ਮੈਲਬਰਨ: ਇੱਕ ਤਾਜ਼ਾ ਸਰਵੇਖਣ ਤੋਂ ਪਤਾ ਲੱਗਾ ਹੈ ਕਿ ਲਗਭਗ ਇੱਕ ਚੌਥਾਈ ਆਸਟ੍ਰੇਲੀਆਈ ਮਕਾਨ ਮਾਲਕ ਰਹਿਣ-ਸਹਿਣ ਦੀਆਂ ਵਧਦੀਆਂ ਲਾਗਤਾਂ ਅਤੇ ਵਿਆਜ ਰੇਟ ਕਾਰਨ ਆਪਣੀ ਪ੍ਰਾਪਰਟੀ ਵੇਚਣ ਬਾਰੇ ਚਿੰਤਤ ਹਨ। ਪਿਛਲੇ ਦੋ ਸਾਲਾਂ ਤੋਂ ਵਧੇ ਹੋਏ ਵਿਆਜ ਰੇਟ ਕਾਰਨ ਪੂਰੇ ਦੇਸ਼ ਦੇ ਮੌਰਗੇਜ ਹੋਲਡਰਾਂ ਨੂੰ ਕੁੱਲ ਮਿਲਾ ਕੇ 60 ਅਰਬ ਡਾਲਰ ਦਾ ਨੁਕਸਾਨ ਹੋਇਆ ਹੈ।
ਚਿੰਤਾ ਦਾ ਕਾਰਨ ਫਿਕਸਡ ਰੇਟ ਮੌਰਗੇਜ ਦੀ ਮਿਆਦ ਖਤਮ ਹੋਣ ਅਤੇ ਇਸ ਨੂੰ ਉੱਚ ਵੇਰੀਏਬਲ ਰੇਟ ਵਿੱਚ ਤਬਦੀਲ ਕਰਨਾ ਹੈ। ਹਾਲਾਂਕਿ, ਇਹ ਸੰਭਾਵਨਾ ਨਹੀਂ ਹੈ ਕਿ ਸਾਰੇ ਸਬੰਧਤ ਲੋਕ ਆਪਣਾ ਘਰ ਵੇਚਣਗੇ। ਬਹੁਤ ਸਾਰੇ ਲੋਕ ਰੀਪੇਮੈਂਟ ਲਈ ਸੰਘਰਸ਼ ਕਰ ਰਹੇ ਹਨ ਕਿਉਂਕਿ ਉਨ੍ਹਾਂ ਦੀ ਬੱਚਤ ਖਤਮ ਹੋ ਗਈ ਹੈ। ਆਉਣ ਵਾਲੀਆਂ ਟੈਕਸ ਕਟੌਤੀਆਂ ਅਤੇ ਇਸ ਸਾਲ ਦੇ ਅਖੀਰ ਵਿੱਚ ਸੰਭਾਵਿਤ ਕੈਸ਼ ਰੇਟ ਵਿੱਚ ਕਟੌਤੀ ਕੁਝ ਰਾਹਤ ਪ੍ਰਦਾਨ ਕਰ ਸਕਦੀ ਹੈ। ਰਿਜ਼ਰਵ ਬੈਂਕ ਨੇ ਮਈ 2022 ਤੋਂ ਲੈ ਕੇ ਹੁਣ ਤੱਕ ਵਿਆਜ ਦਰਾਂ ‘ਚ 13 ਵਾਰ ਵਾਧਾ ਕੀਤਾ ਹੈ, ਜਿਸ ਨਾਲ ਕਰਜ਼ਿਆਂ ਦੀ ਅਦਾਇਗੀ ‘ਚ ਕਾਫੀ ਵਾਧਾ ਹੋਇਆ ਹੈ। ਵਿਆਜ ਰੇਟ ‘ਤੇ ਰਿਜ਼ਰਵ ਬੈਂਕ ਦੀ ਅਗਲੀ ਬੈਠਕ ਜਲਦੀ ਹੀ ਹੋਣ ਵਾਲੀ ਹੈ ਅਤੇ ਹਾਲਾਂਕਿ ਇਕ ਹੋਰ ਵਾਧੇ ਦੀ ਸੰਭਾਵਨਾ ਨਹੀਂ ਹੈ, ਪਰ ਨਵੰਬਰ ਦੇ ਆਸ ਪਾਸ ਕਟੌਤੀ ਦੀ ਉਮੀਦ ਵੀ ਨਹੀਂ ਹੈ।