ਆਸਟ੍ਰੇਲੀਆ ਸਰਕਾਰ ਨੇ ਘੱਟੋ-ਘੱਟ ਤਨਖਾਹ ’ਚ ਮਹਿੰਗਾਈ ਤੋਂ ਵੱਧ ਵਾਧੇ ਦੀ ਮੰਗ ਕੀਤੀ

ਮੈਲਬਰਨ : ਆਸਟ੍ਰੇਲੀਆ ਦੀ ਫੈਡਰਲ ਸਰਕਾਰ ਨੇ ਫੇਅਰ ਵਰਕ ਕਮਿਸ਼ਨ ਨੂੰ ਅਪੀਲ ਕੀਤੀ ਹੈ ਕਿ ਘੱਟੋ-ਘੱਟ ਤਨਖਾਹ ਅਤੇ ਅਵਾਰਡ ਤਨਖਾਹ ਵਾਲੇ ਵਰਕਰਾਂ ਨੂੰ ਮਹਿੰਗਾਈ ਤੋਂ ਵੱਧ ਵਾਧਾ ਦਿੱਤਾ ਜਾਵੇ। ਰੁਜ਼ਗਾਰ ਮੰਤਰੀ Amanda Rishworth ਅਤੇ ਟਰੈਜ਼ਰਰ Jim Chalmers ਨੇ ਕਿਹਾ ਕਿ ਘੱਟ-ਤਨਖਾਹ ਵਾਲੇ ਵਰਕਰਾਂ ਰਹਿਣ-ਸਹਿਣ ਦੇ ਵੱਧ ਰਹੇ ਖਰਚੇ ਦਾ ਭਾਰ ਨਾ ਝੱਲਣ ਪਵੇ। ਇਸ ਵੇਲੇ ਘੱਟੋ-ਘੱਟ ਤਨਖਾਹ 948 ਡਾਲਰ ਪ੍ਰਤੀ ਹਫ਼ਤਾ ਹੈ, ਜਿਸ ਨਾਲ ਲਗਭਗ 2.7 ਮਿਲੀਅਨ ਵਰਕਰ ਪ੍ਰਭਾਵਿਤ ਹਨ। ACTU ਨੇ 5% ਵਾਧੇ ਦੀ ਮੰਗ ਕੀਤੀ ਹੈ, ਜਦਕਿ ACCI ਨੇ 3.5% ਦੀ ਸਿਫਾਰਸ਼ ਕੀਤੀ ਹੈ। ਸਰਕਾਰ ਨੇ ਕੋਈ ਅੰਕ ਨਹੀਂ ਦਿੱਤਾ, ਪਰ “ਅਸਲੀ ਵਾਧੇ” ਦੀ ਗੱਲ ਕੀਤੀ ਹੈ। ਮਹਿੰਗਾਈ 3.7% ਹੈ ਅਤੇ ਟਰੈਜ਼ਰੀ ਨੇ ਚੇਤਾਵਨੀ ਦਿੱਤੀ ਹੈ ਕਿ ਇਹ 5% ਤੱਕ ਵੱਧ ਸਕਦੀ ਹੈ। ਵਪਾਰਿਕ ਸੰਸਥਾਵਾਂ ਨੇ ਚੇਤਾਵਨੀ ਦਿੱਤੀ ਹੈ ਕਿ ਤਨਖਾਹ ਵਾਧਾ ਉਤਪਾਦਕਤਾ ਨਾਲ ਜੁੜਿਆ ਹੋਣਾ ਚਾਹੀਦਾ ਹੈ, ਨਹੀਂ ਤਾਂ ਮਹਿੰਗਾਈ ਅਤੇ ਵਿਆਜ ਦਰਾਂ ਵਧ ਸਕਦੀਆਂ ਹਨ।