ਇੰਡੀਆ ’ਚ ਆਨਲਾਈਨ ਅਸ਼ਲੀਲਤਾ ਰੋਕਣ ਲਈ ਸਰਕਾਰ ਲਿਆ ਰਹੀ ਹੈ ਨਵੇਂ ਰੂਲ, ਡਰਾਫ਼ਟ ਵੀ ਜਾਰੀ

ਮੈਲਬਰਨ : ਇੰਡੀਆ ਸਰਕਾਰ ਦੇ ਸੂਚਨਾ ਅਤੇ ਪ੍ਰਸਾਰਣ ਮੰਤਰਾਲੇ ਨੇ ਆਨਲਾਈਨ ਸਮੱਗਰੀ ਵਿੱਚ ਅਸ਼ਲੀਲਤਾ ਰੋਕਣ ਲਈ ਨਵੇਂ ਨਿਯਮਾਂ ਦਾ ਡਰਾਫ਼ਟ ਪੇਸ਼ ਕੀਤਾ ਹੈ। ਇਹ IT (Digital Code) Rules 2026 ਕਹਾਉਣਗੇ।

ਡਰਾਫ਼ਟ ਮੁਤਾਬਕ:

• ਕੋਈ ਵੀ ਡਿਜੀਟਲ ਸਮੱਗਰੀ ਜੋ ਅਸ਼ਲੀਲ ਹੋਵੇ, ਨਫ਼ਰਤ ਫੈਲਾਵੇ, ਔਰਤਾਂ ਜਾਂ ਬੱਚਿਆਂ ਦੀ ਬੇਇੱਜ਼ਤੀ ਕਰੇ, ਧਰਮ ਜਾਂ ਜਾਤੀ ਦੇ ਆਧਾਰ ’ਤੇ ਨੁਕਸਾਨ ਪਹੁੰਚਾਏ — ਉਸ ਨੂੰ ਫੈਲਾਉਣ ਦੀ ਮਨਾਹੀ ਹੋਵੇਗੀ।
• ਸਰਕਾਰ ਚਾਹੁੰਦੀ ਹੈ ਕਿ ਹਰ ਆਨਲਾਈਨ ਵੀਡੀਓ ਜਾਂ ਪ੍ਰੋਗਰਾਮ ’ਤੇ ਉਮਰ ਅਨੁਸਾਰ ਰੇਟਿੰਗ ਲੱਗੇ — ਜਿਵੇਂ U, 7+, 13+, 16+ ਜਾਂ ਸਿਰਫ਼ ਬਾਲਗਾਂ ਲਈ। 13+ ਤੋਂ ਉੱਪਰ ਵਾਲੀ ਸਮੱਗਰੀ ਲਈ ਮਾਪਿਆਂ ਦੇ ਕੰਟਰੋਲ ਵੀ ਲਾਜ਼ਮੀ ਹੋਣਗੇ।
• ਵੱਡਿਆਂ ਲਈ ਬਣੀ ਸਮੱਗਰੀ ’ਤੇ age-verification ਲਾਗੂ ਕਰਨ ਦੀ ਵੀ ਗੱਲ ਹੈ।

ਇਹ ਨਿਯਮ ਹਾਲੇ ਡਰਾਫ਼ਟ ਦੇ ਪੱਧਰ ’ਤੇ ਹਨ ਅਤੇ ਜਨਤਕ ਸਲਾਹ ਮਸ਼ਵਰੇ ਤੋਂ ਬਾਅਦ ਅੰਤਿਮ ਕੀਤੇ ਜਾਣਗੇ। ਹਾਲਾਂਕਿ, ਡਿਜੀਟਲ ਕੰਟੈਂਟ ਬਣਾਉਣ ਵਾਲੇ ਕੁਝ ਲੋਕਾਂ ਨੇ ਚਿੰਤਾ ਪ੍ਰਗਟਾਈ ਹੈ ਕਿ ਇਸ ਨਾਲ ਆਨਲਾਈਨ ਆਜ਼ਾਦੀ ’ਤੇ ਅਸਰ ਪੈ ਸਕਦਾ ਹੈ।