ਮੈਲਬਰਨ: ਮਹਾਂਮਾਰੀ ਤੋਂ ਬਾਅਦ ਪ੍ਰਵਾਸ ਵਿੱਚ ਤੇਜ਼ ਵਾਧੇ ਦੀ ਬਦੌਲਤ ਆਸਟ੍ਰੇਲੀਆ ਦੀ ਆਬਾਦੀ ਅਸਲ ਅਨੁਮਾਨ ਤੋਂ ਦਹਾਕਿਆਂ ਪਹਿਲਾਂ 2.7 ਕਰੋੜ ਲੋਕਾਂ ਨੂੰ ਪਾਰ ਕਰ ਗਈ ਹੈ। ਆਸਟ੍ਰੇਲੀਆਈ ਬਿਊਰੋ ਆਫ ਸਟੈਟਿਸਟਿਕਸ (ABS) ਦੀ ਆਬਾਦੀ ਵਾਲੀ ਘੜੀ ਨੇ ਬੀਤੀ ਰਾਤ 2.7 ਕਰੋੜ ਦੇ ਅੰਕੜੇ ਨੂੰ ਪਾਰ ਕਰ ਲਿਆ। ਘੜੀ ਹਰ 50 ਸਕਿੰਟਾਂ ਵਿੱਚ ਆਬਾਦੀ ਵਿੱਚ ਇੱਕ ਨਵੇਂ ਵਿਅਕਤੀ ਨੂੰ ਜੋੜਨ ਦੇ ਅਧਾਰ ’ਤੇ ਕੁੱਲ ਆਬਾਦੀ ਦਾ ਅਨੁਮਾਨ ਲਗਾਉਂਦੀ ਹੈ। 2002 ਵਿੱਚ ਜਾਰੀ ਕੀਤੀ ਗਈ ਹਾਵਰਡ ਸਰਕਾਰ ਦੀ ਪਹਿਲੀ ਅੰਤਰ-ਪੀੜ੍ਹੀ ਰਿਪੋਰਟ ਦੀ ਭਵਿੱਖਬਾਣੀ ਵਿੱਚ ਅਨੁਮਾਨ ਲਗਾਇਆ ਗਿਆ ਸੀ ਕਿ ਰਾਸ਼ਟਰੀ ਆਬਾਦੀ 2042 ਤੱਕ 2.53 ਕਰੋੜ ਲੋਕਾਂ ਤੱਕ ਵੀ ਨਹੀਂ ਪਹੁੰਚੇਗੀ।
2022-2023 ਲਈ ABS ਦੇ ਅੰਕੜਿਆਂ ਤੋਂ ਪਤਾ ਚੱਲਿਆ ਹੈ ਕਿ ਆਸਟ੍ਰੇਲੀਆ ਨੇ 12 ਮਹੀਨਿਆਂ ਵਿੱਚ ਰਿਕਾਰਡ 624,100 ਲੋਕਾਂ ਦਾ ਵਾਧਾ ਕੀਤਾ ਹੈ, ਜਿਸ ਦਾ ਮੁੱਖ ਕਾਰਨ ਵਿਦੇਸ਼ੀ ਪ੍ਰਵਾਸ ਵਿੱਚ 72.7 ਪ੍ਰਤੀਸ਼ਤ ਦਾ ਨਾਟਕੀ ਵਾਧਾ ਹੈ। ਨਿਊ ਸਾਊਥ ਵੇਲਜ਼ ਵਿਦੇਸ਼ੀ ਪ੍ਰਵਾਸੀਆਂ ਲਈ ਸਭ ਤੋਂ ਪ੍ਰਸਿੱਧ ਮੰਜ਼ਿਲ ਸੀ, ਇਸ ਤੋਂ ਬਾਅਦ ਵਿਕਟੋਰੀਆ ਅਤੇ ਕੁਈਨਜ਼ਲੈਂਡ ਸਨ।
ਇਸ ਦੀ ਗਣਨਾ ਸਟੇਟ ਦੀ ਆਬਾਦੀ ਦੇ ਅੰਕੜਿਆਂ ਦੇ ਅਧਾਰ ‘ਤੇ ਕੀਤੀ ਜਾਂਦੀ ਹੈ, ਜੋ ਦਰਸਾਉਂਦੀ ਹੈ ਕਿ ਹਰ 1 ਮਿੰਟ ਅਤੇ 42 ਸਕਿੰਟਾਂ ਵਿੱਚ ਇੱਕ ਵਿਅਕਤੀ ਪੈਦਾ ਹੁੰਦਾ ਹੈ, ਹਰ 2 ਮਿੰਟ ਅਤੇ 52 ਸਕਿੰਟਾਂ ਵਿੱਚ ਇੱਕ ਦੀ ਮੌਤ ਹੁੰਦੀ ਹੈ, ਹਰ 45 ਸਕਿੰਟਾਂ ਵਿੱਚ ਇੱਕ ਨਵਾਂ ਆਸਟ੍ਰੇਲੀਆ ਦੇਸ਼ ਅੰਦਰ ਪਹੁੰਚਦਾ ਹੈ ਅਤੇ ਹਰ 2 ਮਿੰਟ ਅਤੇ 43 ਸਕਿੰਟਾਂ ਵਿੱਚ ਇੱਕ ਵਿਅਕਤੀ ਰਵਾਨਾ ਹੁੰਦਾ ਹੈ।
Related Posts:
