ਮੈਲਬਰਨ : ਇੱਕ ਵੱਡੇ ਪੈਮਾਨੇ ਦੇ ਅੰਤਰਰਾਸ਼ਟਰੀ ਅਧਿਐਨ ਵਿੱਚ ਹਾਰਮੋਨਲ ਇੰਟਰਯੂਟਰਾਈਨ ਡਿਵਾਈਸਾਂ (IUD), ਜਿਸ ਨੂੰ ਆਮ ਤੌਰ ’ਤੇ ‘ਕਾਪਰ ਟੀ’ ਵਜੋਂ ਵੀ ਜਾਣਿਆ ਜਾਂਦਾ ਹੈ, ਔਰਤਾਂ ’ਚ ਕੈਂਸਰ ਹੋਣ ਦਾ ਖ਼ਤਰਾ ਵਧਾ ਸਕਦੀ ਹੈ। ਇਸ ਦਾ ਪ੍ਰਯੋਗ ਗਰਭਧਾਰਨ ਤੋਂ ਰੋਕਣ ਲਈ ਕੀਤਾ ਜਾਂਦਾ ਹੈ। ਆਸਟ੍ਰੇਲੀਆ ’ਚ ਅਰ 8 ’ਚੋਂ 1 ਔਰਤ ਇਸ ਇਸ ਦਾ ਪ੍ਰਯੋਗ ਕਰਦੀ ਹੈ। ਨਵੇਂ ਅਧਿਐਨ ’ਚ IUD ਦੇ ਪ੍ਰਯੋਗ ਅਤੇ ਛਾਤੀ ਦੇ ਕੈਂਸਰ ਦੇ ਵਧੇ ਹੋਏ ਖਤਰੇ ਵਿਚਕਾਰ ਇੱਕ ਸਬੰਧ ਪਾਇਆ ਗਿਆ ਹੈ। ਖੋਜਕਰਤਾਵਾਂ ਨੇ 15-49 ਸਾਲ ਦੀ ਉਮਰ ਦੀਆਂ 156,000 ਤੋਂ ਵੱਧ ਔਰਤਾਂ ‘ਤੇ ਔਸਤਨ 6.8 ਸਾਲ ਤੱਕ ਨਜ਼ਰ ਰੱਖੀ।
ਅਧਿਐਨ ’ਚ ਪਾਇਆ ਗਿਆ ਹੈ ਕਿ 5 ਸਾਲ ਤੋਂ ਘੱਟ ਉਮਰ ਦੇ IUD ਉਪਭੋਗਤਾਵਾਂ ਲਈ ਛਾਤੀ ਦੇ ਕੈਂਸਰ ਦਾ ਖਤਰਾ 30٪ ਵੱਧ ਜਾਂਦਾ ਹੈ। IUD ਦੀ ਵਰਤੋਂ ਦੇ 5-10 ਸਾਲਾਂ ਲਈ ਜੋਖਮ 40٪ ਵਧਿਆ ਅਤੇ 10-15 ਸਾਲਾਂ ਲਈ ਵਰਤੋਂ ’ਤੇ ਜੋਖਮ ’ਚ 80٪ ਵਾਧਾ ਹੋਇਆ। ਹਾਲਾਂਕਿ ਸਮੁੱਚਾ ਜੋਖਮ ਘੱਟ ਹੈ, ਪਰ ਮਾਹਰ ਗਰਭ ਨਿਰੋਧਕ ਵਿਕਲਪਾਂ ’ਤੇ ਵਿਚਾਰ ਕਰਦੇ ਸਮੇਂ ਔਰਤਾਂ ਨੂੰ ਬਿਹਤਰ ਜਾਣਕਾਰੀ ਰੱਖਣ ਦੀ ਮਹੱਤਤਾ ’ਤੇ ਜ਼ੋਰ ਦਿੰਦੇ ਹਨ, ਇਹ ਨੋਟ ਕਰਦੇ ਹੋਏ ਕਿ ਜੋਖਮ ਗਰਭ ਨਿਰੋਧਕ ਗੋਲੀ ਦੀ ਵਰਤੋਂ ਨਾਲ ਜੁੜੇ ਜੋਖਮ ਨਾਲ ਤੁਲਨਾਤਮਕ ਹੈ।