ਮੈਲਬਰਨ : ਕ੍ਰਿਪਟੋ ਕਰੰਸੀ ਨੇ ਹਾਲ ਹੀ ਦੇ ਸਮੇਂ ਵਿੱਚ ਚੰਗੀ ਗਤੀ ਦਿਖਾਈ ਹੈ, ਜਿਸ ਤੋਂ ਬਾਅਦ ਆਸਟ੍ਰੇਲੀਆ ਵਿੱਚ ਸਰਗਰਮ ਕ੍ਰਿਪਟੋਕਰੰਸੀ ATM ਮਸ਼ੀਨਾਂ ਦੀ ਗਿਣਤੀ ਵਿੱਚ ਵੀ ਵਾਧਾ ਹੋਇਆ ਹੈ। Coin ATM Radar ਦੇ ਅੰਕੜਿਆਂ ਤੋਂ ਪਤਾ ਚੱਲਦਾ ਹੈ ਕਿ ਆਸਟ੍ਰੇਲੀਆ ਵਿੱਚ ਕ੍ਰਿਪਟੋ ATM ਮਸ਼ੀਨਾਂ ਦੀ ਮੌਜੂਦਾ ਗਿਣਤੀ 1,007 ਦੇ ਕਰੀਬ ਹੈ। ਇਸ ਦੇ ਨਾਲ, ਆਸਟ੍ਰੇਲੀਆ ਹੁਣ ਅਮਰੀਕਾ ਅਤੇ ਕੈਨੇਡਾ ਤੋਂ ਬਾਅਦ ਇਨ੍ਹਾਂ ਫਿਏਟ-ਟੂ-ਕ੍ਰਿਪਟੋ ਮਸ਼ੀਨਾਂ ਦਾ ਤੀਜਾ ਸਭ ਤੋਂ ਵੱਡਾ ਨੈਟਵਰਕ ਰੱਖਦਾ ਹੈ, ਜੋ ਕ੍ਰਮਵਾਰ ਪਹਿਲੇ ਅਤੇ ਦੂਜੇ ਸਥਾਨ ‘ਤੇ ਹਨ। Coin ATM Radar ਨੇ ਖੁਲਾਸਾ ਕੀਤਾ ਹੈ ਕਿ ਬੁੱਧਵਾਰ, 24 ਅਪ੍ਰੈਲ ਤੱਕ, ਆਸਟ੍ਰੇਲੀਆ ’ਚ ਗਲੋਬਲ ਕ੍ਰਿਪਟੋ ATM ਨੈਟਵਰਕ ਦਾ 2.7 ਪ੍ਰਤੀਸ਼ਤ ਹਿੱਸਾ ਹੈ। ਕ੍ਰਿਪਟੋ ATM ਮਸ਼ੀਨਾਂ ਲੋਕਾਂ ਨੂੰ ਆਪਣੀ ਪਸੰਦ ਦੀ ਕ੍ਰਿਪਟੋਕਰੰਸੀ ਵਿੱਚ ਆਪਣੀ ਫਿਏਟ ਕਰੰਸੀ ਨੂੰ ਬਦਲਣ ਦੀ ਇਜਾਜ਼ਤ ਦਿੰਦੀਆਂ ਹਨ। ਲੋਕ ਆਪਣੇ ਡੈਬਿਟ ਅਤੇ ਕ੍ਰੈਡਿਟ ਕਾਰਡਾਂ ਨਾਲ ਵੀ ਕ੍ਰਿਪਟੋ ਐਸੇਟਸ ਖਰੀਦ ਸਕਦੇ ਹਨ ਅਤੇ ਉਨ੍ਹਾਂ ਨੂੰ ਤੁਰੰਤ ਆਪਣੇ ਡਿਜੀਟਲ ਵਾਲੇਟ ਵਿੱਚ ਜਮ੍ਹਾਂ ਕਰ ਸਕਦੇ ਹਨ। ਬਿਟਕੁਆਇਨ (BTC) ਇਸ ਸਾਲ ਦੀ ਸ਼ੁਰੂਆਤ ਵਿਚ 73,000 ਡਾਲਰ (ਲਗਭਗ 60.8 ਲੱਖ ਰੁਪਏ) ਤੋਂ ਵੱਧ ਦੇ ਸਭ ਤੋਂ ਉੱਚੇ ਪੱਧਰ ‘ਤੇ ਪਹੁੰਚ ਗਿਆ ਸੀ, ਜਿਸ ਨਾਲ ਕਈ ਹੋਰ ਕ੍ਰਿਪਟੋਕਰੰਸੀਆਂ ਵੀ ਮੁਨਾਫੇ ਦੇ ਰਾਹ ‘ਤੇ ਅੱਗੇ ਵਧ ਰਹੀਆਂ ਸਨ।
1,000 ਤੋਂ ਵੱਧ ATM ਨਾਲ ਤੀਜਾ ਸਭ ਤੋਂ ਵੱਡਾ ਕ੍ਰਿਪਟੋ ਨੈੱਟਵਰਕ ਬਣਿਆ ਆਸਟ੍ਰੇਲੀਆ
