ਮੈਲਬਰਨ : Bondi ਵਿੱਚ ਅੱਤਵਾਦੀ ਹਮਲਾ ਇੱਕ ਡਾਵਾਂਡੋਲ ਅੰਤਰਰਾਸ਼ਟਰੀ ਪਿਛੋਕੜ ਦੇ ਵਿਰੁੱਧ ਹੋਇਆ ਸੀ ਜੋ ਦੁਨੀਆ ਭਰ ਵਿੱਚ ਹਿੰਸਾ ਨੂੰ ਪ੍ਰੇਰਿਤ ਕਰ ਰਿਹਾ ਹੈ ਅਤੇ ਨਿਊਜ਼ੀਲੈਂਡ ’ਚ ਵੀ ਇਸੇ ਤਰ੍ਹਾਂ ਦੇ ਦਾ ਕੁੱਝ ਵੇਖਿਆ ਜਾ ਸਕਦਾ ਹੈ।
ਸਰਕਾਰ ਵੱਲੋਂ ਸਥਾਪਤ ਸਵੈਇੱਛਤ ਭੀੜ ਵਾਲੀਆਂ ਥਾਵਾਂ ਲਈ ਸੁਰੱਖਿਆ ਸਲਾਹਕਾਰ ਸਮੂਹ ਦੇ ਪ੍ਰਮੁੱਖ ਸੁਰੱਖਿਆ ਸਲਾਹਕਾਰ ਅਤੇ ਗਲੋਬਲ ਰਿਸਕ ਕੰਸਲਟਿੰਗ ਦੇ ਡਾਇਰੈਕਟਰ Chris Kumeroa ਨੇ ਨਿਊਜ਼ੀਲੈਂਡ ਦੇ ਇੱਕ ਅਖ਼ਬਾਰ ਨਾਲ ਗੱਲਬਾਤ ਦੌਰਾਨ ਕਿਹਾ, ‘‘ਅਸੀਂ ਆਪਣੇ ਵਿਹੜੇ ਵਿੱਚ ਅਜਿਹੀ ਵਾਰਦਾਤ ਤੋਂ ਸਿਰਫ ਥੋੜ੍ਹਾ ਜਿਹਾ ਹੀ ਦੂਰ ਹਾਂ।’’
ਐਤਵਾਰ ਨੂੰ Bondi ਵਿਖੇ ਹੋਏ ਅੱਤਵਾਦੀ ਹਮਲੇ ਵਿੱਚ 15 ਬੇਕਸੂਰ ਲੋਕਾਂ ਦੀ ਮੌਤ ਹੋ ਗਈ ਸੀ ਅਤੇ 42 ਜ਼ਖਮੀ ਹੋ ਗਏ। 50 ਸਾਲ ਦੇ ਸਾਜਿਦ ਅਕਰਮ ਅਤੇ ਉਸ ਦੇ ਬੇਟੇ ਨਵੀਦ ਅਕਰਮ ਨੇ ਯਹੂਦੀ ਹਨੁਕਾ ਤਿਉਹਾਰ ਮਨਾਉਣ ਲਈ ਇਕੱਠੀ ਹੋਈ ਭੀੜ ’ਤੇ ਅੰਨ੍ਹੇਵਾਹ ਗੋਲੀਆਂ ਚਲਾ ਦਿੱਤੀਆਂ।
ਨਿਊਜ਼ੀਲੈਂਡ ਵਿਚ ਰਾਜਨੀਤਿਕ, ਧਾਰਮਿਕ ਅਤੇ ਸਮਾਜਿਕ ਧਰੁਵੀਕਰਨ ਵਧ ਰਿਹਾ ਹੈ ਅਤੇ ਅੱਤਵਾਦ ਵਿਰੋਧੀ ਸਿਖਲਾਈ ਪ੍ਰਾਪਤ Kumeroa ਨੇ ਕਿਹਾ ਕਿ ਜੋਖਮ ਨੂੰ ਘੱਟ ਕਰਨ ਲਈ ਹੋਰ ਵੀ ਕੁਝ ਕੀਤਾ ਜਾ ਸਕਦਾ ਹੈ। Kumeroa – ਅਤੇ ਕਈ ਹੋਰ ਮਾਹਰਾਂ ਨੇ ਜ਼ੋਰ ਦੇ ਕੇ ਕਿਹਾ ਕਿ ਨਿਊਜ਼ੀਲੈਂਡ ਅਤੇ ਆਸਟ੍ਰੇਲੀਆ ਵਿੱਚ ਮਹੱਤਵਪੂਰਣ ਫ਼ਰਕ ਹਨ, ਜਿਸ ਵਿੱਚ ਵੱਖ-ਵੱਖ ਅੰਤਰਰਾਸ਼ਟਰੀ ਸੰਬੰਧ ਅਤੇ ਪ੍ਰਵਾਸੀ ਭਾਈਚਾਰੇ ਹਨ।
ਉਨ੍ਹਾਂ ਨੇ ਚਿੰਤਾ ਪ੍ਰਗਟਾਈ ਸੀ ਕਿ 15 ਮਾਰਚ, 2019 ਨੂੰ ਕ੍ਰਾਈਸਟਚਰਚ ਦੀਆਂ ਮਸਜਿਦਾਂ ਵਿੱਚ 51 ਲੋਕਾਂ ਦੀ ਗੋਲੀ ਮਾਰ ਕੇ ਕਰ ਦਿੱਤੀ ਗਈ ਹੱਤਿਆ ਦੀ ਭਿਆਨਕਤਾ ਦੇ ਬਾਵਜੂਦ ਨਿਊਜ਼ੀਲੈਂਡ ਨੇ ਸੁਰੱਖਿਆ ਲਈ ਬਹੁਤ ਕਦਮ ਨਹੀਂ ਚੁੱਕੇ।
More Read
ਇਸੇ ਤਰ੍ਹਾਂ ਦੀਆਂ ਚਿੰਤਾਵਾਂ ਇਸ ਸਾਲ ਜੁਲਾਈ ਵਿੱਚ ਹੋਏ ਨਿਊਜ਼ੀਲੈਂਡ ਫੋਰਮ ਵਿੱਚ ਭੀੜ-ਭੜੱਕੇ ਵਾਲੀਆਂ ਥਾਵਾਂ ਦੀ ਸੁਰੱਖਿਆ ਦੌਰਾਨ ਉਠਾਈਆਂ ਗਈਆਂ ਸਨ, ਜਿਸ ਵਿੱਚ ਸਰਕਾਰ ਦੇ ਅੰਦਰ ਅਤੇ ਬਾਹਰ ਸੁਰੱਖਿਆ ਪੇਸ਼ੇਵਰ ਮਾਲਾਂ, ਸਕੂਲਾਂ, ਟ੍ਰਾਂਸਪੋਰਟ ਕੇਂਦਰਾਂ, ਸੰਗੀਤ ਸਮਾਰੋਹਾਂ ਅਤੇ ਹੋਰ ਥਾਵਾਂ ’ਤੇ ਹਮਲਿਆਂ ਲਈ ਦੇਸ਼ ਦੀ ਤਿਆਰੀ ਦਾ ਮੁਲਾਂਕਣ ਕਰਨ ਲਈ ਇਕੱਠੇ ਹੋਏ ਜਿੱਥੇ ਲੋਕ ਇਕੱਠੇ ਹੁੰਦੇ ਹਨ।
