ਮੈਲਬਰਨ : ਆਸਟ੍ਰੇਲੀਆ ਵਿੱਚ ਦੰਦਾਂ ਦੀ ਸਿਹਤ ਗਰੀਬੀ ਅਤੇ ਅਮੀਰੀ ਦੇ ਵਿਚਕਾਰ ਵੱਧ ਰਹੇ ਫਰਕ ਦੀ ਸਭ ਤੋਂ ਸਪਸ਼ਟ ਨਿਸ਼ਾਨੀ ਬਣ ਗਈ ਹੈ। ਖਰਾਬ ਦੰਦ ਨਾ ਸਿਰਫ਼ ਸਰੀਰਕ ਦਰਦ ਪੈਦਾ ਕਰਦੇ ਹਨ, ਸਗੋਂ ਲੋਕਾਂ ਨੂੰ ਸ਼ਰਮ, ਹਾਸੇ ਅਤੇ ਰੋਜ਼ਗਾਰ ਦੇ ਮੌਕਿਆਂ ਤੋਂ ਵੀ ਵਾਂਝਾ ਕਰਦੇ ਹਨ।
1970 ਦੇ ਦਹਾਕੇ ਵਿੱਚ ਜਦੋਂ ਆਸਟ੍ਰੇਲੀਆ ’ਚ MEDICARE ਬਣਾਇਆ ਗਿਆ ਸੀ, ਉਸ ਵਿੱਚ ਦੰਦਾਂ ਦੀ ਸਿਹਤ ਨੂੰ ਸ਼ਾਮਲ ਨਹੀਂ ਕੀਤਾ ਗਿਆ। ਇਸ ਕਾਰਨ ਅੱਜ ਵੀ ਅਮੀਰ ਲੋਕ ਆਸਾਨੀ ਨਾਲ ਇਲਾਜ ਕਰਵਾ ਲੈਂਦੇ ਹਨ, ਪਰ ਗਰੀਬ ਲੋਕਾਂ ਲਈ ਇਹ ਸਹੂਲਤ ਦੀ ਪਹੁੰਚ ਤੋਂ ਬਾਹਰ ਹੈ। 2014 ਤੋਂ ਬਾਅਦ ਬੱਚਿਆਂ ਲਈ ਕੁਝ ਮੁਫ਼ਤ ਦੰਦਾਂ ਦੀ ਸਰਵਿਸ ਉਪਲਬਧ ਹੈ, ਪਰ ਵੱਡਿਆਂ ਨੂੰ ਲੰਬੀਆਂ ਲਾਈਨਾਂ ਅਤੇ ਮਹਿੰਗੇ ਖਰਚੇ ਦਾ ਸਾਹਮਣਾ ਕਰਨਾ ਪੈਂਦਾ ਹੈ।
Grattan Institute ਦੀ ਰਿਪੋਰਟ ਦੱਸਦੀ ਹੈ ਕਿ ਸਰਕਾਰੀ ਦੰਦਾਂ ਦੀ ਸਰਵਿਸ ਬਹੁਤ ਘੱਟ ਫੰਡ ਨਾਲ ਚੱਲ ਰਹੀ ਹੈ ਅਤੇ ਲੱਖਾਂ ਲੋਕ ਇਲਾਜ ਤੋਂ ਵਾਂਝੇ ਰਹਿੰਦੇ ਹਨ। ਕਈ ਲੋਕਾਂ ਦੀਆਂ ਨਿੱਜੀ ਕਹਾਣੀਆਂ, ਜਿਵੇਂ ਕਿ ਲਿੰਡਾ ਤਿਰਾਡੋ ਦੀ, ਇਹ ਦਰਸਾਉਂਦੀਆਂ ਹਨ ਕਿ ਦੰਦਾਂ ਦੀ ਸਿਹਤ ਗਰੀਬੀ ਦੇ ਦਰਦ ਅਤੇ ਸਮਾਜਕ ਅਸਮਾਨਤਾ ਨੂੰ ਹੋਰ ਵੱਧ ਖੋਲ੍ਹ ਕੇ ਸਾਹਮਣੇ ਲਿਆਉਂਦੀ ਹੈ।
ਚੋਣਾਂ ਦੇ ਸਮੇਂ ਦੰਦਾਂ ਦੀ ਸਿਹਤ ਨੂੰ MEDICARE ਵਿੱਚ ਸ਼ਾਮਲ ਕਰਨ ਦੀ ਮੰਗ ਵਧ ਰਹੀ ਹੈ। ਇਹ ਮਾਮਲਾ ਸਿਰਫ਼ ਸਿਹਤ ਨਹੀਂ, ਸਗੋਂ ਸਮਾਜਕ ਨਿਆਂ ਅਤੇ ਬਰਾਬਰੀ ਦਾ ਸਵਾਲ ਬਣ ਗਿਆ ਹੈ। ਮਤਲਬ ਦੰਦਾਂ ਦੀ ਸਿਹਤ ਨੂੰ ਨਜ਼ਰਅੰਦਾਜ਼ ਕਰਨਾ, ਗਰੀਬੀ ਨੂੰ ਹੋਰ ਗਹਿਰਾ ਕਰਨਾ ਹੈ।
