ਮੈਲਬਰਨ: ਵੈਂਟਵਰਥ ਦੇ ਸਾਬਕਾ ਮੈਂਬਰ ਦੇਵ ਸ਼ਰਮਾ (Dave Sharma) ਨੇ ਸਾਬਕਾ ਵਿਦੇਸ਼ ਮੰਤਰੀ ਮੈਰਿਸ ਪੇਨੇ ਦੇ ਰਿਟਾਇਰ ਹੋਣ ਤੋਂ ਬਾਅਦ ਲਿਬਰਲ ਸੈਨੇਟ ਦੀ ਸੀਟ ਜਿੱਤ ਲਈ ਹੈ। ਉਨ੍ਹਾਂ ਨੇ NSW ਦੇ ਸਾਬਕਾ ਮੰਤਰੀ ਐਂਡਰਿਊ ਕੌਨਸਟੈਂਸ ਨੂੰ 251 ਦੇ ਮੁਕਾਬਲੇ 206 ਵੋਟਾਂ ਨਾਲ ਹਰਾਇਆ ਹੈ। ਇਜ਼ਰਾਈਲ ਵਿਚ ਇਕ ਸਮੇਂ ਆਸਟਰੇਲੀਆ ਦੇ ਰਾਜਦੂਤ ਰਹੇ ਸ਼ਰਮਾ ਖਾਸ ਤੌਰ ‘ਤੇ 7 ਅਕਤੂਬਰ ਦੇ ਹਮਾਸ ਹਮਲੇ ਤੋਂ ਬਾਅਦ ਇਜ਼ਰਾਈਲ ਦਾ ਜ਼ੋਰਦਾਰ ਸਮਰਥਨ ਕਰਦੇ ਰਹੇ ਹਨ। ਉਸ ਦੀ ਚੋਣ ਦਾ ਯਹੂਦੀ ਭਾਈਚਾਰੇ ਵੱਲੋਂ ਭਰਵਾਂ ਸਵਾਗਤ ਕੀਤੇ ਜਾਣ ਦੀ ਉਮੀਦ ਹੈ।
ਲਿਬਰਲ ਸੰਸਦ ਮੈਂਬਰ ਜੂਲੀਅਨ ਲੀਜ਼ਰ ਨੇ ਸ਼ਰਮਾ ਦੀ ਦੇ ਵਿਚਾਰਾਂ ਦੀ ਸ਼ਲਾਘਾ ਕੀਤੀ ਹੈ ਕਿ ਆਸਟਰੇਲੀਆ ਨੂੰ ਸਮਾਨ ਵਿਚਾਰਧਾਰਾ ਵਾਲੇ ਉਦਾਰਵਾਦੀ ਲੋਕਤੰਤਰਾਂ ਦੇ ਨਾਲ ਖੜ੍ਹੇ ਹੋਣ ਦੀ ਜ਼ਰੂਰਤ ਹੈ ਜਿਨ੍ਹਾਂ ਦੀ ਯਹੂਦੀ ਵਿਰੋਧੀਆਂ ਵਿਰੁੱਧ ਮਜ਼ਬੂਤ ਆਵਾਜ਼ ਹੈ। ਵਿਰੋਧੀ ਧਿਰ ਦੇ ਨੇਤਾ ਪੀਟਰ ਡਟਨ ਨੇ ਵੀ ਸ਼ਰਮਾ ਦੀ ਕੂਟਨੀਤਕ ਅਤੇ ਵਿਦੇਸ਼ ਨੀਤੀ ਦੀ ਮੁਹਾਰਤ ਦਾ ਸਵਾਗਤ ਕੀਤਾ, ਖ਼ਾਸਕਰ ਪੂਰਬੀ ਯੂਰਪ, ਮੱਧ ਪੂਰਬ ਅਤੇ ਹਿੰਦ-ਪ੍ਰਸ਼ਾਂਤ ਖੇਤਰ ਦੇ ਮੌਜੂਦਾ ਖਤਰਨਾਕ ਹਾਲਾਤ ਦੇ ਮੱਦੇਨਜ਼ਰ।
ਸ਼ਰਮਾ ਨੇ 2019 ਤੋਂ 2022 ਤੱਕ ਵੈਂਟਵਰਥ ਦੀ ਸੀਟ ’ਤੇ ਰਹੇ, ਜਦੋਂ ਉਨ੍ਹਾਂ ਨੂੰ ਆਜ਼ਾਦ ਉਮੀਦਵਾਰ ਅਲੇਗਰਾ ਸਪੈਂਡਰ ਨੇ ਹਰਾਇਆ ਸੀ। ਸੈਨੇਟ ਦੇ ਅਹੁਦੇ ਲਈ 10 ਉਮੀਦਵਾਰਾਂ ਦੀ ਚੋਣ ਵਿਚ ACT ਦੇ ਸਾਬਕਾ ਸੈਨੇਟਰ ਜੇਡ ਸੇਸੇਲਜਾ ਵੀ ਸ਼ਾਮਲ ਹਨ, ਜੋ ਪਿਛਲੀਆਂ ਚੋਣਾਂ ਵਿਚ ਆਜ਼ਾਦ ਡੇਵਿਡ ਪੋਕਾਕ ਤੋਂ ਹਾਰ ਗਏ ਸਨ।
ਲਿਬਰਲ ਉਪ ਨੇਤਾ ਸੁਸਾਨ ਲੇ ਨੇ ਸ਼ਰਮਾ ਦੀ ਵਿਦੇਸ਼ ਨੀਤੀ ਦੀ ਬੁੱਧੀ ਅਤੇ ਉਨ੍ਹਾਂ ਦੇ ਤਜਰਬਿਆਂ ’ਤੇ ਚਾਨਣਾ ਪਾਇਆ, ਜਿਸ ਵਿਚ ਅਮਰੀਕੀ ਰਾਸ਼ਟਰਪਤੀਆਂ ਨਾਲ ਓਵਲ ਆਫਿਸ ਵਿਚ ਬੈਠਣਾ, ਅੰਤਰਰਾਸ਼ਟਰੀ ਸ਼ਾਂਤੀ ਸਮਝੌਤਿਆਂ ਵਿਚ ਵਿਚੋਲਗੀ ਕਰਨ ਵਿਚ ਮਦਦ ਕਰਨਾ ਅਤੇ ਇਜ਼ਰਾਈਲ ਵਿਚ ਰਾਜਦੂਤ ਵਜੋਂ ਸੇਵਾ ਕਰਨਾ ਸ਼ਾਮਲ ਹੈ। ਉਨ੍ਹਾਂ ਕਿਹਾ ਕਿ ਇਨ੍ਹਾਂ ਤਜਰਬਿਆਂ ਨੇ ਉਨ੍ਹਾਂ ਨੂੰ ਨਿਊ ਸਾਊਥ ਵੇਲਜ਼ ਦੇ ਸੈਨੇਟਰ ਵਜੋਂ ਮਹੱਤਵਪੂਰਨ ਯੋਗਦਾਨ ਪਾਉਣ ਲਈ ਚੰਗੀ ਸਥਿਤੀ ਵਿਚ ਰੱਖਿਆ।
ਦੇਵ ਆਨੰਦ ਨੀਲ ਸ਼ਰਮਾ ਦਾ ਜਨਮ 21 ਦਸੰਬਰ, 1975 ਨੂੰ ਵੈਨਕੂਵਰ, ਬ੍ਰਿਟਿਸ਼ ਕੋਲੰਬੀਆ, ਕੈਨੇਡਾ ਵਿੱਚ ਹੋਇਆ ਸੀ। ਉਨ੍ਹਾਂ ਦੇ ਪਿਤਾ ਭਾਰਤੀ ਮੂਲ ਦੇ ਤ੍ਰਿਨੀਦਾਦ ਵਾਸੀ ਹਨ ਅਤੇ ਉਨ੍ਹਾਂ ਦੀ ਮਾਂ ਸਿਡਨੀ ਤੋਂ ਸੀ। ਉਸ ਦਾ ਪਰਿਵਾਰ 1979 ਵਿੱਚ ਸਿਡਨੀ ਦੇ ਤੁਰਮੁਰਾਰਾ ਆ ਗਿਆ ਸੀ। ਸ਼ਰਮਾ ਨੇ 2019 ਤੋਂ 2022 ਤੱਕ ਵੈਂਟਵਰਥ ਲਈ ਸੰਸਦ ਮੈਂਬਰ ਵਜੋਂ ਸੇਵਾ ਨਿਭਾਈ।
