ਮੈਲਬਰਨ : ਮੋਨਾਸ਼ ਇੰਸਟੀਚਿਊਟ ਆਫ਼ ਟਰਾਂਸਪੋਰਟ ਸਟੱਡੀਜ਼ ਦੇ ਇੱਕ ਅਧਿਐਨ ਅਨੁਸਾਰ ਆਸਟ੍ਰੇਲੀਆ ਵਿੱਚ Gold Coast ਸਮਰੱਥਾ ਨਾਲੋਂ ਸਭ ਤੋਂ ਜ਼ਿਆਦਾ ਆਬਾਦੀ ਵਾਲਾ ਸ਼ਹਿਰ ਬਣ ਗਿਆ ਹੈ। ਸ਼ਹਿਰ ਦੀ ਆਬਾਦੀ ਆਪਣੇ ਆਦਰਸ਼ ਆਕਾਰ ਤੋਂ 14٪ ਵੱਧ ਹੈ। ਆਬਾਦੀ ਵਿੱਚ ਤੇਜ਼ੀ ਨਾਲ ਵਾਧੇ ਕਾਰਨ ਟ੍ਰੈਫਿਕ ਜਾਮ, ਕਿਰਾਏ ਵਿੱਚ ਵਾਧਾ, ਅਤੇ ਬੁਨਿਆਦੀ ਢਾਂਚੇ ’ਤੇ ਤਣਾਅ ਵਰਗੀਆਂ ਸਮੱਸਿਆਵਾਂ ਪੈਦਾ ਹੋ ਰਹੀਆਂ ਹਨ। ਗੋਲਡ ਕੋਸਟ ਵਿੱਚ ਔਸਤਨ ਮਕਾਨ ਦੀ ਕੀਮਤ 1.32 ਮਿਲੀਅਨ ਡਾਲਰ ਹੋ ਗਈ ਹੈ। ਮੋਨਾਸ਼ ਇੰਸਟੀਚਿਊਟ ਦੀ ਸਟੱਡੀ ’ਚ ਇਹ ਖ਼ੁਲਾਸਾ ਹੋਇਆ ਹੈ ਜਿਸ ਨੇ ਆਸਟ੍ਰੇਲੀਆ ਦੇ 655 ਸ਼ਹਿਰਾਂ ਦਾ ਅਧਿਐਨ ਕੀਤਾ ਹੈ। ਦੂਜੇ ਨੰਬਰ ’ਤੇ NSW ਦਾ Central Coast (13%) ਅਤੇ ਤੀਜੇ ਨੰਬਰ ’ਤੇ SA ਦਾ Murray Bridge (12%) ਹੈ।
ਅਧਿਐਨ ਵਿਚ ਪਾਇਆ ਗਿਆ ਹੈ ਕਿ ਮੈਲਬਰਨ, ਸਿਡਨੀ ਅਤੇ ਸਨਸ਼ਾਈਨ ਕੋਸਟ ਦੀ ਆਬਾਦੀ ਵੀ ਸਮਰੱਥਾ ਤੋਂ ਵੱਧ ਹੈ, ਜਿਸ ਨਾਲ ਉੱਚ ਲਾਗਤ ਅਤੇ ਬੁਨਿਆਦੀ ਢਾਂਚੇ ਦੇ ਤਣਾਅ ਦਾ ਖਤਰਾ ਹੈ, ਜਦੋਂ ਕਿ ਪਰਥ ਅਤੇ ਸਾਊਥ ਆਸਟ੍ਰੇਲੀਆ ਦਾ ਛੋਟਾ ਜਿਹਾ ਸ਼ਹਿਰ Port Pirie ਆਪਣੀ ਆਦਰਸ਼ ਆਬਾਦੀ ਦੇ ਆਕਾਰ ਦੇ ਨੇੜੇ ਹੈ।
ਖੋਜਕਰਤਾ ਸੰਤੁਲਨ ਬਹਾਲ ਕਰਨ ਲਈ ਬਿਹਤਰ ਆਵਾਜਾਈ, ਡੀਸੈਂਟਰਲਾਈਜ਼ਡ ਨੌਕਰੀਆਂ ਅਤੇ ਜ਼ਮੀਨ ਦੀ ਵਰਤੋਂ ਦੀਆਂ ਨਿਰਪੱਖ ਨੀਤੀਆਂ ਦਾ ਸੁਝਾਅ ਦਿੰਦੇ ਹਨ। ਅਧਿਐਨ ਇਸ ਗੱਲ ‘ਤੇ ਜ਼ੋਰ ਦਿੰਦਾ ਹੈ ਕਿ ਸ਼ਹਿਰ ਦਾ ਆਕਾਰ ਮੁੱਦਾ ਨਹੀਂ ਹੈ- ਮੁੱਦਾ ਇਹ ਹੈ ਕਿ ਕੀ ਸਿਸਟਮ ਆਬਾਦੀ ਨੂੰ ਟਿਕਾਊ ਅਤੇ ਬਰਾਬਰੀ ਨਾਲ ਸਹਾਇਤਾ ਕਰ ਸਕਦੇ ਹਨ।
