ਮੈਲਬਰਨ: ਮਾਰਕ ਜ਼ੁਕਰਬਰਗ ਹਵਾਈ ’ਚ ਕਥਿਤ ਤੌਰ ‘ਤੇ 10 ਕਰੋੜ ਡਾਲਰ ਦਾ ਇੱਕ ਘਰ ਬਣਾ ਰਿਹਾ ਹੈ ਜਿਸ ਵਿੱਚ ਹੋਰਨਾਂ ਸਹੂਲਤਾਂ ਤੋਂ ਇਲਾਵਾ ਇੱਕ ਗੁਪਤ ਅੰਡਰਗਰਾਊਂਡ ਬੰਕਰ (Mark Zuckerberg’s Secret Underground Bunker) ਵੀ ਸ਼ਾਮਲ ਹੈ, ਜਿਸ ’ਚ ਬਾਹਰੀ ਭੋਜਨ ਅਤੇ ਊਰਜਾ ਸਰੋਤਾਂ ਦੀ ਜ਼ਰੂਰਤ ਨਹੀਂ ਪਵੇਗੀ, ਹਰ ਚੀਜ਼ ਦਾ ਪ੍ਰਬੰਧ ਬੰਕਰ ਦੇ ਅੰਦਰ ਹੀ ਹੋਵੇਗਾ।
ਮੈਟਾ ਦੇ ਇਸ ਅਰਬਪਤੀ CEO ਨੇ ਕਾਉਈ ਟਾਪੂ ’ਤੇ ਇੱਕ ਵੱਡੀ ਜ਼ਮੀਨ ਖਰੀਦੀ ਹੈ ਅਤੇ ਗੁਪਤ ਤਰੀਕੇ ਨਾਲ ਇੱਕ ਉਸਾਰੀ ਪ੍ਰਾਜੈਕਟ ਸ਼ੁਰੂ ਕਰ ਦਿੱਤਾ ਹੈ। ਪ੍ਰੋਜੈਕਟ ‘ਤੇ ਕੰਮ ਕਰਨ ਵਾਲੇ ਕਾਮਿਆਂ ਨੂੰ ਇਸ ਪ੍ਰਾਜੈਕਟ ਬਾਰੇ ਕਿਸੇ ਨੂੰ ਸੂਹ ਨਾ ਦੇਣ ਲਈ ਸਖਤ ਸਮਝੌਤਿਆਂ ‘ਤੇ ਦਸਤਖਤ ਕਰਵਾਏ ਗਏ ਹਨ। ਸ਼ਰਤਾਂ ਦੀ ਉਲੰਘਣਾ ਕਰਨ ਵਾਲਿਆਂ ਨੂੰ ਬਰਖਾਸਤ ਕਰ ਦਿੱਤਾ ਜਾਵੇਗਾ।
ਹਾਲਾਂਕਿ, ਵੇਰਵੇ ਫਿਰ ਵੀ ਲੀਕ ਹੋ ਗਏ ਹਨ, ਜਿਸ ਤੋਂ ਇਹ ਸੰਕੇਤ ਮਿਲਦਾ ਹੈ ਕਿ ਜ਼ੁਕਰਬਰਗ ਇੱਕ ਵਿਸ਼ਾਲ ਕੰਪਲੈਕਸ ਬਣਾ ਰਹੇ ਹਨ ਜੋ ਸਭਿਅਤਾ ਦੇ ਪਤਨ ਦੀ ਸੂਰਤ ਵਿੱਚ ਇੱਕ ਅਨਾਸ਼ਕਾਰੀ ਪਨਾਹ ਵਜੋਂ ਕੰਮ ਕਰ ਸਕਦਾ ਹੈ।
ਕੰਪਲੈਕਸ ਵਿੱਚ ਇੱਕ ਦਰਜਨ ਤੋਂ ਵੱਧ ਇਮਾਰਤਾਂ ਹਨ ਜਿਨ੍ਹਾਂ ਵਿੱਚ ਘੱਟੋ ਘੱਟ 30 ਬੈੱਡਰੂਮ ਅਤੇ 30 ਬਾਥਰੂਮ ਹਨ, ਜਿਸ ਵਿੱਚ ਦੋ ਹਵੇਲੀਆਂ ਵੀ ਸ਼ਾਮਲ ਹਨ ਜਿਨ੍ਹਾਂ ਦਾ ਕੁੱਲ ਫਰਸ਼ ਖੇਤਰ ਅਮਰੀਕੀ ਫੁੱਟਬਾਲ ਮੈਦਾਨ ਜਿੱਡਾ ਹੈ। ਕੰਪਲੈਕਸ ਵਿੱਚ ਇੱਕ ਉਦਯੋਗਿਕ ਆਕਾਰ ਦੀ ਰਸੋਈ, ਦਫਤਰ ਅਤੇ ਕਾਨਫਰੰਸ ਰੂਮ ਹਨ, ਜਦੋਂ ਕਿ ਨੇੜੇ ਦਾ ਜੰਗਲੀ ਖੇਤਰ ਜੇਮਜ਼ ਬਾਂਡ ਦੇ ਖਲਨਾਇਕ ਦੀ ਲਾਇਰ ਦੀ ਯਾਦ ਦਿਵਾਉਂਦਾ ਹੈ। ਜ਼ੁਕਰਬਰਗ ਅਤੇ ਉਨ੍ਹਾਂ ਦੇ ਮਹਿਮਾਨਾਂ ਨੂੰ ਰੁੱਖਾਂ ਦੀਆਂ ਚੋਟੀਆਂ ‘ਤੇ ਸਹੂਲਤ ਦੇਣ ਲਈ ਰੱਸੀ ਪੁਲਾਂ ਨਾਲ ਜੁੜੇ 11 ਡਿਸਕ ਆਕਾਰ ਦੇ ਟ੍ਰੀ ਹਾਊਸ ਬਣਾਉਣ ਦੀ ਯੋਜਨਾ ਹੈ।
ਸ਼ਾਇਦ ਸਭ ਤੋਂ ਹੈਰਾਨਕਰਨ ਵਾਲੀ ਗੱਲ ਇਹ ਹੈ ਕਿ ਬੰਕਰ ਹੀ ਹੈ। ਦੋਹਾਂ ਕੇਂਦਰੀ ਹਵੇਲੀਆਂ ਨੂੰ ਇਕ ਸੁਰੰਗ ਨਾਲ ਜੋੜਿਆ ਜਾਵੇਗਾ, ਜਿਸ ’ਚੋਂ 465 ਵਰਗ ਮੀਟਰ ਦੇ ਬੰਕਰ ਤੱਕ ਪਹੁੰਚਿਆ ਜਾ ਸਕਦਾ ਹੈ। ਇਸ ਵਿਚ ਰਹਿਣ ਦੀ ਜਗ੍ਹਾ, ਇਕ ਮਕੈਨੀਕਲ ਕਮਰਾ ਅਤੇ ਬਾਹਰ ਨਿਕਲਣ ਲਈ ਹੈਚ ਹੋਵੇਗਾ ਜਿਸ ਤੱਕ ਪੌੜੀ ਰਾਹੀਂ ਪਹੁੰਚਿਆ ਜਾ ਸਕਦਾ ਹੈ। ਸ਼ੈਲਟਰ ਦਾ ਦਰਵਾਜ਼ਾ ਧਾਤੂ ਦਾ ਬਣਾਇਆ ਜਾਵੇਗਾ ਅਤੇ ਕੰਕਰੀਟ ਨਾਲ ਭਰਿਆ ਜਾਵੇਗਾ, ਜੋ ਬੰਬ ਸ਼ੈਲਟਰਾਂ ਵਿਚ ਉਸਾਰੀ ਦਾ ਆਮ ਤਰੀਕਾ ਹੈ।
