ਮੈਲਬਰਨ : ਨਿਊ ਸਾਊਥ ਵੇਲਜ਼ ਦੇ ਮਸ਼ਹੂਰ Snowy Mountains ਖੇਤਰ ਵਿੱਚ ਇਸ ਸਾਲ ਮੌਸਮ ਨੇ ਅਚਾਨਕ ਮੋੜ ਲੈਂਦਿਆਂ ਸੀਜ਼ਨ ਤੋਂ ਪਹਿਲਾਂ ਹੀ ਬਰਫਬਾਰੀ ਹੋਣੀ ਸ਼ੁਰੂ ਹੋ ਗਈ ਹੈ। ਆਮ ਤੌਰ ’ਤੇ ਜਿੱਥੇ ਜੂਨ ਮਹੀਨੇ ’ਚ ਸਕੀ ਸੀਜ਼ਨ ਦੀ ਸ਼ੁਰੂਆਤ ਹੁੰਦੀ ਹੈ, ਉੱਥੇ ਮਾਰਚ ਦੇ ਅਖੀਰ ’ਚ ਹੀ ਬਰਫ ਦੀ ਪਤਲੀ ਪਰਤ ਦੇਖਣ ਨੂੰ ਮਿਲੀ ਹੈ।
Perisher ਅਤੇ Thredbo ਵਰਗੇ ਸਕੀ ਰਿਜ਼ੋਰਟ ਇਲਾਕਿਆਂ ’ਚ ਹਲਕੀ ਬਰਫਬਾਰੀ ਨੇ ਸਥਾਨਕ ਲੋਕਾਂ ਅਤੇ ਸੈਲਾਨੀਆਂ ਨੂੰ ਹੈਰਾਨ ਕਰ ਦਿੱਤਾ। ਮੌਸਮ ਵਿਭਾਗ ਮੁਤਾਬਕ ਠੰਢੀਆਂ ਹਵਾਵਾਂ ਅਤੇ ਦੱਖਣੀ ਸਮੁੰਦਰੀ ਸਿਸਟਮ ਦੇ ਕਾਰਨ ਤਾਪਮਾਨ ਅਚਾਨਕ ਘਟਿਆ, ਜਿਸ ਨਾਲ ਇਹ ਅਗਾਊਂ ਬਰਫਬਾਰੀ ਸੰਭਵ ਹੋਈ।
ਮਾਹਿਰਾਂ ਦਾ ਕਹਿਣਾ ਹੈ ਕਿ ਇਹ ਇੱਕ ਅਸਥਾਈ ਮੌਸਮੀ ਘਟਨਾ ਹੈ, ਪਰ ਇਹ ਸੰਕੇਤ ਵੀ ਦੇ ਰਹੀ ਹੈ ਕਿ ਆਉਣ ਵਾਲਾ ਸਰਦੀ ਦਾ ਸੀਜ਼ਨ ਜ਼ੋਰਦਾਰ ਰਹਿ ਸਕਦਾ ਹੈ। ਸੈਲਾਨੀ ਉਦਯੋਗ ਲਈ ਇਹ ਇੱਕ ਪਾਜ਼ੀਟਿਵ ਸੰਕੇਤ ਮੰਨਿਆ ਜਾ ਰਿਹਾ ਹੈ, ਕਿਉਂਕਿ ਜੇਕਰ ਇਹ ਰੁਝਾਨ ਜਾਰੀ ਰਹਿੰਦਾ ਹੈ ਤਾਂ ਇਸ ਸਾਲ ਸਕੀ ਸੀਜ਼ਨ ਜਲਦੀ ਅਤੇ ਮਜ਼ਬੂਤ ਸ਼ੁਰੂ ਹੋ ਸਕਦਾ ਹੈ।
Related Posts:
