ਚਿੱਲੀ ਮੂਲ ਦੀ ਏਜਡ ਕੇਅਰ ਵਰਕਰ ਨੇ ਆਸਟ੍ਰੇਲੀਆ ਨੂੰ ਦੱਸਿਆ ‘ਨਾਕਸ਼ੁਕਰਾ ਦੇਸ਼’
ਮੈਲਬਰਨ : ਪਰਥ ਵਾਸੀ ਏਜਡ ਕੇਅਰ ਵਰਕਰ Liz Armijo ਨੂੰ ਆਪਣੀ ਵੀਜ਼ਾ ਅਰਜ਼ੀ ਵਿਚ ਸਿਰਫ਼ ਇੱਕ ਸ਼ਬਦ ਦੀ ਤਕਨੀਕੀ ਗਲਤੀ ਕਾਰਨ ਆਸਟ੍ਰੇਲੀਆ ਵਿਚ ਨੌਂ ਸਾਲ ਰਹਿਣ ਤੋਂ ਬਾਅਦ ਦੇਸ਼ ਨਿਕਾਲੇ ਦਾ ਸਾਹਮਣਾ ਕਰ ਰਹੀ ਹੈ।
ਚਿੱਲੀ ਮੂਲ ਦੀ Liz Armijo ਦੀ ਅਰਜ਼ੀ ਸਕਿੱਲਡ ਮਾਈਗਰੈਂਟ ਪਰਮਾਨੈਂਟ ਵੀਜ਼ਾ ਦੀਆਂ ਜ਼ਰੂਰਤਾਂ ਨੂੰ ਪੂਰਾ ਕਰਨ ਦੇ ਬਾਵਜੂਦ ਰੱਦ ਕਰ ਦਿੱਤੀ ਗਈ ਸੀ ਕਿਉਂਕਿ ਉਸ ਨੇ ਗਲਤੀ ਨਾਲ ਆਪਣੀ ਮਾਸਟਰ ਡਿਗਰੀ ਨੂੰ ‘ਕੋਰਸਵਰਕ’ ਦੀ ਬਜਾਏ ‘ਖੋਜ’ ਵਜੋਂ ਵਰਣਨ ਕੀਤਾ ਸੀ, ਜਿਸ ਦੇ ਨਤੀਜੇ ਵਜੋਂ ਉਸ ਦੇ 10-ਪੁਆਇੰਟ ਘੱਟ ਕਰ ਦਿੱਤੇ ਗਏ।
Armijo ਮਹਾਂਮਾਰੀ ਸਮੇਤ ਪੰਜ ਸਾਲਾਂ ਤੋਂ Regis Aged Care ਲਈ ਕੰਮ ਕਰ ਰਹੀ ਸੀ, ਅਤੇ ਉਸ ਨੇ ਆਪਣੀ ਸਿੱਖਿਆ ਅਤੇ ਵੀਜ਼ਾ ਅਰਜ਼ੀਆਂ ’ਤੇ ਲਗਭਗ 80,000 ਡਾਲਰ ਖਰਚ ਕੀਤੇ ਸਨ। ਉਹ ਮਹਿਸੂਸ ਕਰਦੀ ਹੈ ਕਿ ਆਸਟ੍ਰੇਲੀਆ ‘ਨਾਸ਼ੁਕਰਾ ਦੇਸ਼’ ਬਣ ਰਿਹਾ ਹੈ ਅਤੇ ਬੜੀ ਲਾਪਰਵਾਹੀ ਨਾਲ ਆਪਣੇ ਵਰਗੇ ਹੁਨਰਮੰਦ ਪ੍ਰਵਾਸੀਆਂ ਨੂੰ ਬਾਹਰ ਕੱਢ ਰਿਹਾ ਹੈ।
ਇਹ ਸਥਿਤੀ ਆਸਟ੍ਰੇਲੀਆ ਵਿੱਚ ਪ੍ਰਵਾਸੀ ਕਾਮਿਆਂ ਨੂੰ ਦਰਪੇਸ਼ ਚੁਣੌਤੀਆਂ ਨੂੰ ਉਜਾਗਰ ਕਰਦੀ ਹੈ, ਖਾਸ ਕਰਕੇ ਬਜ਼ੁਰਗਾਂ ਦੀ ਦੇਖਭਾਲ ਦੇ ਖੇਤਰ ਵਿੱਚ, ਜੋ ਹੁਨਰ ਦੀ ਗੰਭੀਰ ਕਮੀ ਦਾ ਸਾਹਮਣਾ ਕਰ ਰਿਹਾ ਹੈ।
Related Posts:
