ਆਸਟ੍ਰੇਲੀਆ ’ਚ ਵਰਕਰਜ਼ ਦੀ ਕਮੀ ਅਗਲੇ ਦੋ ਸਾਲਾਂ ’ਚ ਦੁੱਗਣੀ ਹੋਣ ਦਾ ਖ਼ਤਰਾ

ਮੈਲਬਰਨ : ਆਸਟ੍ਰੇਲੀਆ ਦੇ ਕੰਸਟਰੱਕਸ਼ਨ ਉਦਯੋਗ ਨੂੰ ਇੱਕ ਸੰਕਟ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ, ਜਿਸ ਵਿੱਚ 2027 ਦੇ ਅੱਧ ਤੱਕ 300,000 ਵਰਕਰਜ਼ ਦੀ ਘਾਟ ਹੋਣ ਦਾ ਅਨੁਮਾਨ ਹੈ। ਇਨਫਰਾਸਟਰੱਕਚਰ ਆਸਟ੍ਰੇਲੀਆ ਦੀ ਇੱਕ ਰਿਪੋਰਟ ਵਿੱਚ ਦੱਸਿਆ ਗਿਆ ਹੈ ਕਿ ਸੈਕਟਰ ਵਿੱਚ ਪਹਿਲਾਂ ਹੀ 141,000 ਸਕਿੱਲਡ ਵਰਕਰ ਘੱਟ ਹਨ, ਅਤੇ ਮੰਗ ਵਿੱਚ ਵਾਧਾ ਹੋਵੇਗਾ ਕਿਉਂਕਿ ਸਰਕਾਰਾਂ ਹਾਊਸਿੰਗ, ਟਰਾਂਸਪੋਰਟ ਅਤੇ renewable energy ਪ੍ਰਾਜੈਕਟਸ ਵਿੱਚ 1 ਟ੍ਰਿਲੀਅਨ ਡਾਲਰ ਤੋਂ ਵੱਧ ਦਾ ਨਿਵੇਸ਼ ਕਰ ਰਹੀਆਂ ਹਨ। ਵਰਕਰਜ਼ ਦੀ ਕਮੀ ਕਾਰਨ ਪ੍ਰੋਜੈਕਟਾਂ ਦੇ ਪੂਰੇ ਹੋਣ ’ਤੇ ਵੀ ਜੋਖਮ ਵਧ ਗਿਆ ਹੈ। NSW, ਤਸਮਾਨੀਆ ਅਤੇ ਕੁਈਨਜ਼ਲੈਂਡ ਦੇ ਰੀਜਨਲ ਇਲਾਕਿਆਂ ਵਿੱਚ ਬੁਨਿਆਦੀ ਢਾਂਚੇ ਦੇ ਨਿਵੇਸ਼ ਵਿੱਚ 200٪ ਦਾ ਵਾਧਾ ਹੋ ਸਕਦਾ ਹੈ, ਜਿਸ ਲਈ ਤੁਰੰਤ ਵਰਕਰਜ਼ ਦੇ ਹੱਲ ਦੀ ਜ਼ਰੂਰਤ ਹੈ। ਅਗਲੇ ਪੰਜ ਸਾਲਾਂ ਵਿੱਚ, 163 ਬਿਲੀਅਨ ਡਾਲਰ ਐਨਰਜੀ ਸੰਚਾਰ ਅਤੇ ਨਵਿਆਉਣਯੋਗ ਊਰਜਾ ‘ਤੇ ਖਰਚ ਕੀਤੇ ਜਾਣਗੇ, ਅਤੇ ਜੇਕਰ ਲੇਬਰ ਦੀ ਕਮੀ ਨੂੰ ਹੱਲ ਕੀਤਾ ਜਾਂਦਾ ਹੈ ਤਾਂ ਇੱਕ ਪੀੜ੍ਹੀ ਵਿੱਚ ਇੱਕ ਵਾਰ ਹੋਣ ਵਾਲੇ ਮੌਕੇ ਪੈਦਾ ਹੋਣਗੇ।