PM Albanese ਨੇ ਚੀਨ ਦੇ ਪ੍ਰਧਾਨ ਮੰਤਰੀ ਕੋਲ ਆਸਟ੍ਰੇਲੀਅਨ ਜਹਾਜ਼ ਉਤੇ ਫਲੇਅਰਜ਼ ਸੁੱਟਣ ਦਾ ਮੁੱਦਾ ਚੁਕਿਆ

ਮੈਲਬਰਨ : ਮਲੇਸ਼ੀਆ ਵਿੱਚ ASEAN ਸੰਮੇਲਨ ਦੌਰਾਨ, ਆਸਟ੍ਰੇਲੀਆ ਦੇ ਪ੍ਰਧਾਨ ਮੰਤਰੀ Anthony Albanese ਨੇ ਚੀਨੀ ਪ੍ਰਧਾਨ ਮੰਤਰੀ Li Qiang ਸਾਹਮਣੇ ਦੱਖਣੀ ਚੀਨ ਸਾਗਰ ਵਿੱਚ ਹਾਲ ਹੀ ਵਿੱਚ ਹੋਏ ‘ਅਸੁਰੱਖਿਅਤ’ ਫੌਜੀ ਤਲਖੀ ਬਾਰੇ ਚਿੰਤਾ ਜ਼ਾਹਰ ਕੀਤੀ ਹੈ। ਜ਼ਿਕਰਯੋਗ ਹੈ ਕਿ ਪਿਛਲੇ ਦਿਨੀਂ ਇੱਕ ਆਸਟ੍ਰੇਲੀਅਨ ਨਿਗਰਾਨੀ ਜਹਾਜ਼ ਦਾ ਸਾਹਮਣਾ ਇੱਕ ਚੀਨੀ ਲੜਾਕੂ ਜਹਾਜ਼ ਨਾਲ ਹੋਇਆ ਜਿਸ ਨੇ ਖਤਰਨਾਕ ਤੌਰ ’ਤੇ ਫਲੇਅਰਜ਼ ਨੂੰ ਆਸਟ੍ਰੇਲੀਅਲ ਜਹਾਜ਼ ਵੱਲ ਸੁੱਟਿਆ ਸੀ। Albanese ਨੇ ਜ਼ੋਰ ਦੇ ਕੇ ਕਿਹਾ ਕਿ ਉਨ੍ਹਾਂ ਦੀਆਂ ਚਿੰਤਾਵਾਂ ਨੂੰ ‘ਸੁਣਿਆ ਗਿਆ’, ਹਾਲਾਂਕਿ ਉਨ੍ਹਾਂ ਨੇ ਇਹ ਖੁਲਾਸਾ ਨਹੀਂ ਕੀਤਾ ਕਿ Li ਨੇ ਕੀ ਜਵਾਬ ਦਿੱਤਾ। ਬੈਠਕ ਵਿੱਚ ਵਪਾਰ, ਜਲਵਾਯੂ ਸਹਿਯੋਗ ਅਤੇ ਖੇਤਰੀ ਸਥਿਰਤਾ ’ਤੇ ਵੀ ਚਰਚਾ ਕੀਤੀ ਗਈ। Albanese ਨੇ ਅਮਰੀਕਾ ਨਾਲ ਰੱਖਿਆ ਅਤੇ ਨਾਜ਼ੁਕ ਖਣਿਜ ਭਾਈਵਾਲੀ ’ਤੇ ਚੱਲ ਰਹੇ ਤਣਾਅ ਦੇ ਬਾਵਜੂਦ, ਚੀਨ ਨਾਲ ਇੱਕ ਪਰਿਪੱਕ ਅਤੇ ਉਸਾਰੂ ਸਬੰਧਾਂ ਲਈ ਆਸਟ੍ਰੇਲੀਆ ਦੀ ਵਚਨਬੱਧਤਾ ਨੂੰ ਦੁਹਰਾਇਆ, ਜਿਸ ਨੂੰ ਚੀਨ ਸ਼ੱਕ ਦੀ ਨਜ਼ਰ ਨਾਲ ਵੇਖਦਾ ਹੈ।