ਆਸਟ੍ਰੇਲੀਆ ਦੀ ਵਿਰੋਧੀ ਧਿਰ Coalition ਤੋਂ ਵੀ ਅੱਗੇ ਨਿਕਲੀ One Nation ਪਾਰਟੀ, ਜਾਣੋ ਕੀ ਕਹਿੰਦੈ ਤਾਜ਼ਾ ਸਰਵੇਖਣ

ਮੈਲਬਰਨ : ਸਿਡਨੀ ਵਿੱਚ ਜਾਰੀ ਤਾਜ਼ਾ ਰਿਜ਼ੋਲਵ ਪੋਲਿਟਿਕਲ ਮਾਨੀਟਰ ਸਰਵੇਖਣ ਨੇ ਆਸਟ੍ਰੇਲੀਆਈ ਰਾਜਨੀਤੀ ਵਿੱਚ ਹਲਚਲ ਮਚਾ ਦਿੱਤੀ ਹੈ। Pauline Hanson ਦੀ One Nation ਪਾਰਟੀ ਨੇ ਆਪਣੀ ਪ੍ਰਾਇਮਰੀ ਵੋਟ 24% ਤੱਕ ਵਧਾ ਲਈ ਹੈ, ਜੋ ਕਿ ਵਿਰੋਧੀ ਧਿਰ Coalition ਦੇ 22% ਤੋਂ ਵਧ ਗਈ ਹੈ। Coalition ਦੀ ਮਕਬੂਲੀਅਤ ਰਿਕਾਰਡ ਪੱਧਰ ’ਤੇ ਘੱਟ ਹੋ ਗਈ ਹੈ। ਇਹੀ ਨਹੀਂ One Nation ਨੇ ਸੱਤਾਧਾਰੀ ਲੇਬਰ ਪਾਰਟੀ ਦੀਆਂ ਵੋਟਾਂ ਵੀ ਕੱਟਣਾ ਸ਼ੁਰੂ ਕਰ ਦਿੱਤਾ ਹੈ, ਜਿਸ ਦੀ ਵੋਟ ਸਹਾਇਤਾ 31% ਤੋਂ ਘਟ ਕੇ 29% ’ਤੇ ਆ ਗਈ ਹੈ।

ਇਹ ਉਛਾਲ Barnaby Joyce ਦੇ One Nation ਨਾਲ ਜੁੜਨ ਤੋਂ ਬਾਅਦ ਆਇਆ ਹੈ। ਸਰਵੇਖਣ ਦੌਰਾਨ ਲੋਕਾਂ ਨੇ ਮਹਿੰਗਾਈ ਅਤੇ ਰਹਿਣ-ਸਹਿਣ ਦੀ ਲਾਗਤ ਨੂੰ ਸਭ ਤੋਂ ਵੱਡਾ ਮੁੱਦਾ ਦੱਸਿਆ। ਹਾਲਾਂਕਿ ਲਿਬਰਲ ਪਾਰਟੀ ਪ੍ਰਧਾਨ Angus Taylor, ਜੋ ਨਵੇਂ Coalition ਲੀਡਰ ਹਨ, ਪ੍ਰਧਾਨ ਮੰਤਰੀ Anthony Albanese ਦੇ ਮੁਕਾਬਲੇ ਕੁਝ ਜ਼ਮੀਨ ਹਾਸਲ ਕਰਨ ਵਿੱਚ ਸਫਲ ਰਹੇ ਹਨ। ਪਸੰਦੀਦਾ ਪ੍ਰਧਾਨ ਮੰਤਰੀ ਦੇ ਮਾਮਲੇ ’ਚ Angus Taylor ਨੇ 31% ਰੇਟਿੰਗ ਹਾਸਲ ਕੀਤੀ, ਜਦਕਿ Anthony Albanese ਦੀ ਰੇਟਿੰਗ 37% ਤੋਂ ਘਟ ਕੇ 35% ਰਹਿ ਗਈ।

ਇਹ ਨਤੀਜੇ ਦਰਸਾਉਂਦੇ ਹਨ ਕਿ ਆਸਟ੍ਰੇਲੀਆਈ ਰਾਜਨੀਤੀ ਵਿੱਚ ਛੋਟੀਆਂ ਪਾਰਟੀਆਂ ਵੱਡੇ ਖਿਡਾਰੀਆਂ ਲਈ ਗੰਭੀਰ ਚੁਣੌਤੀ ਬਣ ਰਹੀਆਂ ਹਨ।