ਮੈਲਬਰਨ : ਆਸਟ੍ਰੇਲੀਅਨ ਹਿਊਮਨ ਰਾਈਟਸ ਕਮਿਸ਼ਨ (AHRC) ਦੀ ਨਵੀਂ ਰਿਪੋਰਟ ਨੇ ਖੁਲਾਸਾ ਕੀਤਾ ਹੈ ਕਿ ਯੂਨੀਵਰਸਿਟੀਆਂ ਵਿੱਚ ਨਸਲਵਾਦ ਗਹਿਰਾਈ ਨਾਲ ਵਿਆਪਕ ਹੈ। ਲਗਭਗ 70% ਸਟੂਡੈਂਟ ਅਤੇ ਸਟਾਫ਼ ਨੇ ਨਸਲਵਾਦ ਦਾ ਤਜਰਬਾ ਕੀਤਾ ਹੈ, ਜਿਸ ਵਿੱਚ 69% ਨੇ ਅਸਿੱਧਾ ਅਤੇ 14.9% ਨੇ ਸਿੱਧਾ ਨਸਲਵਾਦ ਦਾ ਸਾਹਮਣਾ ਕੀਤਾ। ਸਭ ਤੋਂ ਵੱਧ ਪ੍ਰਭਾਵਿਤ ਸਮੂਹਾਂ ਵਿੱਚ ਫ਼ਲਸਤੀਨੀ (90%), ਯਹੂਦੀ (89%), ਮੂਲਵਾਸੀ ਅਤੇ ਟੋਰਸ ਸਟ੍ਰੇਟ ਆਈਲੈਂਡਰ (81%) ਅਤੇ ਇੰਟਰਨੈਸ਼ਨਲ ਸਟੂਡੈਂਟਸ (75%) ਸ਼ਾਮਲ ਹਨ।
ਰਿਪੋਰਟ ਦੱਸਦੀ ਹੈ ਕਿ ਸਟੂਡੈਂਟਸ ਨੂੰ ਕਲਾਸਰੂਮ ਅਤੇ ਟਿਊਟੋਰਿਅਲਾਂ ਵਿੱਚ ਨਸਲਵਾਦ ਦਾ ਸਾਹਮਣਾ ਕਰਨਾ ਪੈਂਦਾ ਹੈ, ਜਦਕਿ ਸਟਾਫ਼ ਨੂੰ ਸਾਂਝੇ ਸਥਾਨਾਂ ਵਿੱਚ। ਸਿਰਫ਼ 6% ਲੋਕਾਂ ਨੇ ਘਟਨਾਵਾਂ ਦੀ ਰਿਪੋਰਟ ਕੀਤੀ, ਕਿਉਂਕਿ ਬਹੁਤਿਆਂ ਨੂੰ ਡਰ ਸੀ ਕਿ ਕੋਈ ਕਾਰਵਾਈ ਨਹੀਂ ਹੋਵੇਗੀ ਜਾਂ ਉਨ੍ਹਾਂ ਨੂੰ ਨੁਕਸਾਨ ਪਹੁੰਚੇਗਾ।
ਰੇਸ ਡਿਸਕ੍ਰਿਮਿਨੇਸ਼ਨ ਕਮਿਸ਼ਨਰ ਗਿਰਿਧਰਣ ਸਿਵਾਰਾਮਨ ਨੇ ਨਤੀਜਿਆਂ ਨੂੰ “ਦਿਲ ਦਹਿਲਾ ਦੇਣ ਵਾਲੇ” ਕਿਹਾ, ਜਦਕਿ ਫੈਡਰਲ ਐਜੂਕੇਸ਼ਨ ਮੰਤਰੀ Jason Clare ਨੇ ਯੂਨੀਵਰਸਿਟੀਆਂ ਨੂੰ ਸੁਰੱਖਿਅਤ ਅਤੇ ਨਸਲਵਾਦ-ਮੁਕਤ ਬਣਾਉਣ ਦੀ ਲੋੜ ’ਤੇ ਜ਼ੋਰ ਦਿੱਤਾ।
