ਮੈਲਬਰਨ: ਰਾਇਲ ਆਸਟ੍ਰੇਲੀਅਨ ਮਿੰਟ (ਟਕਸਾਲ) ਮਹਾਰਾਣੀ ਐਲਿਜ਼ਾਬੈਥ II ਦੀ ਯਾਦ ’ਚ 50 ਸੈਂਟ ਦਾ ਸਿੱਕਾ (New Queen commemorative coin) ਜਾਰੀ ਕਰਨ ਜਾ ਰਹੀ ਹੈ। ਇਸ ਸਿੱਕੇ ਵਿੱਚ ਉਹ ਸਾਰੀਆਂ 6 ਤਸਵੀਰਾਂ ਹੋਣਗੀਆਂ ਜੋ ਉਸ ਦੇ ਸ਼ਾਸਨ ਦੌਰਾਨ ਆਸਟ੍ਰੇਲੀਆਈ ਸਿੱਕਿਆਂ ’ਤੇ ਪ੍ਰਦਰਸ਼ਿਤ ਕੀਤੀਆਂ ਗਈਆਂ ਸਨ।
ਸਿੱਕਾ ਵਿਕਰੀ ਲਈ ਵੀਰਵਾਰ ਨੂੰ ਜਾਰੀ ਕੀਤਾ ਜਾਵੇਗਾ। ਸਿੱਕੇ ਦੇ ਦੋ ਸੰਸਕਰਣ ਉਪਲਬਧ ਹੋਣਗੇ – 15 ਡਾਲਰ ’ਚ ਇੱਕ ਗੈਰ-ਸਰਕੂਲੇਟਿਡ ਸੰਸਕਰਣ ਅਤੇ 135 ਡਾਲਰ ’ਚ ਸਿਲਵਰ ਪਰੂਫ ਐਡੀਸ਼ਨ।
ਸੰਗ੍ਰਹਿਕਰਤਾਵਾਂ ਵੱਲੋਂ ਸਿੱਕਿਆਂ ਦੀ ਬਹੁਤ ਜ਼ਿਆਦਾ ਮੰਗ ਕੀਤੇ ਜਾਣ ਦੀ ਉਮੀਦ ਹੈ, ਕੁਝ ਪਹਿਲਾਂ ਹੀ ਕੀਮਤ ਤੋਂ ਸੱਤ ਗੁਣਾ ਵੱਧ ’ਤੇ ਔਨਲਾਈਨ ਬਾਜ਼ਾਰਾਂ ’ਚ ਵੇਚੇ ਜਾ ਰਹੇ ਹਨ। ਟਕਸਾਲ ਨੇ ਮੰਗ ਦਾ ਪ੍ਰਬੰਧਨ ਕਰਨ ਲਈ ਇੱਕ ਪ੍ਰਤੀ ਵਿਅਕਤੀ ਅਲਾਟਮੈਂਟ ਨੂੰ ਸੀਮਤ ਕਰ ਦਿੱਤਾ ਹੈ।
ਸਿੱਕੇ ਕੈਨਬਰਾ ਵਿੱਚ ਰਾਇਲ ਆਸਟ੍ਰੇਲੀਅਨ ਟਕਸਾਲ ਵਿੱਚ, ਟਕਸਾਲ ਦੇ ਸੰਪਰਕ ਕੇਂਦਰ ਰਾਹੀਂ, ਜਾਂ ਟਕਸਾਲ ਦੇ ਅਧਿਕਾਰਤ ਵਿਤਰਕਾਂ ਜ਼ਰੀਏ ਵਿਕਰੀ ਲਈ ਉਪਲਬਧ ਹੋਣਗੇ।