Porepunkah ਘਟਨਾ ਤੋਂ ਬਾਅਦ ‘ਨੈਸ਼ਨਲ ਗੰਨ ਰਜਿਸਟਰੀ’ ਦੇ ਹੱਕ ’ਚ ਆਵਾਜ਼ ਤੇਜ਼ ਹੋਈ

ਮੈਲਬਰਨ : Porepunkah ਵਿੱਚ ਦੋ ਪੁਲਿਸ ਅਧਿਕਾਰੀਆਂ ਦੀ ਗੋਲੀ ਮਾਰ ਕੇ ਹੱਤਿਆ ਕੀਤੇ ਜਾਣ ਤੋਂ ਬਾਅਦ, ਆਸਟ੍ਰੇਲੀਆ ਦੇ ਸਿਆਸਤਦਾਨ ਲੰਬੇ ਸਮੇਂ ਤੋਂ ਲਟਕ ਰਹੀ ਨੈਸ਼ਨਲ ਗੰਨ ਰਜਿਸਟਰੀ ਤਿਆਰ ਕਰਨ ਦਾ ਕੰਮ ਤੇਜ਼ ਕਰਨ ਲਈ ਜ਼ੋਰ ਦੇ ਰਹੇ ਹਨ। ਰਜਿਸਟਰੀ ਦਾ ਉਦੇਸ਼ ਸਾਰੇ ਸਟੇਟ ਵਿੱਚ ਗੰਨ ਟਰੈਕਿੰਗ ਨੂੰ ਏਕੀਕ੍ਰਿਤ ਕਰਨਾ ਹੈ। ਸੀਨੀਅਰ ਨੈਸ਼ਨਲ ਸੈਨੇਟਰ Bridget McKenzie ਅਤੇ ਲੇਬਰ ਪਾਰਟੀ ਦੇ ਸੰਸਦ ਮੈਂਬਰ Dan Repacholi ਨੈਸ਼ਨਲ ਗੰਨ ਰਜਿਸਟਰ ਨੂੰ ਉਤਸ਼ਾਹਤ ਕਰਨ ਲਈ ਕੱਲ੍ਹ ਮੀਡੀਆ ਸਾਹਮਣੇ ਆਏ। ਹਾਲਾਂਕਿ ਹਿੰਸਾ ਰੋਕਥਾਮ ਮਾਹਰ ਡਾ. ਸਮਾਰਾ ਮੈਕਫੈਡਰਨ ਦਾ ਤਰਕ ਹੈ ਕਿ ਇਹ ਇੱਕ ਸਤਹੀ ਹੱਲ ਹੈ। ਉਹ ਇਸ ਹੇਠ ਲੁਕੇ ਅਸਲ ਕਾਰਨ ਸਮਾਜਿਕ ਮੁੱਦਿਆਂ ਨੂੰ ਹੱਲ ਕਰਨ ਦੀ ਜ਼ਰੂਰਤ ‘ਤੇ ਜ਼ੋਰ ਦੇ ਰਹੇ ਹਨ। ਜਿਵੇਂ ਕਿ ਮਾਨਸਿਕ ਸਿਹਤ, ਰੁਜ਼ਗਾਰ, ਅਤੇ ਏਕੀਕਰਣ – ਜੋ ਹਿੰਸਕ ਵਿਵਹਾਰ ਦਾ ਕਾਰਨ ਬਣਦੇ ਹਨ। ਰਜਿਸਟਰੀ 2028 ਦੇ ਅੱਧ ਤਕ ਅਮਲ ’ਚ ਆਉਣ ਦੀ ਸੰਭਾਵਨਾ ਨਹੀਂ ਹੈ।