Brisbane ਦਾ ਭਵਿੱਖ high-density : ਘਰਾਂ ਤੋਂ apartments ਵੱਲ ਰੁਝਾਨ, ਲੋਕਾਂ ਵੱਲੋਂ ਵਿਰੋਧ ਤੇਜ਼

ਮੈਲਬਰਨ : ਆਸਟ੍ਰੇਲੀਆ ਦੇ ਤੇਜ਼ੀ ਨਾਲ ਵੱਧ ਰਹੇ ਸ਼ਹਿਰ Brisbane ਲਈ ਨਵਾਂ ਅਰਬਨ ਮਾਡਲ ਸਾਹਮਣੇ ਆ ਰਿਹਾ ਹੈ, ਜਿੱਥੇ ਅਨੁਮਾਨ ਹੈ ਕਿ 2046 ਤੱਕ ਆਬਾਦੀ ਲਗਭਗ 4.2 ਮਿਲੀਅਨ ਤੱਕ ਪਹੁੰਚ ਸਕਦੀ ਹੈ। ਇਸ ਵਧ ਰਹੇ ਦਬਾਅ ਨੂੰ ਸੰਭਾਲਣ ਲਈ ਸਰਕਾਰ ਅਤੇ ਪਲੈਨਰ ਹੁਣ high-density development ਵੱਲ ਵਧ ਰਹੇ ਹਨ, ਜਿਸ ਦਾ ਮਤਲਬ ਹੈ ਕਿ ਰਵਾਇਤੀ ਘਰਾਂ ਦੀ ਥਾਂ apartments ਅਤੇ high-rise ਇਮਾਰਤਾਂ ਵਧਣਗੀਆਂ। ਪਰ ਇਸ ਬਦਲਾਅ ਨੂੰ ਲੈ ਕੇ ਲੋਕਾਂ ਵਿੱਚ ਵੱਡਾ ਵਿਰੋਧ ਵੀ ਦੇਖਣ ਨੂੰ ਮਿਲ ਰਿਹਾ ਹੈ, ਜਿੱਥੇ ਰਹਿਣ ਵਾਲੇ ਆਪਣੇ ਇਲਾਕਿਆਂ ਦੀ ਪਛਾਣ, ਭੀੜ ਅਤੇ ਬੁਨਿਆਦੀ ਢਾਂਚੇ ’ਤੇ ਪੈਣ ਵਾਲੇ ਦਬਾਅ ਨੂੰ ਲੈ ਕੇ ਚਿੰਤਿਤ ਹਨ। ਮਾਹਿਰਾਂ ਮੁਤਾਬਕ, ਇਹ ਬਦਲਾਅ ਅਟੱਲ ਹੈ, ਪਰ ਸਰਕਾਰ ਲਈ ਸਭ ਤੋਂ ਵੱਡੀ ਚੁਣੌਤੀ ਇਹ ਹੈ ਕਿ ਵਿਕਾਸ ਅਤੇ ਲੋਕਾਂ ਦੀਆਂ ਚਿੰਤਾਵਾਂ ਵਿਚ ਸੰਤੁਲਨ ਕਿਵੇਂ ਬਣਾਇਆ ਜਾਵੇ।