ਮੈਲਬਰਨ : ਮੈਲਬਰਨ ਦੇ ਇਕ ਪ੍ਰਾਇਮਰੀ ਸਕੂਲ ਨੇੜੇ ਇਕ ਪਾਰਕ ਵਿਚ ਦੋ ਸਮੂਹਾਂ ਵਿਚਾਲੇ ਹੋਈ ਭਿਆਨਕ ਲੜਾਈ ਵਿਚ ਇਕ 24 ਸਾਲ ਦੇ ਵਿਅਕਤੀ ਦੀ ਚਾਕੂ ਮਾਰ ਕੇ ਹੱਤਿਆ ਕਰ ਦਿੱਤੀ ਗਈ। ਇਹ ਝਗੜਾ ਸ਼ੁੱਕਰਵਾਰ ਰਾਤ Wyndham Vale ’ਚ ਕਰੀਬ 11:30 ਵਜੇ ਉਸ ਸਮੇਂ ਹੋਇਆ ਜਦੋਂ ਘੱਟੋ-ਘੱਟ ਸੱਤ ਵਿਅਕਤੀਆਂ ਦੇ ਇਕ ਸਮੂਹ ਦਾ ਸਾਹਮਣਾ ਲਗਭਗ 12 ਵਿਅਕਤੀਆਂ ਦੇ ਇਕ ਹੋਰ ਸਮੂਹ ਨਾਲ ਹੋਇਆ, ਜੋ ਕਈ ਚਿੱਟੀਆਂ ਕਾਰਾਂ ਵਿਚ ਆਏ ਸਨ।
ਪੁਲਿਸ ਦਾ ਦੋਸ਼ ਹੈ ਕਿ ਦੂਜੇ ਸਮੂਹ ਨੇ ਆਪਣੀਆਂ ਕਾਰਾਂ ਤੋਂ ਛਾਲ ਮਾਰ ਦਿੱਤੀ ਅਤੇ ਪਹਿਲੇ ਸਮੂਹ ’ਤੇ ਚਾਕੂ ਅਤੇ ਹੋਰ ਹਥਿਆਰਾਂ ਦੀ ਵਰਤੋਂ ਕਰਦਿਆਂ ਭਿਆਨ ਹਮਲਾ ਕਰ ਦਿੱਤਾ। ਪੀੜਤ ਮੂਲ ਸਮੂਹ ਦਾ ਹਿੱਸਾ ਸੀ। ਉਸ ਨੂੰ ਡਾਕਟਰੀ ਸਹਾਇਤਾ ਦਿੱਤੀ ਗਈ ਪਰ ਮੌਕੇ ’ਤੇ ਹੀ ਉਸ ਦੀ ਮੌਤ ਹੋ ਗਈ। 27 ਸਾਲ ਦੇ ਦੋ ਹੋਰ ਵਿਅਕਤੀਆਂ ਨੂੰ ਜਾਨਲੇਵਾ ਸੱਟਾਂ ਲੱਗਣ ਕਾਰਨ ਹਸਪਤਾਲ ਲਿਜਾਇਆ ਗਿਆ।
ਮੂਲ ਸਮੂਹ ਦੇ ਚਾਰ ਲੋਕਾਂ ਨੂੰ ਗ੍ਰਿਫਤਾਰ ਕੀਤਾ ਗਿਆ ਹੈ ਅਤੇ ਉਹ ਪੁੱਛਗਿੱਛ ਵਿੱਚ ਪੁਲਿਸ ਦੀ ਸਹਾਇਤਾ ਕਰ ਰਹੇ ਹਨ। ਹਾਲਾਂਕਿ, ਦੂਜੇ ਸਮੂਹ ਦੇ ਕਿਸੇ ਵੀ ਮੈਂਬਰ ਨੂੰ ਗ੍ਰਿਫਤਾਰ ਨਹੀਂ ਕੀਤਾ ਗਿਆ ਹੈ। ਮਕਸਦ ਦਾ ਅਜੇ ਪਤਾ ਨਹੀਂ ਲੱਗ ਸਕਿਆ ਹੈ।
