ਮੈਲਬਰਨ : ਵੈਸਟਰਨ ਯੂਰੋਪ ਦੇ ਦੇਸ਼ Georgia ਦੇ Gudauri ’ਚ ਇਕ ਸਕੀ ਰਿਜ਼ਾਰਟ ’ਚ ਕਾਰਬਨ ਮੋਨੋਆਕਸਾਈਡ ਜ਼ਹਿਰੀਲੇਪਣ ਕਾਰਨ 11 ਭਾਰਤੀ ਨਾਗਰਿਕਾਂ ਅਤੇ ਇਕ ਜਾਰਜੀਆ ਦੇ ਨਾਗਰਿਕ ਸਮੇਤ 12 ਲੋਕਾਂ ਦੀ ਮੌਤ ਹੋ ਗਈ। ਇਹ ਘਟਨਾ ਇਕ ਭਾਰਤੀ ਰੈਸਟੋਰੈਂਟ ਦੇ ਉੱਪਰ ਸੌਣ ਵਾਲੀ ਥਾਂ ’ਤੇ ਵਾਪਰੀ, ਜਿੱਥੇ ਪੀੜਤਾਂ ਨੂੰ ਰੈਸਟੋਰੈਂਟ ਦੇ ਕਰਮਚਾਰੀ ਮੰਨਿਆ ਜਾਂਦਾ ਹੈ।
ਦਸਿਆ ਜਾ ਰਿਹਾ ਹੈ ਕਿ ਮਰਨ ਵਾਲਿਆਂ ’ਚੋਂ ਬਹੁਤੇ ਪੰਜਾਬੀ ਸਨ। ਮ੍ਰਿਤਕਾਂ ਵਿੱਚ ਪੰਜਾਬ ਦੇ ਸੁਨਾਮ ’ਚ ਰਹਿਣ ਵਾਲੇ ਰਵਿੰਦਰ ਸਿੰਘ ਅਤੇ ਉਨ੍ਹਾਂ ਦੀ ਪਤਨੀ ਗੁਰਵਿੰਦਰ ਕੌਰ ਤੋਂ ਇਲਾਵਾ ਖੰਨਾ ਦੇ ਰਹਿਣ ਵਾਲੇ ਸਮੀਰ ਕੁਮਾਰ ਵੀ ਸ਼ਾਮਲ ਹਨ। ਬਾਕੀਆਂ ਦੀ ਪਛਾਣ ਅਜੇ ਤਕ ਜਾਰੀ ਨਹੀਂ ਕੀਤੀ ਗਈ ਹੈ।
ਸ਼ੁਰੂਆਤੀ ਟੈਸਟਾਂ ਤੋਂ ਪਤਾ ਲੱਗਦਾ ਹੈ ਕਿ ਠੰਢ ਕਾਰਨ ਸੌਣ ਵਾਲੀ ਥਾਂ ਚਾਰੇ ਪਾਸਿਆਂ ਤੋਂ ਬੰਦ ਸੀ ਅਤੇ ਅੰਦਰ ਰੱਖਿਆ ਗਿਆ ਇੱਕ ਪਾਵਰ ਜਨਰੇਟਰ, ਜੋ ਕਿ ਬਿਜਲੀ ਬੰਦ ਹੋਣ ਤੋਂ ਬਾਅਦ ਚਾਲੂ ਹੋ ਗਿਆ ਸੀ, ਕਾਰਬਨ ਮੋਨੋਆਕਸਾਈਡ ਦੇ ਨਿਰਮਾਣ ਦਾ ਕਾਰਨ ਬਣਿਆ। Georgia ਦੇ ਅੰਦਰੂਨੀ ਮਾਮਲਿਆਂ ਦਾ ਮੰਤਰਾਲਾ ਇਸ ਘਟਨਾ ਦੀ ਜਾਂਚ ਲਾਪਰਵਾਹੀ ਨਾਲ ਕਤਲ ਦੇ ਸੰਭਾਵਿਤ ਮਾਮਲੇ ਵਜੋਂ ਕਰ ਰਿਹਾ ਹੈ।
