ਮੈਲਬਰਨ : ਨਿਊ ਸਾਊਥ ਵੇਲਜ਼ (NSW) ’ਚ ਇਸ ਸਾਲ ਦੀ ਸ਼ੁਰੂਆਤ ਵਿਚ ਸ਼ੁਰੂ ਕੀਤੀ ਗਈ ਸਰਕਾਰ ਦੀ toll cap scheme ਹੇਠ ਡਰਾਈਵਰਾਂ ਨੂੰ ਹੁਣ ਤਕ 39 ਮਿਲੀਅਨ ਡਾਲਰ ਵਾਪਸ ਕਰ ਦਿੱਤੇ ਗਏ ਹਨ ਪਰ ਅਜੇ ਵੀ ਬਹੁਤ ਸਾਰੇ ਡਰਾਈਵਰ ਅਜਿਹੇ ਹਨ ਜਿਨ੍ਹਾਂ ਨੇ ਇਸ ਯੋਜਨਾ ਦਾ ਲਾਭ ਨਹੀਂ ਲਿਆ ਹੈ। ਡਰਾਈਵਰਾਂ ਵੱਲੋਂ ਟੋਲ ਛੋਟ ਦੇ ਲਗਭਗ 80 ਮਿਲੀਅਨ ਡਾਲਰ ਦਾ ਦਾਅਵਾ ਨਹੀਂ ਕੀਤਾ ਗਿਆ ਹੈ। ਕਈ ਡਰਾਈਵਰਾਂ ਨੂੰ ਤਾਂ ਹਜ਼ਾਰਾਂ ਡਾਲਰ ਵਾਪਸ ਮਿਲਣੇ ਹਨ। ਟੋਲ ਛੋਟ ਬਦੌਲਤ Auburn ਵਿਚ ਡਰਾਈਵਰਾਂ ਨੂੰ 554 ਡਾਲਰ ਦੀ ਸਭ ਤੋਂ ਵੱਡੀ ਔਸਤ ਟੋਲ ਰਾਹਤ ਮਿਲੀ ਹੈ। ਸਿਡਨੀ ਵਿੱਚ ਲਗਭਗ 350,000 ਯੋਗ ਡਰਾਈਵਰ ਆਪਣੇ ਟੋਲ ਰੋਡ ਖਰਚਿਆਂ ਨੂੰ ਵਾਪਸ ਲੈਣ ਦੇ ਯੋਗ ਹਨ।
ਜੋ ਡਰਾਈਵਰ ਪ੍ਰਤੀ ਹਫਤੇ 60 ਡਾਲਰ ਅਤੇ 400 ਡਾਲਰ ਦੇ ਵਿਚਕਾਰ ਖਰਚ ਕਰਦੇ ਹਨ ਉਹ ਪੂਰੇ ਰਿਫੰਡ ਦਾ ਦਾਅਵਾ ਕਰ ਸਕਦੇ ਹਨ, ਜਦੋਂ ਕਿ ਜੋ 400 ਡਾਲਰ ਤੋਂ ਵੱਧ ਖਰਚ ਕਰਦੇ ਹਨ ਉਹ ਅੰਸ਼ਕ ਰਿਫੰਡ ਪ੍ਰਾਪਤ ਕਰ ਸਕਦੇ ਹਨ। ਦਾਅਵੇ ਤਿਮਾਹੀ ਤੌਰ ’ਤੇ ਕੀਤੇ ਜਾ ਸਕਦੇ ਹਨ, 6,000 ਤੋਂ ਵੱਧ ਅਕਸਰ ਟੋਲ ਰੋਡ ਉਪਭੋਗਤਾ ਇਸ ਸਾਲ ਔਸਤਨ 4,000 ਡਾਲਰ ਦਾ ਦਾਅਵਾ ਕਰ ਸਕਦੇ ਹਨ। ਡਰਾਈਵਰਾਂ ਕੋਲ ਆਪਣੀ ਟੋਲ ਛੋਟ ਦਾ ਦਾਅਵਾ ਕਰਨ ਲਈ 30 ਜੂਨ, 2025 ਤੱਕ ਦਾ ਸਮਾਂ ਹੈ, ਜਿਸ ਵਿੱਚ ਹਰੇਕ ਟੈਗ ਜਾਂ ਲਾਇਸੈਂਸ ਪਲੇਟ ਲਈ ਪ੍ਰਤੀ ਹਫਤੇ 340 ਡਾਲਰ ਤੱਕ ਦਾ ਦਾਅਵਾ ਕੀਤਾ ਜਾ ਸਕਦਾ ਹੈ।
