ਮੈਲਬਰਨ: ਮਸ਼ਹੂਰ ਬਾਲੀਵੁੱਡ ਅਦਾਕਾਰ ਸ਼ਾਹਰੁਖ ਖ਼ਾਨ ਦੀ ਨਵੀਂ ਫ਼ਿਲਮ ‘ਡੰਕੀ’ ਦਾ ਰੀਵੀਊ (Dunki Movie Review) – Dunki, ਉਨ੍ਹਾਂ ਪ੍ਰਵਾਸੀਆਂ ਦੀ ਕਹਾਣੀ ਦੱਸਦੀ ਹੈ ਜੋ ਵਿਦੇਸ਼ਾਂ ਵਿਚ ਹਨ ਪਰ ਅਜੇ ਵੀ ਆਪਣੇ ਦੇਸ਼ ਨੂੰ ਪਿਆਰ ਕਰਦੇ ਹਨ। ਰਾਜਕੁਮਾਰ ਹਿਰਾਨੀ ਦੀ ਇਹ ਫਿਲਮ Dunki ਦੁਨੀਆ ਭਰ ਦੇ ਦਰਸ਼ਕਾਂ ਨੂੰ ਪਸੰਦ ਆਈ ਹੈ, ਖਾਸ ਕਰ ਕੇ ਲੰਡਨ, ਜਰਮਨੀ ਅਤੇ ਆਸਟ੍ਰੇਲੀਆ ਵਿੱਚ ਵਸਦੇ NRI ਨੂੰ। ਆਸਟ੍ਰੇਲੀਆ ਵਿੱਚ, ਫਿਲਮ ਨੇ ਦਰਸ਼ਕਾਂ ਦਾ ਦਿਲ ਜਿੱਤ ਲਿਆ ਜੋ ਹਾਸੇ ਨਾਲ ਭਰਪੂਰ ਹੈ, ਪਰ ਅਖ਼ੀਰ ’ਚ ਲੋਕਾਂ ਦੀਆਂ ਅੱਖਾਂ ਵੀ ਸੇਜਲ ਕਰ ਗਈ। ਉਨ੍ਹਾਂ ਨੇ ਫਿਲਮ ਦੇ ਸਕਾਰਾਤਮਕ ਮੋੜ ਦੀ ਸ਼ਲਾਘਾ ਕੀਤੀ।
ਲੰਡਨ ਦੇ ਦਰਸ਼ਕ ਖਾਸ ਤੌਰ ‘ਤੇ ਸ਼ਾਹਰੁਖ ਖਾਨ ਅਤੇ ਵਿੱਕੀ ਕੌਸ਼ਲ ਦੀ ਅਦਾਕਾਰੀ ਤੋਂ ਪ੍ਰਭਾਵਿਤ ਹੋਏ। ਲੰਡਨ ਵਾਸੀਆਂ ਨੇ ਉਨ੍ਹਾਂ ਨੂੰ ਭਾਵੁਕ ਕਰਨ ਲਈ ਫ਼ਿਲਮ ਨੂੰ ਉੱਚ ਰੇਟਿੰਗ ਦਿੱਤੀ। ਜਰਮਨੀ ‘ਚ ਵੀ ਸ਼ਾਹਰੁਖ ਖਾਨ ਦੇ ਪ੍ਰਸ਼ੰਸਕ ‘Dunki’ ਦੇਖਣ ਲਈ ਕਾਫੀ ਉਤਸ਼ਾਹਿਤ ਸਨ। ਫਿਲਮ ਨੂੰ ਦਰਸ਼ਕਾਂ ਦਾ ਜ਼ਬਰਦਸਤ ਪਿਆਰ ਮਿਲਿਆ ਹੈ ਅਤੇ ਪਹਿਲੇ ਦਿਨ ਦੇ ਪਹਿਲੇ ਸ਼ੋਅ ਲਈ ਦਰਸ਼ਕਾਂ ਨੇ ਸਿਨੇਮਾਘਰਾਂ ਵਿੱਚ ਕਤਾਰਾਂ ਲਾਈਆਂ ਹੋਈਆਂ ਸਨ। ਦਰਸ਼ਕ ‘ਵੀ ਲਵ ਯੂ ਸ਼ਾਹਰੁਖ’ ਦਾ ਨਾਅਰਾ ਲਾਉਂਦੇ ਅਤੇ ‘ਲੁੱਟ ਪੁੱਤ ਗਿਆ’ ਗਾਣੇ ‘ਤੇ ਨੱਚਦੇ ਨਜ਼ਰ ਆਏ।
ਕੁਲ ਮਿਲਾ ਕੇ ‘Dunki’ ਦੀ ਇਕ ਭਾਵਨਾਤਮਕ ਉਤਰਾਅ-ਚੜ੍ਹਾਅ ਨਾਲ ਭਰੀ ਅਤੇ ਇਕ ਮਾਸਟਰਪੀਸ ਦੇ ਤੌਰ ‘ਤੇ ਪ੍ਰਸ਼ੰਸਾ ਕੀਤੀ ਜਾ ਰਹੀ ਹੈ। ਇਸ ਨੇ ਦਰਸ਼ਕਾਂ ਨੂੰ ਹੱਸਣ ਅਤੇ ਰੋਣ, ਦੋਹਾਂ ਲਈ ਮਜ਼ਬੂਰ ਕਰ ਦਿੱਤਾ ਹੈ, ਅਤੇ ਇਸ ਨੂੰ ਸਾਲ ਲਈ ਸ਼ਾਹਰੁਖ ਖਾਨ ਦੀ ਹਿੱਟ ਫ਼ਿਲਮਾਂ ਦੀ ਹੈਟ੍ਰਿਕ ਕਿਹਾ ਜਾ ਰਿਹਾ ਹੈ।