ਮੈਲਬਰਨ : ABS ਦੇ ਨਵੇਂ ਅੰਕੜਿਆਂ ਅਨੁਸਾਰ, ਰਿਕਾਰਡ ਗਿਣਤੀ ਵਿੱਚ ਆਸਟ੍ਰੇਲੀਆਈ ਰਹਿਣ ਦੀ ਲਾਗਤ ਦੇ ਦਬਾਅ ਨਾਲ ਨਜਿੱਠਣ ਲਈ ਇੱਥ ਤੋਂ ਵੱਧ ਥਾਵਾਂ ’ਤੇ ਨੌਕਰੀਆਂ ਕਰ ਰਹੇ ਹਨ। ਅਜਿਹੇ ਲੋਕਾਂ ਦੀ ਗਿਣਤੀ ਲਗਭਗ 961,000 ਹੋ ਗਈ ਹੈ ਜੋ ਪਿਛਲੇ ਪੰਜ ਸਾਲਾਂ ਵਿੱਚ 215,000 ਤੋਂ ਵੱਧ ਲੋਕਾਂ ਦੇ ਵਾਧੇ ਨੂੰ ਦਰਸਾਉਂਦਾ ਹੈ।
ਹਾਲਾਂਕਿ, ਮਾਹਰਾਂ ਨੇ ਚੇਤਾਵਨੀ ਦਿੱਤੀ ਹੈ ਕਿ ਕਈ ਨੌਕਰੀਆਂ ਕਰਨ ਵਾਲੇ ਲੋਕ superannuation ਦੇ ਜਾਲ ’ਚ ਫੱਸ ਸਕਦੇ ਹਨ, ਕਿਉਂਕਿ ਲਗਭਗ 40 ਲੱਖ ਆਸਟ੍ਰੇਲੀਆਈ ਲੋਕਾਂ ਕੋਲ ਇੱਕ ਤੋਂ ਵੱਧ ਸੇਵਾਮੁਕਤੀ ਖਾਤੇ ਹਨ। ਇਸ ਦੇ ਨਤੀਜੇ ਵਜੋਂ ਕਈ ਫੀਸਾਂ, ਬੀਮਾ ਪ੍ਰੀਮੀਅਮ ਅਤੇ ਖੁੰਝੇ ਹੋਏ ਨਿਵੇਸ਼ ਰਿਟਰਨ ਹੋ ਸਕਦੇ ਹਨ, ਜਿਸ ਦੀ ਸੰਭਾਵਤ ਤੌਰ ’ਤੇ ਰਿਟਾਇਰਮੈਂਟ ਉਮਰ ਤੱਕ 20,000 ਡਾਲਰ ਤੱਕ ਦੀ ਲਾਗਤ ਹੋ ਸਕਦੀ ਹੈ। ਆਸਟ੍ਰੇਲੀਆਈ ਲੋਕਾਂ ਨੂੰ ਸਲਾਹ ਦਿੱਤੀ ਜਾਂਦੀ ਹੈ ਕਿ ਉਹ MyGov ਵੈੱਬਸਾਈਟ ’ਤੇ ਆਪਣੇ superannuation ਖਾਤਿਆਂ ਦੀ ਜਾਂਚ ਕਰਨ ਅਤੇ ਇਨ੍ਹਾਂ ਬੇਲੋੜੇ ਖਰਚਿਆਂ ਤੋਂ ਬਚਣ ਲਈ ਸਾਰੇ ਖਾਤਿਆਂ ਨੂੰ ਇੱਕ ਵਿੱਚ ਏਕੀਕ੍ਰਿਤ ਕਰਨ।
