ਮੈਲਬਰਨ : ਆਸਟ੍ਰੇਲੀਆ ਨੇ ਆਪਣੀ ਜਨਤਕ ਸਿਹਤ ਪ੍ਰਣਾਲੀ ਮਜ਼ਬੂਤ ਕਰਨ ਵੱਲ ਵੱਡਾ ਕਦਮ ਚੁੱਕਿਆ ਹੈ। ਦੇਸ਼ ਵਿੱਚ ਅਸਥਾਈ Australian Centre for Disease Control (CDC) ਇਸ ਵੇਲੇ ਕੰਮ ਕਰ ਰਿਹਾ ਹੈ ਅਤੇ ਸਰਕਾਰ ਨੇ ਪੁਸ਼ਟੀ ਕੀਤੀ ਹੈ ਕਿ ਇਸ ਨੂੰ 1 ਜਨਵਰੀ 2026 ਤੋਂ ਸਥਾਈ ਬਣਾਉਣ ਲਈ ਕਾਨੂੰਨ ਤਿਆਰ ਕੀਤਾ ਜਾ ਰਿਹਾ ਹੈ।
Aged Care ਬਾਰੇ ਰੋਇਲ ਕਮਿਸ਼ਨ ਦੀ ਰਿਪੋਰਟ ਅਤੇ ਕੋਵਿਡ-19 ਮਹਾਮਾਰੀ ਦੌਰਾਨ ਸਾਹਮਣੇ ਆਈਆਂ ਕਮਜ਼ੋਰੀਆਂ ਤੋਂ ਬਾਅਦ ਇੱਕ ਰਾਸ਼ਟਰੀ CDC ਦੀ ਸਿਫਾਰਸ਼ ਕੀਤੀ ਗਈ ਸੀ। ਇਹ ਕੇਂਦਰ ਭਵਿੱਖ ਦੀਆਂ ਮਹਾਮਾਰੀਆਂ, ਬੀਮਾਰੀਆਂ ਦੇ ਫੈਲਾਅ ਅਤੇ ਹੋਰ ਸਿਹਤ ਸੰਕਟਾਂ ਵਿੱਚ ਰਾਸ਼ਟਰੀ ਪੱਧਰ ’ਤੇ ਬਿਹਤਰ ਤਾਲਮੇਲ ਯਕੀਨੀ ਬਣਾਉਣ ਲਈ ਸਥਾਪਤ ਕੀਤਾ ਗਿਆ ਹੈ।
ਫਿਲਹਾਲ ਅਸਥਾਈ ਤੌਰ ’ਤੇ ਚੱਲ ਰਿਹਾ CDC ਤਿਆਰੀ, ਡਾਟਾ ਸਾਂਝਾ ਕਰਨ ਅਤੇ ਰਾਜ–ਕੇਂਦਰ ਸਿਹਤ ਅਧਿਕਾਰੀਆਂ ਵਿਚਕਾਰ ਬਿਹਤਰ ਸਬੰਧ ਬਣਾਉਣ ’ਤੇ ਧਿਆਨ ਦੇ ਰਿਹਾ ਹੈ। ਵਿਦਵਾਨਾਂ ਦਾ ਕਹਿਣਾ ਹੈ ਕਿ ਸਥਾਈ ਬਣਨ ਤੋਂ ਬਾਅਦ ਇਹ ਕੇਂਦਰ ਤੇਜ਼ ਪ੍ਰਤੀਕਿਰਿਆ, ਪਾਰਦਰਸ਼ਿਤਾ ਅਤੇ ਇਕਸਾਰਤਾ ਲਿਆਵੇਗਾ।
ਸਿਹਤ ਮਾਹਿਰਾਂ ਨੇ ਇਸ ਕਦਮ ਦਾ ਸਵਾਗਤ ਕੀਤਾ ਹੈ, ਕਹਿੰਦੇ ਕਿ ਇਸ ਨਾਲ ਆਸਟ੍ਰੇਲੀਆ ਵੀ ਅਮਰੀਕਾ ਅਤੇ ਯੂਰਪ ਵਰਗੀਆਂ ਪ੍ਰਣਾਲੀਆਂ ਦੇ ਸਮਾਨ ਹੋ ਜਾਵੇਗਾ।
