ਵੈਲਿੰਗਟਨ: ਹਥਿਆਰਬੰਦ ਲੁਟੇਰਿਆਂ ਨੇ ਨਿਊਜ਼ੀਲੈਂਡ ਦੇ ਆਕਲੈਂਡ ਸ਼ਹਿਰ ਵਿੱਚ ਇੱਕ ਭਾਰਤੀ ਰੈਸਟੋਰੈਂਟ ’ਤੇ ਧਾਵਾ ਬੋਲ ਕੇ (Indian restaurant raided) ਇੱਕ ਮੁਲਾਜ਼ਮ ਨੂੰ ਜ਼ਖਮੀ ਕਰ ਦਿੱਤਾ ਅਤੇ ਹੋਰਨਾਂ ਨੂੰ ਧਮਕੀਆਂ ਦੇਣ ਤੋਂ ਬਾਅਦ ਨਕਦੀ ਲੈ ਕੇ ਫਰਾਰ ਹੋ ਗਏ।
ਪਿਛਲੇ ਹਫਤੇ ਮਾਊਂਟ ਅਲਬਰਟ ਅਤੇ ਸੈਂਡਰਿੰਗਮ ਰੋਆ ਦੇ ਚੌਰਾਹੇ ’ਤੇ ਸਥਿਤ ਇੱਕ ਸ਼ਾਕਾਹਾਰੀ ਰੈਸਟੋਰੈਂਟ ਮਿਠਾਈਵਾਲਾ ਵਾਪਰੀ ਭਿਆਨਕ ਲੁੱਟ ਬਾਰੇ ਪੁਲਿਸ ਬੁਲਾਰੇ ਨੇ ਕਿਹਾ ਕਿ ਦੋ ਲੋਕ ਹਥਿਆਰਾਂ ਨਾਲ ਇਮਾਰਤ ਵਿੱਚ ਦਾਖਲ ਹੋਏ ਅਤੇ ਰੈਸਟੋਰੈਂਟ ਦੇ ਅੰਦਰ ਸਟਾਫ਼ ਮੈਂਬਰਾਂ ਨੂੰ ਧਮਕਾਇਆ। ਇੱਕ ਪੁਲਿਸ ਬੁਲਾਰੇ ਨੇ ਕਿਹਾ ਕਿ ਉਨ੍ਹਾਂ ਨੇ ‘ਗੱਡੀ ’ਚ ਭੱਜਣ ਤੋਂ ਪਹਿਲਾਂ ਵੱਡੀ ਮਾਤਰਾ ’ਚ ਨਕਦੀ’ ਲੁੱਟ ਲਈ। ਹਾਲਾਂਕਿ ਲੁਟੇਰਿਆਂ ਵੱਲੋਂ ਲੁੱਟੀ ਗਈ ਰਕਮ ਦਾ ਜ਼ਿਕਰ ਨਹੀਂ ਕੀਤਾ ਗਿਆ।
ਪੁਲਿਸ ਦੇ ਬੁਲਾਰੇ ਨੇ ਕਿਹਾ, ‘‘ਸ਼ੁਕਰ ਹੈ, ਉਨ੍ਹਾਂ ਸਟਾਫ਼ ਮੈਂਬਰਾਂ ਨੂੰ ਕੋਈ ਸੱਟ ਨਹੀਂ ਲੱਗੀ ਹੈ, ਹਾਲਾਂਕਿ ਉਹ ਸਦਮੇ ’ਚ ਹਨ, ਅਤੇ ਪੁਲਿਸ ਸਹਾਇਤਾ ਪ੍ਰਦਾਨ ਕਰ ਰਹੀ ਹੈ।’’
ਰੈਸਟੋਰੈਂਟ ਦੇ ਬਾਹਰ ਲਾਈਟਾਂ ਲਟਕਾਉਣ ਵਾਲਾ ਇੱਕ ਕਰਮਚਾਰੀ ਜ਼ਖਮੀ ਹੋ ਗਿਆ ਪਰ ਉਹ ਗੰਭੀਰ ਨਹੀਂ ਸੀ। ਉਸ ਦੀ ਪਿੱਠ ਵਿੱਚ ਥੋੜ੍ਹੀ ਸੱਟ ਲੱਗੀ ਹੈ। ਉਸਨੇ ਕਿਹਾ ਕਿ ਤਿੰਨ ਵਿਅਕਤੀਆਂ ਨੇ ਸਟੋਰ ਦੇ ਪਿਛਲੇ ਹਿੱਸੇ ਵਿੱਚ ਦਾਖਲ ਹੋਣ ਦੀ ਕੋਸ਼ਿਸ਼ ਕੀਤੀ ਅਤੇ ਇਸ ਦੌਰਾਨ ਉਸ ਦੀ ਪਿੱਠ ’ਤੇ ਵਾਰ ਕੀਤਾ ਅਤੇ ਉਸ ਨੂੰ ਜ਼ਖਮੀ ਕਰ ਦਿੱਤਾ।
ਪਹਿਲਾਂ ਵੀ ਵਾਪਰ ਚੁਕੀਆਂ ਹਨ ਭਾਰਤੀਆਂ ਨਾਲ ਲੁੱਟ ਦੀਆਂ ਘਟਨਾਵਾਂ
ਇਸ ਤੋਂ ਪਿਛਲੇ ਹਫ਼ਤੇ ਹੀ ਇੱਕ 18 ਸਾਲ ਦੇ ਨੌਜਵਾਨ ਨੂੰ ਹੈਮਿਲਟਨ ਵਿੱਚ ਇੱਕ ਡੇਅਰੀ ਸਟੋਰ ਦੇ ਮਾਲਕ ਨਿਤਿਨ ਪਟੇਲ ਨੂੰ ਲੁੱਟਣ ਅਤੇ ਹਮਲਾ ਕਰਨ ਵਿੱਚ ਉਸ ਦੀ ਭੂਮਿਕਾ ਲਈ ਤਿੰਨ ਸਾਲ ਤੋਂ ਵੱਧ ਦੀ ਸਜ਼ਾ ਸੁਣਾਈ ਗਈ ਸੀ। ਨਿਤਿਨ ਪਟੇਲ ਦੀ ਲੱਤ ਵਿੱਚ ਸਥਾਈ ਸੱਟ ਲੱਗ ਗਈ ਸੀ।
More Read
2022 ਵਿੱਚ ਸੈਂਡਰਿੰਗਮ ਵਿੱਚ ਲੁਟੇਰਿਆਂ ਵੱਲੋਂ 34 ਸਾਲ ਦੇ ਭਾਰਤੀ ਡੇਅਰੀ ਵਰਕਰ ਜਨਕ ਪਟੇਲ ਦਾ ਬੇਰਹਿਮੀ ਨਾਲ ਚਾਕੂ ਮਾਰ ਕੇ ਕਤਲ ਕਰਨ ਤੋਂ ਬਾਅਦ ਨਿਊਜ਼ੀਲੈਂਡ ’ਚ ਅਪਰਾਧ ਅਤੇ ਲੁੱਟ-ਖੋਹ ਦੀਆਂ ਘਟਨਾਵਾਂ ਲਗਾਤਾਰ ਜਾਰੀ ਹਨ। ਇਸ ਸਾਲ ਜੂਨ ਵਿੱਚ, ਡੇਅਰੀ ਸਟੋਰ ਮਾਲਕਾਂ ਦੇ ਇੱਕ ਸਮੂਹ, ਜ਼ਿਆਦਾਤਰ ਭਾਰਤੀ ਮੂਲ ਦੇ, ਨੇ ਨਿਊਜ਼ੀਲੈਂਡ ਦੀ ਸੰਸਦ ਵਿੱਚ 34,000 ਲੋਕਾਂ ਦੇ ਦਸਤਖਤ ਵਾਲੀ ਇੱਕ ਪਟੀਸ਼ਨ ਪੇਸ਼ ਕੀਤੀ, ਜਿਸ ਵਿੱਚ ਸਰਕਾਰੀ ਕਾਰਵਾਈ ਦੀ ਮੰਗ ਕੀਤੀ ਗਈ।
ਪਟੀਸ਼ਨਰਾਂ ਨੇ ਸਰਕਾਰ ਨੂੰ ਸੜਕਾਂ ’ਤੇ ਵਧੇਰੇ ਪੁਲਿਸ ਮੌਜੂਦਗੀ, ਨੌਜਵਾਨਾਂ ਦੇ ਅਪਰਾਧੀਆਂ ਦੇ ਮਾਪਿਆਂ ਲਈ ਕਾਨੂੰਨੀ ਸਜ਼ਾਵਾਂ ਅਤੇ ਅਪਰਾਧ ਕਰਨ ਵਾਲੇ ਨੌਜਵਾਨਾਂ ਲਈ ਸਖ਼ਤ ਸਜ਼ਾਵਾਂ ਦੇ ਨਾਲ ਅਪਰਾਧ ’ਤੇ ਸਖ਼ਤ ਰੁਖ ਅਪਣਾਉਣ ਦੀ ਮੰਗ ਕੀਤੀ ਹੈ।
