ਮੈਲਬਰਨ : ਇੱਕ ਵਾਇਰਲ TikTok ਵੀਡੀਓ ਨੇ weaponized incompetence (ਜਾਣਬੁੱਝ ਕੇ ਕੰਮ ਅਧੂਰਾ ਛੱਡਣ) ਬਾਰੇ ਇੱਕ ਚਰਚਾ ਛੇੜ ਦਿੱਤੀ ਹੈ, ਜਿੱਥੇ ਇੱਕ ਸਾਥੀ, ਅਕਸਰ ਮਰਦ, ਜਾਣਬੁੱਝ ਕੇ ਜਾਂ ਅਣਜਾਣੇ ਵਿੱਚ ਘਰੇਲੂ ਕੰਮ ਕਰਨ ਵਿੱਚ ਅਸਮਰੱਥਾ ਦਿਖਾਉਂਦਾ ਹੈ, ਜਿਸ ਨਾਲ ਦੂਜੇ ਸਾਥੀ ਨੂੰ ਵਧੇਰੇ ਕੰਮ ਕਰਨ ਲਈ ਮਜਬੂਰ ਕੀਤਾ ਜਾਂਦਾ ਹੈ। Amanda Palacio’s ਦੀ ਵੀਡੀਓ ਵਿਚ ਉਸ ਦਾ ਪਤੀ ਬਚਿਆ ਹੋਇਆ ਪਾਸਤਾ ਫਰਿੱਜ ਵਿਚ ਇਕ ਖੁੱਲ੍ਹੇ ਪੈਨ ਵਿਚ ਛੱਡਦਾ ਦਿਖਾਈ ਦੇ ਰਿਹਾ ਹੈ, ਜਿਸ ਨਾਲ ਔਰਤ ਪ੍ਰੇਸ਼ਾਨ ਹੋ ਜਾਂਦੀ ਅਤੇ ਦੋਹਾਂ ਵਿਚਕਾਰ ਬਹਿਸ ਸ਼ੁਰੂ ਹੋ ਗਈ ਹੈ।
ਮਾਹਰਾਂ ਦਾ ਕਹਿਣਾ ਹੈ ਕਿ weaponized incompetence ਦਾ ਫਾਇਦਾ ਉਠਾਏ ਜਾਣ, ਤਣਾਅ ਅਤੇ ਚਿੰਤਾ ਦੀਆਂ ਭਾਵਨਾਵਾਂ ਪੈਦਾ ਹੋ ਸਕਦੀਆਂ ਹਨ, ਜੋ ਰਿਸ਼ਤਿਆਂ ਨੂੰ ਨੁਕਸਾਨ ਪਹੁੰਚਾ ਸਕਦੀਆਂ ਹਨ। ਆਸਟ੍ਰੇਲੀਆਈ ਮਨੋਵਿਗਿਆਨੀ Carly Dober ਦੱਸਦੇ ਹਨ ਕਿ ਮੁਕਤ ਸੰਚਾਰ, ਦ੍ਰਿਸ਼ਟੀਕੋਣ ਸਾਂਝਾ ਕਰਨਾ ਅਤੇ ਮਿਲਬੈਠ ਕੇ ਹੱਲ ਲੱਭਣਾ ਇਸ ਮਸਲੇ ਨੂੰ ਹੱਲ ਕਰਨ ਵਿੱਚ ਮਦਦ ਕਰ ਸਕਦਾ ਹੈ।
ਘਰੇਲੂ ਕੰਮਕਾਜ ਦਾ ਇੱਕ ਸਮਾਂ ਨਿਰਧਾਰਤ ਕਰਨਾ, ਕੰਮਾਂ ਨੂੰ ਆਊਟਸੋਰਸ ਕਰਨਾ, ਅਤੇ ਨਵੇਂ ਹੁਨਰ ਪ੍ਰਾਪਤ ਕਰਨਾ ਵੀ ਤਣਾਅ ਨੂੰ ਘੱਟ ਕਰ ਸਕਦਾ ਹੈ। ਹਾਲਾਂਕਿ weaponized incompetence ਨੂੰ ਤਲਾਕ ਨਾਲ ਜੋੜਨ ਵਾਲਾ ਕੋਈ ਸਿੱਧਾ ਅੰਕੜਾ ਨਹੀਂ ਹੈ, ਅੰਕੜੇ ਦਰਸਾਉਂਦੇ ਹਨ ਕਿ ਸੰਚਾਰ ਸਮੱਸਿਆਵਾਂ ਅਤੇ ਕੰਮਾਂ ਦੀ ਅਸਮਾਨ ਵੰਡ ਰਿਸ਼ਤੇ ਟੁੱਟਣ ਦੇ ਆਮ ਕਾਰਨ ਹਨ, ਜਿਸ ਵਿੱਚ ਆਸਟ੍ਰੇਲੀਆ ਵਿੱਚ 39٪ ਤਲਾਕ ਔਰਤਾਂ ਸ਼ੁਰੂ ਕਰਦੀਆਂ ਹਨ।
