ਆਕਲੈਂਡ: ਨਿਊਜ਼ੀਲੈਂਡ ਦੇ ਪ੍ਰਾਪਰਟੀ ਬਾਜ਼ਾਰ ਵਿੱਚ ਇੱਕ ਵੱਡਾ ਉਲਟਫੇਰ ਵੇਖਣ ਨੂੰ ਮਿਲਿਆ ਹੈ। ਤਾਜ਼ਾ ਰਿਪੋਰਟਾਂ ਅਨੁਸਾਰ, ਸਾਊਥ ਆਈਲੈਂਡ ਦਾ ਖੂਬਸੂਰਤ ਸਬਅਰਬ Arrowtown ਹੁਣ ਦੇਸ਼ ਦਾ ਸਭ ਤੋਂ ਮਹਿੰਗਾ ਰਿਹਾਇਸ਼ੀ ਇਲਾਕਾ ਬਣ ਗਿਆ ਹੈ। ਇੱਥੇ ਘਰਾਂ ਦੀ ਔਸਤ ਮੰਗ ਕੀਮਤ 3 ਮਿਲੀਅਨ ਡਾਲਰ ਨੂੰ ਪਾਰ ਕਰ ਗਈ ਹੈ, ਜੋ ਕਿ ਇੱਕ ਨਵਾਂ ਰਿਕਾਰਡ ਹੈ।
ਪਹਿਲਾਂ ਆਕਲੈਂਡ ਦੇ ਇਲਾਕੇ ਜਿਵੇਂ ਕਿ Remuera ਅਤੇ Parnell ਸੂਚੀ ਵਿੱਚ ਸਿਖਰ ‘ਤੇ ਹੁੰਦੇ ਸਨ, ਪਰ ਹੁਣ ਅਮੀਰ ਖਰੀਦਦਾਰਾਂ ਦੀ ਪਸੰਦ ਬਦਲ ਰਹੀ ਹੈ। Parnell ਦੂਜੇ ਅਤੇ Westmere ਤੀਜੇ ਸਥਾਨ ‘ਤੇ ਹਨ। ਮਾਹਰਾਂ ਦਾ ਕਹਿਣਾ ਹੈ ਕਿ ਲੋਕ ਹੁਣ ਭੀੜ-ਭੜੱਕੇ ਵਾਲੇ ਸ਼ਹਿਰਾਂ ਦੀ ਬਜਾਏ ਕੁਦਰਤੀ ਨਜ਼ਾਰਿਆਂ ਅਤੇ ਸ਼ਾਂਤ ਜੀਵਨ ਸ਼ੈਲੀ ਵਾਲੇ ਇਲਾਕਿਆਂ ਨੂੰ ਪਹਿਲ ਦੇ ਰਹੇ ਹਨ।
ਜਨਵਰੀ-ਮਾਰਚ 2026 ਦੌਰਾਨ ਨਿਊਜ਼ੀਲੈਂਡ ਦੇ ਸਭ ਤੋਂ ਮਹਿੰਗੇ ਸਬਅਰਬ
|
Suburb |
Property Price Index |
| 1. Arrowtown, Queenstown-Lakes | $3,026,200 |
| 2. Parnell, Auckland City | $2,640,350 |
| 3. Westmere, Auckland City | $2,598,900 |
| 4. Remuera, Auckland City | $2,378,500 |
| 5. Ponsonby, Auckland City | $2,300,650 |
| 6. Devonport, North Shore City | $2,139,750 |
| 7. Saint Heliers, Auckland City | $2,055,450 |
| 8. Kohimarama, Auckland City | $2,028,800 |
| 9. Ōrākei, Auckland City | $2,028,400 |
| 10. Mission Bay, Auckland City | $2,005,400 |
| 11. Wānaka, Wānaka | $1,974,350 |
| 12. Glendowie, Auckland City | $1,973,350 |
| 13. Town Centre, Queenstown-Lakes | $1,972,200 |
| 14. Epsom, Auckland City | $1,854,600 |
| 15. Greenhithe, North Shore City | $1,846,500 |
| 16. Riverhead, Rodney | $1,839,950 |
| 17. Fendalton, Christchurch City | $1,824,200 |
| 18. Takapuna, North Shore City | $1,791,850 |
| 19. Freemans Bay, Auckland City | $1,784,950 |
| 20. Oneroa, Waiheke Island | $1,761,050 |
ਨਿਊਜ਼ੀਲੈਂਡ ਦੀ ਪ੍ਰਾਪਰਟੀ ਮਾਰਕੀਟ ਹੋ ਰਹੀ ਸਥਿਰ
ਹਾਲਾਂਕਿ ਰਾਸ਼ਟਰੀ ਪੱਧਰ ’ਤੇ ਘਰਾਂ ਦੀਆਂ ਕੀਮਤਾਂ ਵਿੱਚ ਮਾਮੂਲੀ ਗਿਰਾਵਟ ਦਰਜ ਕੀਤੀ ਗਈ ਹੈ। Trade Me ਦੀ ਰਿਪੋਰਟ ਅਨੁਸਾਰ ਮਾਰਚ ਦੌਰਾਨ ਘਰਾਂ ਦੀ ਔਸਤ ਕੀਮਤ 2.5% ਘਟ ਕੇ 862,550 ਡਾਲਰ ਹੋ ਗਈ। ਪਰ ਲਗਜ਼ਰੀ ਮਾਰਕੀਟ ਵਿੱਚ ਤੇਜ਼ੀ ਬਰਕਰਾਰ ਹੈ। ਇਸ ਸਮੇਂ ਬਾਜ਼ਾਰ ਵਿੱਚ ਵਿਕਣ ਲਈ ਉਪਲਬਧ ਘਰਾਂ ਦੀ ਗਿਣਤੀ ਵਧੀ ਹੈ, ਜਿਸ ਨਾਲ ਖਰੀਦਦਾਰਾਂ ਕੋਲ ਹੁਣ ਜ਼ਿਆਦਾ ਬਦਲ ਮੌਜੂਦ ਹਨ। ਖਾਸ ਕਰਕੇ ਓਟਾਗੋ ਅਤੇ ਸਾਊਥਲੈਂਡ ਵਰਗੇ ਖੇਤਰਾਂ ਵਿੱਚ ਨਵੀਂਆਂ ਲਿਸਟਿੰਗਾਂ ਵਿੱਚ 14-15 ਫੀਸਦੀ ਦਾ ਵਾਧਾ ਹੋਇਆ ਹੈ। ਇਹ ਬਦਲਾਅ ਦਰਸਾਉਂਦਾ ਹੈ ਕਿ ਨਿਊਜ਼ੀਲੈਂਡ ਦਾ ਰੀਅਲ ਅਸਟੇਟ ਨਿਵੇਸ਼ ਹੁਣ ਵੱਡੇ ਸ਼ਹਿਰਾਂ ਤੋਂ ਬਾਹਰ ਵੀ ਤੇਜ਼ੀ ਨਾਲ ਫੈਲ ਰਿਹਾ ਹੈ।

