ਮੈਲਬਰਨ: ਨਰਸਿੰਗ ਹੋਮ ’ਚ ਰਹਿ ਰਹੇ ਅਮੀਰ ਆਸਟ੍ਰੇਲੀਆਈ ਲੋਕਾਂ ਨੂੰ ਫ਼ੈਡਰਲ ਸਰਕਾਰ ਦੇ ਨਵੇਂ ਫ਼ੈਸਲੇ ਤੋਂ ਬਾਅਦ ਜ਼ਿਆਦਾ ਖ਼ਰਚ ਕਰਨਾ ਪੈ ਸਕਦਾ ਹੈ। ਫ਼ੈਡਰਲ ਸਰਕਾਰ ਉਨ੍ਹਾਂ ਲੋਕਾਂ ਲਈ ਰੋਜ਼ਾਨਾ 61 ਡਾਲਰ ਦੀ ਫੀਸ ਵਧਾਉਣ ‘ਤੇ ਵਿਚਾਰ ਕਰ ਰਹੀ ਹੈ ਜੋ ਵੱਧ ਖ਼ਰਚਾ ਚੁੱਕ ਸਕਦੇ ਹਨ। ਇਹ ਫ਼ੈਸਲਾ ਰੈਜ਼ੀਡੈਂਸ਼ੀਅਲ ਏਜਡ ਕੇਅਰ ਸਿਸਟਮ ਦੇ ਫੰਡਾਂ ਵਿੱਚ ਸੰਭਾਵਿਤ ਸੁਧਾਰ ਦੇ ਹਿੱਸੇ ਵਜੋਂ ਆਉਂਦਾ ਹੈ। ਬਜ਼ੁਰਗਾਂ ਦੀ ਦੇਖਭਾਲ ਇੱਕ ਮਹੱਤਵਪੂਰਣ ਬਜਟ ਮੁੱਦਾ ਹੈ ਜਿਸ ਨੂੰ ਲੇਬਰ ਪਾਰਟੀ ਨੂੰ ਹੱਲ ਕਰਨਾ ਪਵੇਗਾ। ਸੁਤੰਤਰ ਸੰਸਦੀ ਬਜਟ ਦਫਤਰ ਦਾ ਅਨੁਮਾਨ ਹੈ ਕਿ 2033-34 ਵਿੱਚ ਬਜ਼ੁਰਗਾਂ ਦੀ ਦੇਖਭਾਲ ਦੀ ਲਾਗਤ 82٪ ਤੋਂ ਵੱਧ ਜਾਂ ਲਗਭਗ 29 ਅਰਬ ਡਾਲਰ ਵਧ ਕੇ 63.6 ਅਰਬ ਡਾਲਰ ਹੋ ਜਾਵੇਗਾ। ਬਜ਼ੁਰਗ ਦੇਖਭਾਲ ਮੰਤਰੀ ਅਨਿਕਾ ਵੇਲਜ਼ ਨੇ ਸੰਕੇਤ ਦਿੱਤਾ ਹੈ ਕਿ ਸਰਕਾਰ ਦੇਖਭਾਲ ਦੀ ਬਿਹਤਰ ਕੁਆਲਿਟੀ ਲਈ ਆਸਟ੍ਰੇਲੀਆਈ ਲੋਕਾਂ ਤੋਂ ਵਧੇਰੇ ਯੋਗਦਾਨ ਦੀ ਉਮੀਦ ਕਰਦੀ ਹੈ।
ਅਮੀਰ ਬਜ਼ੁਰਗਾਂ ਨੂੰ ਏਜਡ ਕੇਅਰ ਹੋਮਸ ’ਚ ਦੇਣੇ ਪੈ ਸਕਦੇ ਹਨ ਵਾਧੂ ਡਾਲਰ, ਫ਼ੈਡਰਲ ਸਰਕਾਰ ਬਣਾਉਣ ਜਾ ਰਹੀ ਹੈ ਨਵੇਂ ਨਿਯਮ
