ਆਸਟ੍ਰੇਲੀਆ ’ਚ ਮੰਦੀ ਦੇ ਸੰਕੇਤ ਤੇਜ਼, ਲੋਕਾਂ ਦਾ ਭਰੋਸਾ ਡਿੱਗਿਆ, ਖਰਚੇ ’ਤੇ ਬ੍ਰੇਕ

ਮੈਲਬਰਨ : ਆਸਟ੍ਰੇਲੀਆ ਦੀ ਅਰਥਵਿਵਸਥਾ ਬਾਰੇ ਚਿੰਤਾ ਹੁਣ ਖੁੱਲ੍ਹ ਕੇ ਸਾਹਮਣੇ ਆ ਰਹੀ ਹੈ। ਨਵੇਂ ਅੰਕੜਿਆਂ ਮੁਤਾਬਕ consumer confidence 63.1 ਤੱਕ ਡਿੱਗ ਗਿਆ ਹੈ, ਜੋ ਦਰਸਾਉਂਦਾ ਹੈ ਕਿ ਲੋਕ ਆਰਥਿਕ ਹਾਲਾਤਾਂ ਨੂੰ ਲੈ ਕੇ ਨਿਰਾਸ਼ ਹਨ ਅਤੇ ਖਰਚ ਕਰਨ ਤੋਂ ਹਿਚਕਚਾ ਰਹੇ ਹਨ।

ਇਸਦੇ ਨਾਲ ਹੀ ਲੋਕਾਂ ਨੂੰ ਉਮੀਦ ਹੈ ਕਿ ਮਹਿੰਗਾਈ ਦਰ ਲਗਭਗ 6.9% ਤੱਕ ਪਹੁੰਚ ਸਕਦੀ ਹੈ, ਜਿਸ ਨਾਲ ਇਹ ਸੰਕੇਤ ਮਿਲਦਾ ਹੈ ਕਿ ਆਉਣ ਵਾਲੇ ਸਮੇਂ ’ਚ ਰਹਿਣ-ਸਹਿਣ ਦੀ ਲਾਗਤ ਹੋਰ ਵੱਧ ਸਕਦੀ ਹੈ। ਕਈ ਅਰਥਸ਼ਾਸਤਰੀ ਹੁਣ ਸਿੱਧੀ ਗੱਲ ਕਰ ਰਹੇ ਹਨ। ਉਨ੍ਹਾਂ ਦੇ ਮੁਤਾਬਕ ਆਸਟ੍ਰੇਲੀਆ ਸ਼ਾਇਦ ਪਹਿਲਾਂ ਹੀ ਇੱਕ “real-time recession” ਦੇ ਦੌਰ ’ਚ ਦਾਖਲ ਹੋ ਚੁੱਕਾ ਹੈ, ਭਾਵੇਂ ਅਧਿਕਾਰਕ ਤੌਰ ’ਤੇ ਇਸਦਾ ਐਲਾਨ ਨਾ ਕੀਤਾ ਗਿਆ ਹੋਵੇ।

ਮਾਹਿਰਾਂ ਦਾ ਕਹਿਣਾ ਹੈ ਕਿ ਇਸਦੇ ਪਿੱਛੇ ਤਿੰਨ ਵੱਡੇ ਕਾਰਨ ਹਨ:

• ਹਾਊਸਿੰਗ ਮਾਰਕੀਟ ਵਿੱਚ ਸੁਸਤੀ, ਜਿੱਥੇ ਖਰੀਦਦਾਰ ਪਿੱਛੇ ਹਟ ਰਹੇ ਹਨ
• ਵਿਆਜ ਦਰਾਂ ਵਿੱਚ ਵਾਧਾ, ਜਿਸ ਨਾਲ ਕਰਜ਼ਾ ਲੈਣਾ ਮਹਿੰਗਾ ਹੋ ਗਿਆ ਹੈ
• ਅਤੇ ਰੋਜ਼ਾਨਾ ਦੀਆਂ ਲਾਗਤਾਂ ਵਿੱਚ ਵਾਧਾ, ਜੋ ਘਰੇਲੂ ਬਜਟ ’ਤੇ ਦਬਾਅ ਪਾ ਰਿਹਾ ਹੈ

ਇਸ ਸਾਰੇ ਦੌਰ ’ਚ ਆਮ ਆਸਟ੍ਰੇਲੀਆਈ ਪਰਿਵਾਰ ਆਪਣਾ ਖਰਚ ਘਟਾਉਣ ’ਤੇ ਮਜਬੂਰ ਹਨ। ਚਾਹੇ ਉਹ ਘਰ ਖਰੀਦਣਾ ਹੋਵੇ ਜਾਂ ਰੋਜ਼ਾਨਾ ਦੀ ਖਪਤ।