ਮੈਲਬਰਨ : ਮੈਲਬਰਨ ਵਿਚ ਨਵੇਂ ਸਾਲ ਦੀ ਪੂਰਵ ਸੰਧਿਆ ਦਾ ਜਸ਼ਨ ਗੈਰ-ਕਾਨੂੰਨੀ ਆਤਿਸ਼ਬਾਜ਼ੀ ਨਾਲ ਪ੍ਰਭਾਵਿਤ ਹੋਇਆ, ਜਿਸ ਕਾਰਨ ਸ਼ਹਿਰ ਦੇ ਨੌਰਥ ਵਾਲੇ ਪਾਸੇ ਘੱਟੋ-ਘੱਟ ਤਿੰਨ ਥਾਵਾਂ ’ਤੇ ਅੱਗ ਲੱਗ ਗਈ। ਪੁਲਿਸ ਨੂੰ ਵਿਕਟੋਰੀਆ ਵਿੱਚ ਆਤਿਸ਼ਬਾਜ਼ੀ ਨਾਲ ਸਬੰਧਤ ਘਟਨਾਵਾਂ ਦੀਆਂ 280 ਤੋਂ ਵੱਧ ਰਿਪੋਰਟਾਂ ਮਿਲੀਆਂ, ਜਿਸ ਕਾਰਨ ਉਹ ਸਾਰੀ ਰਾਤ ਰੁੱਝੇ ਰਹੇ।
ਗ਼ੈਰਕਾਨੂੰਨੀ ਆਤਿਸ਼ਬਾਜ਼ੀ ਤੋਂ ਇਲਾਵਾ, ਅਧਿਕਾਰੀਆਂ ਨੂੰ Mornington Peninsula ਵਿੱਚ ਇੱਕ ਨਾਬਾਲਗ ਨਾਲ ਜੁੜੀ ਚਾਕੂ ਮਾਰਨ ਦੀ ਘਟਨਾ ਦੀ ਜਾਣਕਾਰੀ ਮਿਲੀ, ਜਿੱਥੇ ਦੋ 16 ਸਾਲ ਦੇ ਮੁੰਡਿਆਂ ਨੂੰ ਗ੍ਰਿਫਤਾਰ ਕੀਤਾ ਗਿਆ। ਪੁਲਿਸ ਨੇ ਸ਼ਹਿਰ ਭਰ ਦੇ ਰੇਲਵੇ ਸਟੇਸ਼ਨਾਂ ਤੋਂ 18 ਹਥਿਆਰ ਵੀ ਜ਼ਬਤ ਕੀਤੇ ਹਨ, ਜਿਨ੍ਹਾਂ ਵਿੱਚ ਚਾਕੂ, ਕੈਂਚੀ ਅਤੇ ਨਕਲੀ ਪਿਸਤੌਲਾਂ ਸ਼ਾਮਲ ਹਨ।
ਪਰ ਸਭ ਤੋਂ ਜ਼ਿਆਦਾ ਚਿੰਤਾ ਗੈਰ-ਕਾਨੂੰਨੀ ਆਤਿਸ਼ਬਾਜ਼ੀ ਨੇ ਚਿੰਤਾ ਪੈਦਾ ਕੀਤੀ, ਪੁਲਿਸ ਨੇ ਲੋਕਾਂ ਨੂੰ ‘ਕੰਟਰੋਲ ਤੋਂ ਬਾਹਰ ਅੱਗ’ ਲੱਗਣ ਜਾਂ ਗੰਭੀਰ ਸੱਟ ਲੱਗਣ ਦੇ ਖਤਰੇ ਕਾਰਨ ਇਨ੍ਹਾਂ ਦੀ ਵਰਤੋਂ ਕਰਨ ਤੋਂ ਪਰਹੇਜ਼ ਕਰਨ ਦੀ ਅਪੀਲ ਕੀਤੀ ਸੀ। ਇਹ ਘਟਨਾਵਾਂ Kalkallo ’ਚ ਆਤਿਸ਼ਬਾਜ਼ੀ ਨਾਲ ਜੁੜੀ ਘਟਨਾ ’ਚ 19 ਸਾਲ ਦੇ ਨੌਜਵਾਨ ਦੀ ਮੌਤ ਤੋਂ ਇਕ ਹਫਤੇ ਬਾਅਦ ਹੋਈਆਂ ਹਨ।
