ਨਵੀਂਆਂ ਚੋਣਾਂ ਤੋਂ ਪਹਿਲਾਂ ਪਿਛਲੀਆਂ ਪ੍ਰਾਪਤੀਆਂ ਪੇਸ਼ ਕਰੇ ਪੰਜਾਬ NRI ਸਭਾ : NAPA

ਮੈਲਬਰਨ : ਨਾਰਥ ਅਮਰੀਕਨ ਪੰਜਾਬੀ ਐਸੋਸੀਏਸ਼ਨ (NAPA) ਦੇ ਐਗਜ਼ਿਕਿਊਟਿਵ ਡਾਇਰੈਕਟਰ ਸਤਨਾਮ ਸਿੰਘ ਚਾਹਲ ਨੇ ਪੰਜਾਬ ਸਰਕਾਰ ਦੀ NRI ਸਭਾ ਨੂੰ “ਚਿੱਟਾ ਹਾਥੀ” ਕਹਿੰਦੇ ਹੋਏ ਇਸ ਦੀ ਕਾਰਗੁਜ਼ਾਰੀ ’ਤੇ ਸਵਾਲ ਉਠਾਏ ਹਨ। ਉਨ੍ਹਾਂ ਕਿਹਾ ਕਿ ਨਵੀਆਂ ਚੋਣਾਂ ਤੋਂ ਪਹਿਲਾਂ ਸਭਾ ਨੂੰ ਆਪਣੀ ਪਿਛਲੀ ਪ੍ਰਦਰਸ਼ਨ ਰਿਪੋਰਟ, ਖਰਚੇ ਅਤੇ ਹੱਲ ਕੀਤੇ ਕੇਸਾਂ ਦੀ ਜਾਣਕਾਰੀ ਜਨਤਕ ਕਰਨੀ ਚਾਹੀਦੀ ਹੈ। ਉਨ੍ਹਾਂ ਕਿਹਾ ਕਿ NRI ਸਭਾ ਦਾ ਮਕਸਦ ਪਰਦੇਸੀ ਪੰਜਾਬੀਆਂ ਅਤੇ ਸਰਕਾਰ ਵਿਚਕਾਰ ਪੁਲ ਬਣਾਉਣਾ ਸੀ, ਪਰ ਇਹ ਅਕਸਰ ਗੈਰ-ਸਰਗਰਮ ਰਹੀ ਹੈ। ਉਨ੍ਹਾਂ ਕਿਹਾ ਕਿ ਸਭਾ ਸਿਆਸੀ ਪੱਖਪਾਤ ਅਤੇ ਆਨਰੇਰੀ ਅਹੁਦਿਆਂ ਦਾ ਮੰਚ ਬਣ ਕੇ ਰਹਿ ਗਿਆ ਹੈ ਅਤੇ ਜਾਇਦਾਦੀ ਝਗੜੇ, ਧੋਖਾਧੜੀ ਅਤੇ ਸ਼ਿਕਾਇਤ ਨਿਵਾਰਨ ਦੀ ਘਾਟ ਵਰਗੇ ਮੁੱਦੇ ਹੱਲ ਨਹੀਂ ਹੋਏ। NAPA ਨੇ ਸਭਾ ਵਿੱਚ ਸੁਧਾਰ ਜਾਂ ਵਿਘਟਨ ਦੀ ਮੰਗ ਕੀਤੀ ਹੈ।