮਸ਼ਹੂਰ ਕੰਪਨੀ Kathmandu ਦੀ ਸੰਸਥਾਪਕ ਜਾਨ ਕੈਮਰੂਨ ‘ਤੇ 8,000 ਡਾਲਰ ਦਾ ਜੁਰਮਾਨਾ ਲਗਾਇਆ ਗਿਆ ਹੈ।
Kathmandu ਦੀ ਸੰਸਥਾਪਕ ਜਾਨ ਕੈਮਰੂਨ ਬਲੈਕ ਪ੍ਰਿੰਸ ਨਾਂ ਦੀ ਇਕ ਆਫਸ਼ੋਰ ਕੰਪਨੀ ਵਿਚ ਆਪਣੀ ਦਿਲਚਸਪੀ ਦਾ ਖੁਲਾਸਾ ਕਰਨ ਵਿਚ ਅਸਫਲ ਰਹੀ ਸੀ, ਜਦੋਂ ਉਸ ਨੇ 2014 ਵਿਚ ਬੇਬੀ ਫਾਰਮੂਲਾ ਕੰਪਨੀ ਬੇਲਾਮੀਜ਼ ਆਸਟਰੇਲੀਆ ਵਿਚ ਹਿੱਸੇਦਾਰੀ ਖਰੀਦੀ ਸੀ।
ਹੋਬਾਰਟ ਮੈਜਿਸਟ੍ਰੇਟ ਨੇ ਵੀਰਵਾਰ ਨੂੰ ਇਸ ਪ੍ਰਮੁੱਖ ਕਾਰੋਬਾਰੀ ਔਰਤ ਨੂੰ ਦੋਸ਼ੀ ਠਹਿਰਾਇਆ, ਜੋ ਦਾਨ-ਪੁੰਨ ਲਈ ਵੀ ਕਾਫ਼ੀ ਪ੍ਰਸਿੱਧ ਹੈ। ਸਜ਼ਾ ਦੇ ਨਤੀਜੇ ਵਜੋਂ, ਕੈਮਰੂਨ ਨੂੰ ਪੰਜ ਸਾਲਾਂ ਲਈ ਕਾਰਪੋਰੇਸ਼ਨਾਂ ਦੇ ਪ੍ਰਬੰਧਨ ਤੋਂ ਅਯੋਗ ਠਹਿਰਾਇਆ ਜਾ ਸਕਦਾ ਹੈ, ਪਰ ਉਹ ਇਸ ਸਮੇਂ ਦੋਸ਼ੀ ਫੈਸਲੇ ਵਿਰੁੱਧ ਅਪੀਲ ਦੇ ਨਤੀਜੇ ਦੀ ਉਡੀਕ ਕਰ ਰਹੀ ਹੈ।
