ਮੈਲਬਰਨ : ਇੰਡੀਆ ਦੀ ਮਹਿਲਾ ਕ੍ਰਿਕਟ ਟੀਮ ਨੇ ਆਸਟ੍ਰੇਲੀਆ ਖ਼ਿਲਾਫ਼ ਆਉਣ ਵਾਲੀ ਮਲਟੀ-ਫਾਰਮੈਟ ਸੀਰੀਜ਼ ਲਈ ਸਿਡਨੀ ’ਚ ਤਿਆਰੀਆਂ ਸ਼ੁਰੂ ਕਰ ਦਿੱਤੀਆਂ ਹਨ। ਕਪਤਾਨ ਹਰਮਨਪ੍ਰੀਤ ਕੌਰ ਦੀ ਅਗਵਾਈ ਹੇਠ ਟੀਮ 15 ਫ਼ਰਵਰੀ ਤੋਂ ਸ਼ੁਰੂ ਹੋਣ ਵਾਲੇ ਟੈਸਟ, ਤਿੰਨ ਵਨਡੇ ਅਤੇ ਤਿੰਨ ਟੀ-20 ਮੈਚ ਖੇਡੇਗੀ। ਨਵੇਂ ਸਟ੍ਰੈਂਥ ਐਂਡ ਕੰਡੀਸ਼ਨਿੰਗ ਕੋਚ ਨਿਕੋਲਸ ਲੀ ਨੇ ਆਪਣੀ ਪਹਿਲੀ ਸੈਸ਼ਨ ਦਾ ਵਿਸ਼ਲੇਸ਼ਣ ਕੀਤਾ ਅਤੇ ਖਿਡਾਰੀਆਂ ਦੀ ਉਤਸ਼ਾਹ ਭਰੀ ਊਰਜਾ ਦੀ ਤਾਰੀਫ਼ ਕੀਤੀ।
ਸ਼ੁਰੂਆਤੀ ਦਿਨਾਂ ’ਚ ਟੀਮ ਨੇ ਹਲਕੀਆਂ ਜਿਮ ਅਤੇ ਰਿਕਵਰੀ ਸੈਸ਼ਨਾਂ ਨਾਲ ਜੈਟ ਲੈਗ ਨੂੰ ਮੈਨੇਜ ਕੀਤਾ, ਪਰ ਹੁਣ high-intensity ਟ੍ਰੇਨਿੰਗ ਸ਼ੁਰੂ ਹੋ ਚੁੱਕੀ ਹੈ। ਲੀ ਨੇ ਖ਼ਾਸ ਤੌਰ ’ਤੇ ਜੇਮੀਮਾ ਰੋਡਰਿਗਜ਼ ਦੀ ਊਰਜਾ ਨੂੰ ਉਜਾਗਰ ਕੀਤਾ। ਕੋਚ ਨੇ ਜ਼ੋਰ ਦਿੱਤਾ ਕਿ ਖਿਡਾਰੀਆਂ ਨੂੰ ਤਾਕਤਵਰ ਟ੍ਰੇਨਿੰਗ ਦੇ ਨਾਲ-ਨਾਲ ਪੂਰੀ ਰਿਕਵਰੀ ਵੀ ਮਿਲੇ।
ਆਸਟ੍ਰੇਲੀਆ ਵੁਮੇਨਜ਼ ਦੁਨੀਆ ਦੀ ਸਭ ਤੋਂ ਮਜ਼ਬੂਤ ਟੀਮ ਮੰਨੀ ਜਾਂਦੀ ਹੈ, ਇਸ ਲਈ ਇਹ ਸੀਰੀਜ਼ ਭਾਰਤ ਲਈ ਵੱਡੀ ਚੁਣੌਤੀ ਹੋਵੇਗੀ। ਟੀਮ ਦਾ ਮਕਸਦ ਹੈ ਕਿ ਹਰ ਫਾਰਮੈਟ ’ਚ ਸ਼ਾਨਦਾਰ ਪ੍ਰਦਰਸ਼ਨ ਕਰ ਕੇ ਆਪਣੀ ਕਾਬਲੀਅਤ ਸਾਬਤ ਕਰੇ।
Related Posts:
